Yohana 21:15 - Testamente Ledrimpswha ni Mapsalma

¹⁵ Kuti loko vafihlulile, Yesu aku ku Simoni Petrosi: Simoni, n'wana Yohana, xana wanirandra kutlula lava xana? Aku ku yene: Kunene Hosi! Waswitiva leswaku nakurandra, Yesu aku ku yene: Byisa swihambana swanga.

Yohana 21:15 Mawu Ofanana

Mt 10:37

Lweyi arandraka a tatana wakwe kumbe mamana wakwe kutlula mine, anganifaneli; ni lweyi arandraka ngopfu a n'wanakwe wa xinuna kumbe wa xisati kutlula mine anganifaneli.

Mt 16:17

Kutani Yesu aku ku yene: Ukatekile wene Simoni n'wana Yona, hikusa ahi nyama ni ngati leswi swikupfuleteliki leswo, kambe hi Tatana wanga lweyi anga Matilweni.

Mt 18:10

Tivonelani! N'wingadreli ni mun'we ku vatrongwana lava. Hikusa nan'wibyela leswaku a tintrumi tavu a Matilweni, minkama hinkwayu tilavisa liso dra Tatana wanga, lweyi anga Matilweni. [

Mt 26:33

Kambe Petrosi aku ku yene: Nambi loko hinkwavu vatakhunguvanyeka ha wene, mine ningatikutrika.

Mt 26:35

Petrosi aku ku yene: Nambi swingafanela kufa na wene, ningaka ningakulandruli. Hinkwavu a vadondrisiwa vahlaya swoleswo.

Marka 14:29

Kolahu Petrosi aku: Nambi hinkwavu vakutrika mine ningakutriki!

Lk 12:32

Yesu ayi mahlweni aku: Ungatxhave, we ntlhambinyana, hikusa swirandri hi Tatana wenu a kun'winyika a Mfumu.

Lk 22:32

kambe nikukhongotelile ku Xikwembu Nkulukumba leswaku a kupfumela kwaku kungaheli. Kutani wene, loko undrulukile, tiyisa vamakwenu.

Yohana 1:42

Amuyisa ku Yesu. Loko Yesu amulavisile, aku: U Simoni, n'wana Yohana. Utatxhuliwa Kefasi (Xigirika: Petrosi; hileswaku Ribye).

Yohana 13:37

Petrosi aku ku yene: Hosi, xana ninga hluleka kukulandra swoswi hikola kayini xana? Ninga nyiketa vutomi byanga hikola kwaku!

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

Yohana 21:12

Yesu aku ku vone: Buyani n'watafihlula. Kambe akavanga na mun'we lweyi angatiya kumuvutisa leswaku: Umani? Hikusa afa vaswitivile leswaku I Hosi.

Yohana 21:7

A mudondrisiwa lweyi Yesu afaka amurandra, aku ku Petrosi: Hi Hosi! Loko Simoni ayingeli leswaku I Hosi, ayambala xiyambalu xakwe xa le henhla, (hikusa afa angayambalanga ntxhumu), kutani atitxukumetela tiveni.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 20:29

Naswitiva mine leswaku, antrhaku ka kusuka kwanga, kutanhingena mahava lawa ya kulebya amakari kwenu, lawa mangatikilondrisa a ntlambi.

Rm 14:1

Yamukelanani hi vunene lweyi wa kutrana akupfumeleni kwake, na n'winga kanetani na yene hinkonta ya timhaka.

Rm 15:1

Hine lava hitiyiki akupfumeleni hifanela kubyatrha lava kutrana lava ngeke swanga ha hine, na hinga djuli leswinga hi nyoxisaka.

I Kor 8:11

Xileswo, a makwenu lweyi wa gome, lweyi na yene Kriste amufeliki, atalahleka hikola ka kutiva kwaku.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Ef 4:14

akuva hingahatami hiva swanga vatrongwana, lava vapfilunganyisiwaka vayisiwaka hala-ni-hala, hi tekiwaka hi timheho hinkwatu ta tidondro, hi kukanganyisiwa hi vhanu, hi marengu lawa vama nhingenisaka ya kuyisa mhunu ku honeni.

Ef 6:24

Atimpswalu ative na n'wine hinkwenu lava randraka Hosi yeru Yesu Kriste hi kudumbeka hinkwaku. Amen!

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 4:13

Mfuri akuna xivumbiwa lexi xifihliwiki xingavonekisiwiki amahlweni kwake, kambe hinkwaswu swe dlaa, swi le livaleni, amahlweni ka lweyi hifanekelaka kutiyangulela.

I Ptr 1:8

lweyi n'wimurandraka, nambi n'wingamuvonanga; n'wipfumeleka ku Yene, nambi n'wingamuvoni swoswi, kambe n'witrhavaka hi kutrhava loku kukulu ngopfu, kuphatimisiwiki,

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Ptr 2:25

Hikuva, n'wine afa n'wili swanga hi tihamba ta kulahleka, kambe swoswi n'witlheleli ku mubyisi ni mulaviseli wa mahika yenu.

I Yhn 4:19

Hine hini lirandru hileswi Yene ahirandriki kusunguleni.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

Mpfuletelo 2:23

Nitadlaya a vana vakwe hi lifu. Kutani a makereke hinkwawu mataswitiva leswaku hi mine lweyi akambisisaka miyanakanyu ni timbilu ta vhanu, mfuri nitan'winyika, mun'wana-ni-mun'wana hi kulandra a mintiro yenu.