Yohana 6:45 - Testamente Ledrimpswha ni Mapsalma

⁴⁵ Kutraliwi amabukwini ya vaprofeta: Hinkwavu vatadondrisiwa hi Xikwembu Nkulukumba. Hileswo-ke, mani na mani lweyi ayingeliki Tatana ni kudondra ku yene, ata ku mine.

Yohana 6:45 Mawu Ofanana

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Marka 1:2

swanga hi leswi swingatraliwa hi muprofeta Ezaya, angaku: Nitaruma a ntrumi yanga amahlweni kwaku, leyi yitakabekisa a ndlela yaku.

Lk 1:70

Swanga hi leswi angakhanela hi nomu wa vaprofeta vakwe va kuhlawuleka, va minkama-ni-minkama ya khale:

Lk 18:31

Yesu atekiki lava vakhume na vabiri, aku ku vone: Vonani, hintlhantukela Yerusalema; kutani kutahetiseka hinkwaswu leswi switraliwiki hi vaprofeta hi tlhelo dra N'wana wa Mhunu.

Yohana 10:27

A tihamba tanga tiyingela ritu dranga. Tadritiva, kutani tanilandra.

Yohana 6:37

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Yohana 6:65

Kuva loko ayengeta aku: Hikolahu nin'wibyeliki, niku: Akuna mhunu lweyi angataka ku mine, loko anganyikiwanga swone hi Tatana.

Mintiro Ya Vapostola 13:40

Tivonelani-ke, leswaku n'wingahumeleliwi hi leswi switraliwiki ku vaprofeta:

Mintiro Ya Vapostola 7:42

Kambe Xikwembu Nkulukumba avandrulukela avanyiketa kutirela a nyimpi ya tilo. Swanga heswi kutraliwiki abukwini dra vaprofeta vaku: Xana n'wininyiki a switlhavelo ni magandrelo a malembe lawa ya mune wa makume (40) ahuleni, yindlu ya Israyele?

Ef 1:17

Akuva Xikwembu Nkulukumba wa Hosi yeru Yesu Kriste, Tatana wa kuphatima, an'winyiki akutiveni kwake, a moya wa vutivi ni wa kun'wipfuletela.

Va-le-Filipiya 3:15

Hine hinkweru, lava hi hetisekiki a hi pimiseni swoleswo; nambi n'wakuva ni kupimisa kun'wana, Xikwembu Nkulukumba ata n'wipfuletela ni swoswo.

I Tsl 4:9

Ku leswi faneliki hi talirandru ku vamakwenu kupfumeleni, a swahafanekeli kun'witralela ntxhumu, hikuva n'wifambisiwa hi Xikwembu Nkulukumba kuko n'wirandrana van'we ni van'wana;

Va-Heberu 10:16

Lexi hi xipfumelelanu lexi nitaka xiyentxa navu antrhaku ka masiku wolawo kuhlaya Hosi: Nita beka milawu yanga a timbilwini tavu, nitatrala amiyanakanywini yavu.

I Yhn 2:27

Ke, akutotiwa loku n'wikuyamukeliki ku Yene akutrhami ku n'wine, hikola ka leswo an'wina kuvilela ka leswaku mhunu a n'widondrisa. Kambe swanga hileswi akutotiwa loku kwake kutiyiki kungeke na madrimi, kutan'widondrisa henhla ka mintxhumu hinkwayu, swanga hileswi n'wingadondrisiwa swone, xiswoswo trhamani ku Yene.