Maleko 16:1 - Yaubada wasana: Buka Hauhauna tupwana

¹ Sabati mayadaina gehena unai Maliya Magadala waihiuna, Maliya Yamesi sinana, yo Salome se lau yausi panepanedi se hemaisadi bena kabo Yesu se heyausi.

Youbada wasana: Buka Houhauna tupwana

¹ Sabati mayadaina gehena unai Maliya Magadala waihiuna, Maliya Yamesi sinana, yo Salome se lau yausi panepanedi se hemaisadi bena kabo Yesu se heyausi.

Maleko 16:1 Mawu Ofanana

Maleko 14:3

Tenem huyana ne Yesu Betaniya unai. Simona hesana hesau Taulepela yona numa unai se kaikaigogo. Na waihiu hesau ye laoma yausi panepanena pakuna alabasata unai se ginauli ye bahei. Yausi panepanena wa nadi unai se ginauli yo maisana ye lakikalili. Waihiu wa yausi pakuna wa kabo gadona ye kesihai na yausi wa ye ini Yesu kuluna unai.

Maleko 14:8

Laulau saha kalinawai wa ye ginauli na ye namwa. Taugu ye heyausi na ye kabinonohai yogu huyaboita hesabana.

Maleko 15:40

Waiwaihiuwo hekadi kedalohawai se kitakitalau. Luwadi ne unai meta Maliya, Magadala waihiuna, yo Maliya Yamesi gagilina maiyana Yose sinadi, yo Salome.

Maleko 15:42

Yelusalema unai Alimatiya tamowaina hesau hesana Yosepa. Iya Sunedeli kadi boda saesaena hesau yo Yaubada yona basileiya ye nayanayai. Yesu yona huyaboita mayadaina ne meta Sabati kabinonoha mayadaina. Mahana ye duitalu na sola kabo Sabati hekasisina ye hetubu na Yosepa ma nuwabayaona ye lau Pilato unai na Yesu tauna ye kaibwadai.

Maleko 15:47

Maliya Magadala waihiuna maiyana Maliya Yose sinana se kita haedi Yosepa Yesu tauna ye tole.

Maleko 16:2

Mayadai bagubagunana malatomtomna mahana ye dalasae kabo se dahalai se lau Yesu bwayabwayana unai.

Maleko 16:8

Waiwaihiuwo wa se matausikalili yo se tabutabubu, unai bwayabwaya wa se pesagabae na se wasabu se lau. Na nige tamowai hesau yona se hedehedede, matawuwuna ede se matausikalili.

Yowane 19:25

Yesu yona sataulo dedekanawai meta iya sinana, sinana kana kaha, Maliya iya Kolopasi mwanena yo Maliya Magadala waihiuna se totolo.

Yowane 19:31

Na tenem meta Dius yodi Sabati kabinonohana mayadaina wa unai, yo mayadai hesauna ne kabo Sabati. Na tenem mayadaina ne meta mayadai saesaena. Na Dius tauwoyaidi nige se henuwa bena sinale ne se kabakabasi sataulo ne udiyedi ye lau ee Sabati ye lobai. Ede Pilato se kaibwadai na tamowai wa kaedi bena se yatugodudi yo sinaledi ne se haigabaedi.