Maleko 16:17 - Yaubada wasana: Buka Hauhauna tupwana

¹⁷ Taukawamamohoiyeigau ne kabo teina laulau ta se ginaulidi Yaubada yona gigibwali unai: Yau hesaguwai kabo yaluwa yabayababadi se hededehepesadi tamowai udiyedi. Yo kalina hekadi nige kabidi se kata kabo udiyedi se hedehedede.

Youbada wasana: Buka Houhauna tupwana

¹⁷ Taukawamamohoiyeigau ne kabo teina laulau ta se ginaulidi Yaubada yona gigibwali unai: Yau hesaguwai kabo yaluwa yabayababadi se hededehepesadi tamowai udiyedi. Yo kalina hekadi nige kabidi se kata kabo udiyedi se hedehedede.

Maleko 16:17 Mawu Ofanana

Maleko 9:38

Na Yowane ye hededelau Yesu unai ye wane, “Tanuwaga, tamowai hesau ka kita yaluwa yababadi tamowai udiyedi ye hededehepesadi kowa hesamwai. Na ka hededelau unai taba ye kaiyawasi, matawuwuna iya nige kada kaha hesau.”

Yowane 14:12

Ya hededemamohoi kalimiuwai: Kaiteya ye sunuma kaliguwai kabo saha ya ginaulidiko wa hinage ye ginaulidi. Yo kabikabi hekadi ye ginaulidi kabo se saekalili na kabo saha yau ya ginaulidi wa. Matawuwuna ede yau meta ya laulau Tamagu unai.

Apostolo 10:46

matawuwuna ede se lapui meta Yaluwa yona hekataena kalina udoiꞌudoi udiyedi se hedehedede yo Yaubada se hedehedebasaei. Kabo Petelo ye hededelau yona hali Dius wa udiyedi ye wane,

Apostolo 16:18

Mayadai maudoina waihiu wa yona hedehedede kesekesegana. Unai Paulo ye tausiꞌololo yo ye kouyalayalakalili, ede ye hededelau yaluwa yabayababana wa unai ye wane, “Yesu Keliso hesanaena ya hededelaowa, waihiu ta ku pesagabaei.” Mahanana ne unai yaluwa yabayababana waihiu wa ye laugabaei.

Apostolo 19:6

Na huyana Paulo nimana wa ye tolesae kuludi wa udiyedi meta Yaluwa Tabuna ye hemwayaudi, na kalina udoiꞌudoi udiyedi se hedehedede, yo hinage Yaubada yona nuwatu ye mosedi na se hededehemasalahadi.

Apostolo 2:33

Na iya ye seuyoko Yaubada nimatutunaena ye tuli, na tamana yona hedehededehesunuma Yaluwa Tabuna ye hai. Na teina saha kwa kita yo kwa lapui ta, meta Yesu Yaluwa Tabuna ne ye inidobiyeiyama kalimaiyena.

Apostolo 5:16

Yo hinage magai hekadiyo Yelusalema dedekanaena udiyedi boda se laoma, yodi taukasikasiyebwa se baheidima yo kaiteyadi se kamkamna yaluwa yabayababadi udiyedi, meta maudoidi se namwanamwa.

Apostolo 8:7

Tamowai gwaudi udiyedi yaluwa yabayababadi se pesa na se douyogayogahi, yo hinage tamowai bunibunidi se bado se namwanamwa.