Maleko 2:5 - Yaubada wasana: Buka Hauhauna tupwana

⁵ Yesu tamowai wa yodi sunuma ye kitadi, unai ye hededelau taubunibuni wa unai ye wane, “Natugu, yom yababa wa ya nuwatugabaedi.”

Youbada wasana: Buka Houhauna tupwana

⁵ Yesu tamowai wa yodi sunuma ye kita, unai ye hededelau taubunibuni wa unai ye wane, “Natugu, yom yababa ya nuwatugabaeidi.”

Maleko 2:5 Mawu Ofanana

Mataiyo 9:2

Menai tamowai hekadiyo tau hesau bunibunina diyadiyali unai se baheiyama iya unai. Yesu yodi sunuma ye kita na ye hededelau taubunibunina wa unai ye wane, “Natugu! Ku nuwabayao, yom yababa ya nuwatugabaedi.”

Mataiyo 9:22

Na Yesu ye kitabui sinebada wa ye kita ede ye hededelau unai ye wane, “Natugu, nuwam ye bayao! Yom sunuma ta ye henamwanamwago.” Na mahanana ne unai waihiu wa ye namwanamwa.

Mataiyo 9:5

Saha hedehededena ye biga ede: ‘Yom yababa wa ya nuwatugabaedi’, o, ‘Ku tolo na ku laulau.’

Maleko 2:6

Na laugagayo taulauhekata hekadiyo se tutuli se bom se nuwanuwatu se wane,

Maleko 5:34

Yesu kabo ye wane, “Natugu, kowa yom sunuma unai ede ku namwanamwa. Ku lau ma nuwabigam, kam kasiyebwa ye kaiyawasiko.”

Yowane 2:25

Na nige ye henuwa bena taba tamowai hesau ye laoma kalinawai na kana kaha kana kao ye hedehededeidi, matawuwuna yodi laulau meta kabidi ye katakalili.

Yowane 5:14

Na muliyena Yesu iya ye lobai numa tabuna unai, ede ye hededelau unai ye wane, “Kowa ku namwanamwako, na tabu yababa ku ginauliꞌuyoi, madai yababalakilaki kabo ku hekalo.”

Apostolo 11:23

Iya meta tamowai namwanamwana. Yaluwa Tabuna iya ye hemwayau, yo yona sunuma ye bayao. Ye lage na ye kitalobaidi meta Yaubada ye hemaulidiko, ede ye gwauyala na ye hededehebayaodi bena se tolobayao ma nuwakohihaidi. Na bodalakilaki se patulau Guiyau unai.

Apostolo 14:9

Ye tutuli na ye lapulapui Paulo yona lauguguya wa unai. Paulo ye kitalau unai ede ye kitalobai meta Yesu ye sunumaei gonowana kabo ye henamwanamwa.

Apostolo 5:31

Yaubada iya ye hai na ye tole nimatuutuuna unai. Ye hemala wasawasa yo tauhemahemauli, bena Isalaela ye saguidi na se nuwabui na yodi yababa kabo Yaubada ye nuwatugabaedi.

Kolose 3:13

Bena kwa nuwatalu na tabu kwa tautausiꞌolologaibu, yo yababa saha kalimiuwai se ginaulidi bena kwa nuwatugabaedi. Yababa kwa nuwatugabaedi gonogonowana doha Guiyau yomi yababa ye nuwatugabaediko.

Yamesi 5:15

Na ena babadao wa taukasiyebwa ne yona se tapwalolo, na se sunuma meta Yaubada iya kabo tamowai ne ye henamwanamwa, kabo ye namwanamwa. Guiyau kabo tamowai ne tauna ye hebayaodi na yona namwanamwa maudoina ye haiꞌuyoidi. Na ena yona baꞌaya, Yaubada kabo ye nuwatugabaei.