Yohana 19:19 - Testamente Ledrimpswha ni Mapsalma

¹⁹ Pilato afa atrali ni papela, adrinameka henhla ka xihambanu. Leswi afaka switraliwile hi leswi: YESU WA NAZARETE HOSI YA VA-YUDA.

Yohana 19:19 Mawu Ofanana

Mt 2:23

Loko atlhasile, ayitrhama amutini lowu valiki i Nazarete. Leswi swihumeleli akuva kuhetiseka leswi swingahlayiwa hi vaprofeta vangaku: Yesu atatxhuliwa mu-Nazarete.

Mt 27:37

Hile henhla ka nhloko ya Yesu vagongondrela a tralwa ledri drihlayaka a mhaka leyi afaka vamurambela ha yone: LWEYI HI YESU HOSI YA VA-YUDA.

Marka 15:26

A henhla ka xihambanu vabeki papela ledri dritraliwiki a mhaka ya kutremeliwa kwake ledri driliki: A HOSI YA VA-YUDA.

Lk 18:37

Vamubyela leswaku i Yesu wa le Nazarete akhalutaka.

Lk 23:38

Afa kuni papela ledri dritraliwiki, hi le nhlokweni yake, leswaku: LWEYI I HOSI YA VA-YUDA.

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Yohana 18:33

Pilato atlhela anhingena ndlwini ya vufumi, avitana Yesu, aku ku yene: Xana u Hosi ya va-Yuda xana?

Yohana 19:12

Hikola ka swone, Pilato afa adjula ndlela ya kumuntrhunxa ha yone. Kambe a va-Yuda vabandlukana, vaku: Loko untrhunxa mhunu lweyi, awu nakulobye wa Khezari. Mun'wana-ni-mun'wana lweyi atiyentxaka mufumi, alwa na Khezari.

Yohana 19:14

Afa dri siku dra kutibekisela Paska, a nkama afa wudjula kuva wa ntlhanu na mun'we Pilato ahangaku ku va-Yuda: Vonani, a Hosi yenu hi leyi!

Yohana 19:21

Hileswo-ke a vaprista lava vakulu vaku ku Pilato: Ungatrali leswaku: Hosi ya va-Yuda, kambe trala uku: Hi yene lweyi atiki: Ni Hosi ya va-Yuda.

Yohana 19:3

Matrhindrekela ku yene maku: Xawani, Hosi ya va-Yuda! Afa mamuba tinhama hi timpama.

Mintiro Ya Vapostola 26:9

Loko ali mine, kunene afa nipimisa leswaku afa nifanela kuyentxa hinkwaswu leswi swikotekaka kulwa ni ritu dra Yesu wa le Nazarete.

Mintiro Ya Vapostola 3:6

Kambe Petrosi aku: Anina silivhela nambi gole, kambe nitakunyika leswi ningana swone: hi vito dra Yesu Kriste, wa le Nazarete, sekeleka ufamba!