Maleko 8:11 - Yaubada wasana: Buka Hauhauna tupwana

¹¹ Na Paliseya tamowaidi se laoma na se hetubu Yesu maiyadi se haikawayagala. Se henuwa bena Yesu se laukita, unai galewa hekihekinoina se kaibwadai kalinawai.

Youbada wasana: Buka Houhauna tupwana

¹¹ Kabo Paliseya tamowaidi se laoma na se hetubu Yesu maiyadi se haikawayagala. Se henuwa bena Yesu se lautonogi, unai se kaibwadai bena galewa hekihekinoina hesau ye ginauli na se kita.

Maleko 8:11 Mawu Ofanana

Mataiyo 12:38

Na kabo Paliseya tamowaidiyao yo laugagayo taulauhekataena hekadiyo se laoma Yesu unai se wane, “Taulauhekata, ka henuwa bena laulau gigigigibwalina hesau ku ginauli na ka kita.”

Mataiyo 19:3

Na Paliseya tamowaidiyao hekadi se laoma bena Yesu se lautonogi, na se henamaiyei se wane, “Gonowana taba tamowai hesau mwanena nuwatu saha hesau debanaena ye inawasei, o ye inawasegaibuimoei?”

Mataiyo 21:23

Yesu ye seuyo numa tabuna wa unai na bakubakuna unai ye hetubu ye lauhekata, na taukaitalasam tauwoyaidi yo magai babadadiyao se laoma iya se henamaiyei se wane, “Kaiteya yona gigibwaliyena teina laulau ta ku ginaulidi, yo kaiteya yom dudulai ye haiyawa na taulokulokune wa ku henakuhepesadi?”

Mataiyo 22:15

Na kabo Paliseya bodana wa se laomagogoi na se koitalaliu bena taba idohagina kabo Yesu se lupoi na yona hedehededeyena ye laupwano, na unai kabo se hegilu.

Mataiyo 22:18

Na yodi nuwatu yababana wa Yesu kabina ye katako ede ye hededelau udiyedi ye wane, “Komiu taukailupolupo tamowaidiyao. Idohagi to kwa kaipate bena kwa lupohaigau?

Mataiyo 22:23

Mayadai kesekesegana ne unai Sadusiya bodana se laoma Yesu unai. Sadusiya tamowaidiyao meta boita toloꞌuyona nige se kawamamohoiyei. Na se henamaiyei se wane,

Maleko 12:15

Kabo ka tole o tabu ka toletole?” Yodi kailupolupo Yesu ye kita na ye wane, “Idohagi to bena kwa lautonogigau? Hage, denali hesau kwa leyama ya kita.”

Maleko 2:16

Laugagayo taulauhekata tamowaidi hekadiyo, siya Paliseya tamowaidi, Yesu se kita yababa tamowaidi yo takisi tautanotano maiyadi se kaikaigogo, na se hededelau yona hekahekatao udiyedi se wane, “Iya idohagi to takisi tautanotano yo yababa tamowaidi maiyanao se kaikaigogo?”

Maleko 9:16

Na Yesu ye henamaiyedi ye wane, “Komiu saha kwa haihaikawayagalaei?”

Yowane 4:48

Yesu ye hededelau unai ye wane, “Idohagi, kowa yo tamowai maudoidi, ena nige hekihekinoi yo laulau gigigigibwalidi kwa kitadi meta nige gonowana kwa kawamamohoi!”

Yowane 6:30

Na se henamaiꞌuyo se wane, “Kabikabi gigigigibwalina saha ku ginauli ka kita na unai kabo ka kawamamohoiyego? Saha kabo ku ginauli?

Yowane 7:48

Kabina kwa kata meta kai yo tauwoyawoya saesaedi luwamaiyena nige hesau tamowai me ye sunumaei.

Yowane 8:6

Teina henamai ta se tole meta iya kabalaukitana, na saha ye hedede kalidiwai unai kabo iya se hegilu. Na Yesu ye dunedobi na nima gigina unai bwatano wa unai ye hetubu ye kulikuli.

Apostolo 5:9

Petelo ye wane, “Ye saha to kowa yo mwanem nuwamiu kesega na Guiyau Yaluwana kwa lupoi? Mahana te unai meta mwanem wa tautolena siya ede kawakeda ne unai, kowa hinage kabo se bahelaego.”