Yohana 6:33 - Testamente Ledrimpswha ni Mapsalma

³³ Hikusa a kati dra Xikwembu Nkulukumba hi ledri drixikaka hi le Tilweni, na drinyikaka a vutomi misava.

Yohana 6:33 Mawu Ofanana

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Yohana 16:28

Nisuki ku Tatana, nita misaveni; swoswi nitlhela nisiya misava, nimuka ku Tatana.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 3:13

Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Yohana 6:32

Yesu avabyela aku: Nihlayelamfuri, nili ku n'wine: Moxe angan'winyikanga kati ledri drihumaka Tilweni, kambe Tatana wanga an'winyika kati ledri drihumaka Tilweni, ledri dringa drone.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 6:41

Kutani va-Yuda va n'unun'uta hikola kwake, ni hi leswi atiki: Hi mine kati ledri drixikiki hi le Tilweni.

Yohana 6:48

Hi mine kati dra vutomi.

Yohana 6:50

A kati ledri drixikaka hi le Tilweni hi drone ledri driyentxaka leswaku loko mhunu ada drone, angafi.

Yohana 6:58

Ledri hi drone kati ledrixikiki hi le Tilweni; adrifani ni ledri vatatana venu vadridiki, hikusa drone adri vasivelanga kufa; lweyi adaka kati ledri, atahanya hi la kungahelikiki.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

I Tmt 1:15

A ritu ledri dra dumbeka, na kone drifanela kuyamukeliwa hi kudumba hinkwaku, leswaku Kriste Yesu ati misaveni, atatahuluxa vadohi, lava mine ninga lwenkulu ku vone.