Maleko 13:11 - Yaubada wasana: Buka Hauhauna tupwana

¹¹ Na taba huyana se paigomiu yo se laegomiu kabalauhetala udiyedi, meta tabu kwa nuwanuwatu kabo hedehedede saha udiyedi kwa hedehedede. Na saha Yaubada ye leyawa ne unai kwa hedehedede, matawuwuna komiu taba nige yomi nuwanuwatuyena kwa hedehedede, na Yaluwa Tabuna mo iya kabo ye hekatagomiu na kwa hedehedede.

Youbada wasana: Buka Houhauna tupwana

¹¹ Na huyana se kabihekahinigomiu yo se laegomiu kabalauhetala udiyedi, meta tabu kwa nuwanuwatu kabo hedehedede saha udiyedi kwa hedehedede, na saha Yaubada ye leyawa ne unai kwa hedehedede, matawuwuna komiu taba nige kwa bom yomi nuwanuwatuyena kwa hedehedede, na Yaluwa Tabuna kabo ye hekatagomiu na kwa hedehedede.

Maleko 13:11 Mawu Ofanana

Mataiyo 10:17

Bena kwa kitakitanamwanamwa, tamowai kabo se haigomiu yo se laegomiu magai yona laugagayo taukitahetetena udiyedi na se helauhetalagomiu, yo hinage sunago udiyedi kabo se pidiligomiu.

Maleko 13:12

Tamowai kabo yona saeya kana ye walohai, yo tama kabo natuna kana ye walohai. Natu kabo tamadiyao yo sinadiyao maiyadi se haikawayagala na kadi se walohai na kabo se unuidi.

Maleko 13:9

Komiu kwa kitakitanamwanamwaegomiu! Tamowai kabo se woyalaegomiu kabalaulauhetala udiyedi, yo sunago kalodi udiyedi kabo se pidiligomiu. Yau debaguwai kabo se woyalaegomiu tamowai lakilakidiyao yo wasawasa udiyedi, na bena kabo kwa hededehemasalahagau siya kalidiwai.

Yowane 3:27

Yodi hedehedede wa unai Yowane ye hededebui ye wane, “Nige gonowana tamowai hesau paisowa ye haigaibui, na paisowa ye hai ne meta Yaubada ye mosei.

Apostolo 2:4

Na Yaluwa Tabuna maudoidi wa ye hemwayaudi na yona gigibwaliyena se hetubu kalina udoiꞌudoi udiyedi se hedehedede.

Apostolo 3:13

Abelahama, Isako, Yakobo yo kada kulutubu maudoidi yodi Yaubada yona taupaisowa Yesu ye lausini na kabatuli namanamalina unai ye tuli. Huyana Yesu sola tanoubu ta unai meta komiu iya kwa mosegabaei na se unuhemwaloi. Pilato ye henuwa bena ye yailigabaei, na komiu kwa hedede meta Yesu nige kwa henuwa.

Apostolo 4:31

Tapwalolo wa ye gehe meta yodi kabakoigogo numana wa ye nukunuku na Yaluwa Tabuna ye hemwayaudi, na kabo se lau Yaubada wasana se duwai ma nuwabayaodi.

Apostolo 6:10

Yodi haikawayagala wa unai nige gonowana Setepano se saedikwai matawuwuna ede Yaluwa Tabuna ye hesibasiba.

Apostolo 6:15

Na Sunedeli yona koigogo wa unai taututuli wa se kaikewadudulai Setepano se kita, na kana kao wa se kita meta doha anelu.

Apostolo 7:55

Na Yaluwa Tabuna Setepano ye hemwayau, na ye kaikewasae galewa ne meta Yaubada yona namanamali ye kita, yo Yesu ye totolo Yaubada nimatutuna wa unai.

Yamesi 1:5

Ena hesau sibasiba unai ye deha, taba ye kaibwada Yaubada unai, na iya kabo ye kainauyai. Yaubada kabo taukaibwada maudoidi ye kainauyaidi ma nuwakohihaina, na nige ye kitaheyababadi.