Yohana 14:27 - Testamente Ledrimpswha ni Mapsalma

²⁷ Nin'wisiyela kurula, nin'winyika kurula kwanga. Anin'winyikisi xileswi misava minyikisaka xiswone. A timbilu tenu tingatxhuki tiganaganeka, tingatxhuki titxhava.

Yohana 14:27 Mawu Ofanana

Mt 10:26

Hileswo-ke, n'wingatxhaveni; hikusa akuna xa ntxhumu lexi xifuneketiweke, xingatikifunukuliwa, na kone akuna xantxhumu lexi xifihlekiki xingatikitibyiwa.

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

Lk 10:5

A ndangu lowu n'witakanhingena ku wone, rangani n'wiku: A kurula akuve andangwini lowu.

Lk 12:4

Yesu ayi mahlweni aku: Nan'wibyela n'wine n'winga vanakulori, n'wingatxhaveni lava vadlayaka miri, na vangena ntamu wa kuyentxa ntxhumu antrhaku ka swone.

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Yohana 14:1

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Yohana 16:33

Nin'wibyeli leswo akuva n'wivani kurula ku mine. Amisaveni leyi n'witavani nhlomulu, kambe tiyani ntamu, mine nihluli misava.

Yohana 20:19

Ni madambu ya siku droledro dra kusungula dra vhiki, na kuti mphu, kasi a tinyangwa ta mbangu lowu a vadondrisiwa afaka vali ku wone, afa tipfaliwile hikola ka kutxhava va-Yuda; Yesu atatayima makari kwavu, aku ku vone: A kurula akuve na n'wine!

Yohana 20:21

Yesu atlhela aku ku vone: A kurula akuve na n'wine! Swanga heswi Tatana anirumiki, na mine nan'wiruma.

Yohana 20:26

Loko kuhundri masiku ya ntlhanu na mararu, a vadondrisiwa vakwe afa vali kone ndlwini nangweso, Tomasi afa na yene ali navu. Yesu ata na tinyangwa tipfaliwile, ayima makari kwavu, aku: A kurula akuve na n'wine!

Mintiro Ya Vapostola 10:36

Hi yone mhaka leyi ayirumeliki vana va Israyele, loko avativisa a Ivangeli ya kurula ha Yesu Kriste; lweyi anga Hosi ya hinkwavu.

Mintiro Ya Vapostola 18:9

Kambe a Hosi yibyela Pawulosi hi xivoniso avusikwini, yiku: Ungatxhavi! Kambe yana mahlweni uvulavula ungamiyeli,

Rm 1:7

Nitralela n'wine hinkwenu, Xikwembu Nkulukumba an'wirandriki, an'wivitaniki a kuhanyela Yene. Ingi Xikwembu Nkulukumba, Tatana weru, na Yesu Kriste Hosi yeru vangan'winyika timpswalu ni kurula.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 5:1

Leswi hihlayiwiki valulami hi kupfumela, ahiveneni ni kurula ku Xikwembu Nkulukumba ha Hosi yeru Yesu Kriste.

Rm 5:10

Hikuva loko hi tlhanganisiwile ni Xikwembu Nkulukumba, hi kufa ka n'wana wakwe, na kasi afa hili valala, ngopfu swoswi hita huluxiwa hi vutomi byake, leswi hitlhanganisiwiki kutani.

Rm 8:6

Hikusa akuyanakanya ka swanyama kuyisa kufeni, kambe leswi swinga swa Moya swiyisa vuton'wini ni le kuruleni.

I Kor 1:3

A timpswalu ku n'wine ni kurula, swipfa hi le ku Xikwembu Nkulukumba, Tatana weru, ni hi le ku Yesu Kriste, Hosi yeru.

Gl 1:3

A timpswalu ni kurula aswive na n'wine, leswi swipfaka ku Xikwembu Nkulukumba Tatana weru, na Yesu Kriste Hosi yeru,

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 6:16

Mfuri, ku hinkwavu lava vafambaka hi longoloka ni nawu lowu; akurula ni lirere aswive henhla kwavu, ni le ku Israyele wa Xikwembu Nkulukumba.

Va-le-Filipiya 4:7

A kurula ka Xikwembu Nkulukumba, loku kutlulaka kuyingelisisa hinkwaku, kuta bekisa a timbilu tenu ni miyanakanyu yenu ku Kriste Yesu.

Va-le-Kolosa 1:2

ku vapfumeli ni vamakweru lava vakudumbeka ku Kriste lava vanga mutini wa Kolosa, hi n'winavelela timpswalu ni kurula leswi swipfaka ku Xikwembu Nkulukumba Tatana weru.

Va-le-Kolosa 1:20

na kone ha Yene ayentxi akurula hi ngati ya xihambano xakwe, hinkonta yake atitlhanganisela mintxhumu hinkwayu, leyi minga lana misaveni ni le tilweni.

Va-le-Kolosa 3:15

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

II Tsl 1:2

Hin'winavelela timpswalu ni kurula, leswifaka ku Xikwembu Nkulukumba, Tatana, ni ku Hosi Yesu Kriste.

II Tsl 3:16

A Hosi, Xikwembu Nkulukumba wa kurula aan'winyike kurula kwake minkama hinkwayu ni hi tindlela hinkwatu. A Hosi ayive na n'wine hinkwenu.

II Tmt 1:7

Hikusa Xikwembu Nkulukumba angahinyikanga moya wa vutoya, kambe wakuva wa ntamu, ni lirandru ni vutlhari.

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 7:2

Kutani Abrahamu amupumbela vukhume bya hinkwaswu; na kone kusunguleni, vito dra Melkisedeki swihlaya leswaku Mufumi wa kululama, na kone mfuri, Mufumi wa Salema, kumbe leswaku Mufumi wa kurula.

Mpfuletelo 1:4

Mine Yohana, ku makereke lawa ya ntlhanu na mabiri lawa manga Aziya: A timpswalu ni kurula aswive na n'wine swipfaka hi le ku Lweyi anga kone, afaka ali kone, mfuri ahataka, ni hi le ku mimoya leyi ya ntlhanu na mibiri, leyi minga mahlweni ka xitrhamu xakwe xa vuhosi,

Mpfuletelo 2:10

Ungatxhave ntxhumu ku leswi utakaxanisiwa ha swone. Vona, Diyavulosi atatxukumetela van'we ku n'wine abohelweni, akuva n'widringiwa, mfuri n'witavani nhlomulo wa khume dra masiku. Vana lweyi adumbekaka kukota uyatlhasa akufeni, nitakunyika a ngiyana ya vutomi.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.