Yohana 15:20 - Testamente Ledrimpswha ni Mapsalma

²⁰ Drimukani leswi nin'wibyeliki swone, loko niku: A nandra ahi nkulu ku n'winyi wakwe loko vanixanisile, na n'wine vatan'wixanisa; loko vabekisi ritu dranga, ni dro drenu vatadribekisa.

Yohana 15:20 Mawu Ofanana

Mt 10:24

Akuna mudondri lweyi atlulaka a mudondrisi wakwe, ni nandra lweyi atlulaka a n'winyi wakwe.

Marka 10:39

Vone vaku: Hingaswikota! Kambe Yesu aku ku vone: A ntrheko lowu ninwaka, n'witawunwa, na drone a babatiso ledri nibabatisiwaka ha drone, n'witababatisiwa ha drone na n'wine,

Lk 2:34

Kutani Simiyoni avatovokisa, ahangabyela Maria mamana wa Yesu aku: Lavisa, Maria, a ntrongwana lweyi atawisa ni kupfuxa lava va kutala a Israyeleni. Nikuva xikombiso lexi xitaka landruliwa hi lava vanyingi,

Lk 6:40

A mudondrisiwa angatluli mudondrisi wakwe, kambe a mudondrisiwa wini ni wini lweyi adondrisiwiki swinene, atafana ni mudondrisi wakwe.

Yohana 10:31

A va-Yuda vatlhela varola maribye vadjula kumukhandla.

Yohana 11:57

Kambe a vaprista lava vakulu ni vafarisi afa valeleti leswaku, loko mhunu ativa laha Yesu angakone, a avativise, leswaku vatakota kumukhoma.

Yohana 13:16

Nihlayelamfuri nili ku n'wine: A nandra ahi nkulu ku n'winyi wakwe, ni murumiwa ahi nkulu ku lweyi amurumiki.

Yohana 5:16

Hikola ka mhaka leyo, a va-Yuda vasungula kulandrelela Yesu, hikusa afa atiri leswo hi siku dra Savata.

Yohana 7:32

A vafarisi vayingela leswi xitrhungu xi n'unun'utaka swone ha Yesu, kutani vaprista lava vakulu ni vafarisi varuma malandra kuya mukhoma.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Yohana 8:59

Kutani varola maribye akuva vamutxukumetela, kambe Yesu atumbela, kutani ahuma a Tempeleni.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

I Kor 4:12

na kone hakarateka na hitira hi mavoko yeru. Loko hirukiwa, hihlayela vunene; loko hixanisiwa, hatiyisela;

II Kor 4:9

haxanisiwa, kambe ahifulareliwi; hihelisiwa ntamu, kambe ahisuvi;

I Tsl 2:15

vone lava mfuri vadlayiki Hosi Yesu ni vaprofeta, vahixanisile na hine, avatrhavisi Xikwembu Nkulukumba, i valala va vhanu hinkwavu.

II Tmt 3:12

Mfuri hinkwavu lava randraka kuhanya hi vukhongoti ku Kriste Yesu, vata xanisiwa.