Yamesi 1:18 - Yaubada wasana: Buka Hauhauna tupwana

¹⁸ Yona hineli ye ginauliyako meta yona hedehedede mamohoina unai kabo mauli hauhauna ye leyama kalidawai. Ede ginauli maudoidi ye hetubudi wa luwadiyena kita meta ye kaisunuwaida ta hemala kaniyo bagubagunadiyao.

Youbada wasana: Buka Houhauna tupwana

¹⁸ Yona hineli ye ginauliyako meta yona hedehedede mamohoina unai kabo mauli hauhauna ye leyama kalidawai. Ede ginauli maudoidi ye hetubudi wa luwadiyena kita meta ye kaisunuwaida ta hemala kaniyo bagubagunadiyao.

Yamesi 1:18 Mawu Ofanana

Yowane 1:13

Na nige labalaba unai, o tamowai yodi gadosisi wai o maitawasola loheya yona nuwatu wai, na Yaubada yona hineli unai se hemala Yaubada natunao.

Hebelu 12:23

yo kwa laoma Yaubada natunao taubaguna siya kaiteyadi hesadiyao ye kulidiko galewa ne unai yodi kaihelahui koigogona unai. Yo kwa laoma Yaubada unai, iya ede tamowai maudoidi tauhekasadi, yo hinage tamowai dudulaidi yaluwadi yodi teha unai. Siya ede Yaubada ye tolehedudulaimamohoiyeidiko.

Yamesi 1:15

Huyana yona gadosisi yabayababadi wa se tubu meta kabo se labalaba, ede yababa. Yo yababa ne ye kinilakilaki na ye labalaba, ede boita.

Yamesi 1:21

Unai laulau yabayababadi yo nuwatu bikibikidi maudoidi luwamiu ne udiyedi kwa hekaiyawasidi. Yo ma nuwadobidobimiu Yaubada yona hedehedede kwa hai yo kwa sunumaei. Hedehedede wa iya ede Yaubada ye toleyako nuwamiu ne unai na gonowana ye hemauligomiu.

Yamesi 3:14

Na ena komiu nuwamiu ne udiyedi kaikalomagigili yababakalilina yo kwa bom kwa nuwatuꞌuyoigomiu, tabu kwa hededetausaeꞌuyoigomiu bena kwa sibasiba, yo hedehedede mamohoina tabu kwa uhaꞌuhalaei.