Yohana 15:18 - Testamente Ledrimpswha ni Mapsalma

¹⁸ Loko misava min'wivenga, tivani leswaku yone mirangi minivenga.

Yohana 15:18 Mawu Ofanana

Mt 10:22

N'witahambuliwa hi misava hinkwayu hinkonta yanga; kambe lweyi atakatiyisela kutlhasa vugan'wini atahuluxiwa.

Mt 24:9

Kutani vatan'winyiketa akuxanisekeni, vatan'widlaya; n'witavengiwa hi matiko hinkwayu hinkonta ya vito dranga.

Mt 5:11

N'witakateka loko van'wiruka, van'wixanisa, vahlaya maritu hinkwawu ya kubiha ha n'wine hi kuhemba, nkonta yanga.

Marka 13:13

N'wine n'witavengiwa hi hinkwavu hinkonta yanga. Kambe lweyi atiyiselaka kutlhasa vugan'wini, atahuluxiwa.

Lk 6:22

N'witatovoka loko a vhanu van'wivenga, van'wihlongola, van'wiruka, vasandra ni vito drenu swanga hi loko dribihile, hinkonta ya N'wana wa Mhunu.

Yohana 16:1

Nin'wibyeli timhaka leto akuva n'wingatxhuki n'wikhunguvanyeka.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Yohana 3:20

Mun'wana-ni-mun'wana lweyi ayentxaka swakubiha, avenga livaningu, angarandri kuya livaningweni akuva a mintiro yake mingativaningiwa.

Yohana 7:7

A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile.

Mintiro Ya Vapostola 14:22

lomu vatiyisiki vapfumeli, ni kuvaleleta leswaku vaya mahlweni vatiyisela kupfumeleni, ni kuvadondrisa leswaku hikola ka mahlomulu lawa manyingi, swifaneli hinhingena a Mfun'wini wa Xikwembu Nkulukumba.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

I Yhn 3:13

Vamakweru n'wingahlamaleni loko a misava min'wivenga.

I Yhn 3:3

Lweyo ni lweyo angani kulavisela ku Yene, awa tibasisa ha swake, swanga ha Yene a basiki.