Yohana 21:22 - Testamente Ledrimpswha ni Mapsalma

²² Yesu aku ku yene: Loko nirandra leswaku atrhama niko nibuya, swingava yini ku wene xana? Wene nilandre!

Yohana 21:22 Mawu Ofanana

Mt 16:24

Yesu ahangaku ku vadondrisiwa vakwe: Loko mhunu arandra a kunilandra atiyale, atirwexe xihambano xakwe anilandra.

Mt 24:27

Hikusa swanga hi lihati drivoniwaka na drivaninga kusukela avuxeni kuyatlhasa vupeladambu, switava tanu ni kubuya ka N'wana wa Mhunu.

Mt 24:3

Kuti loko atrhami nhaveni ya Minhlwari, a vadondrisiwa vakwe vatrhindrekela ku Yene na vali swavu vaku: Hibyele a nkama lowu switakahumelela ha swone, utivisa ni xikombiso xa kubuya kwaku, ni xa kuhela ka misava?

Mt 24:44

Hi swoswo na n'wine tilulamiselani hikusa a N'wana wa Mhunu atata hi nkama lowu n'wingawuyanakanyikiki.

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 8:22

Kambe amuyangula aku: Nilandre, trika vafi valahla a vafi vavu.

Marka 9:1

Yesu atlhela aku ku vone: Nihlayelamfuri nan'wibyela: Van'we ku lava vayimiki kola vangakhumbiwi hi lifu vangasinavona a Mfumu wa Xikwembu Nkulukumba wuta hi ntamu.

Yohana 21:19

Ahlaya leswo ku Petrosi akukombisa mafela lawa atakatwalisa Xikwembu Nkulukumba ha wone. Loko Yesu ahlayi leswo, aku ku yene: Nilandre!

Yohana 21:21

Loko Petrosi a muvonile, aku ku Yesu: Hosi, kutavana yini ku lweyi xana?

I Kor 11:26

Hikuva hi minkama hinkwayu, loko n'wida a kati ledri, n'winwa a ntrheko lowu, n'witava n'witivisa a kufa ka Hosi yikondra yibuya.

I Kor 4:5

Hileswo-ke, n'wingayavanyiseni ntxhumu na nkama wungasinatlhasa, kukota kutlhasa Hosi; anga Yene atakavaninga leswi swifihlekiki, swa munyama, atakavonekisa ni makungu lawa manga timbilwini ta vhanu; laho-ke mun'wana-ni-mun'wana atayamukela a kukhensiwa hi Xikwembu Nkulukumba.

I Tsl 2:19

Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

Yakobe 5:7

Ke, laviselani vamakweru, n'wirindrela kubuya ka Hosi. Lavisani, swanga hi mudrimi akotaka kulavisela, a mihandru leya lisima ya misava, kukondra kuta timpfula ta hlovo ni ta Malanga.

Yakobe 5:8

Laviselani na n'wine, nw'itiyisa timbilu tenu, hikusa a kubuya ka Hosi ku kusuhi.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!

Mpfuletelo 2:25

kambe bekisani leswi n'winganaswu kukota nitlhasa!

Mpfuletelo 22:20

Lweyi anga mboni ya mintxhumu leyi hinkwayu ali: Ahina! Nata ningahlweli! Amen! Tana, Hosi Yesu!

Mpfuletelo 22:7

Yesu aku: vonani nata swoswi anihlweli! Kukatekile lavabekisaka maritu ya vuprofeta bya buku ledri.

Mpfuletelo 3:11

Nabuya swoswi-swoswi. Bekisa hi kutiyisa leswi unganaswu, akuva kungavi na mhunu lweyi atakateka ngiyana yaku.