Yohana 14:26 - Testamente Ledrimpswha ni Mapsalma

²⁶ Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yohana 14:26 Mawu Ofanana

Mt 1:18

A mabelekiwela ya Yesu mavi lawa: Maria, mamana wakwe, atiki abutiwa ha Yosefa, kambe loko na vangasinatekana, akumiwa na ani nyimba hi Moya wa Kuxwenga.

Mt 1:20

Atiki apimisa a kuyentxa leswo, a ntrumi ya HOSI yihumelela ku yene anorweni yimubyela yiku: Yosefa n'wana Davida, ungatxhavi a kutitekela Maria a nkataku, hikusa a nyimba leyi angana yone yipfa ku Moya wa Kuxwenga.

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Mt 3:11

Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo.

Marka 12:36

Yene Davida, hi ntshima yake, ahlayi hi kuhuhuteliwa hi Moya wa Kuxwenga aku: Xikwembu Nkulukumba ati ku Hosi yanga: Trhamisa avokweni dranga dra xinene, nikondra nibeka a valala vaku a hansi ka minkondro yaku.

Marka 13:11

Loko van'wiboha, van'winyiketa vuhosini n'wingahlatiyeleni hi leswi n'wita kayangula swone. Kambe hlayani leswi n'witakanyikiwa hi wolowo nkama, hikusa ahi n'wine n'wiyangulaka, kambe hi Moya wa Kuxwenga.

Lk 1:15

A n'wana atava nkulu amahlweni ka Xikwembu Nkulukumba. Angatinwa vhinyo nambi swakunwa swini ni swini swakubava loko apswaliwile, atava a tali hi Moya wa Kuxwenga.

Lk 1:35

Kambe a ntrumi yimuyangula yiku: A Moya wa Kuxwenga wutaxikela ahenhla kwaku, ni ntamu wa Lweyi wa le henhla-henhla wutakufukumeta swanga hi tlavi. Hileswo-ke lweyi atakapswaliwa i wa kuxwenga, atatxhuliwa N'wana wa Xikwembu Nkulukumba.

Lk 1:41

Loko Elizabeta ayingela kulosa ka Maria, a n'wana atxhuka anyimbeni yake. Kutani Elizabeta atala hi Moya wa Kuxwenga.

Lk 1:67

Zakariya a tatana wa ntrongwana, atala hi Moya wa Kuxwenga aprofeta aku:

Lk 11:13

Nambi n'wine n'wingalava vamfani n'wiswikotaka a kuhanana a vanenu leswi swinene, angopfu Tatana lweyi wa le Tilweni atanyika a Moya wakuxwenga ku lava vakombelaka ku yene!

Lk 2:25

Ankameni lowo afa kuni mhunu a Yerusalema, a vito drakwe ali Simiyoni. A mhunu lweyo afa ali mululami ni mukhongoti, afaka alavisela kumiyetiwa ka Israyele. A Moya wa Kuxwenga afa wu ku yene.

Lk 24:49

Lavisani, nitan'wirumela leswi n'widumbisiwiki swone ha Tatana. N'wine trhamani kola Yerusalema, n'wikota n'wiyambexiwa ntamu wa le henhla.

Lk 3:22

ni Moya wa Kuxwenga wuxikela a henhla kwake, na wuni xivumbeko lexi xifanaka ni xa tuva, kutani kutwala a ritu ledri dripfaka atilweni driku: Wene u N'wananga lweyi arandriwaka; lweyi nitrhavisiwaka ha yene.

Yohana 1:33

Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Yohana 12:16

A vadondrisiwa vakwe avayingelisisanga mhaka leyi akusunguleni. Kambe loko Yesu atlakuxiwile, hi kone vangadrimuka leswaku a mhaka leyi afa yitraliwi ku Matralwa ya Kuhlawuleka hikola kwake, ni leswaku swiyentxekile ha kunene.

Yohana 14:16

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki,

Yohana 14:25

Nin'witivisi leswi na nahali na n'wine.

Yohana 15:26

Kambe loko kutatlhasa Mutxhaveleli, lweyi nitakan'wirumela yene apfa ku Tatana, wunga Moya wa xihlayelamfuri, lowu wuhumaka ku Tatana, hi yene lweyi atakanihambela vumboni.

Yohana 16:7

Kambe nan'wibyela xihlayelamfuri nili i swinene ku n'wine akuva ni muka, hikuva loko ningamuki, a Mutxhaveleli angaka angati ku n'wine; Kasi loko nisuka ku n'wine, nitan'wirumela yene.

Yohana 2:22

Hikolahu kungaku loko apfuki akufeni, a vadondrisiwa vakwe vadrimukiki leswaku amhaka leyi asama ayihlaya; kutani vapfumela Matralwa ni ritu ledri Yesu angavabyela drone.

Yohana 20:22

Loko ahlayi leswo, avahuhutela, aku ku vone: Yamukelanani Moya lowu wa kuxwenga.

Yohana 6:45

Kutraliwi amabukwini ya vaprofeta: Hinkwavu vatadondrisiwa hi Xikwembu Nkulukumba. Hileswo-ke, mani na mani lweyi ayingeliki Tatana ni kudondra ku yene, ata ku mine.

Yohana 7:39

Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Mintiro Ya Vapostola 1:2

kukondra kuyatlhasa a siku ledri angatekeliwa a henhla-henhla, loko aleletile hi Moya wa Kuxwenga a vapostola lava afaka avalangile;

Mintiro Ya Vapostola 1:4

Na ada na vone, avaleleti leswaku vangasuki Yerusalema, kambe varindrela kone a xidumbiso xa Tatana, lexi angaku: N'wiswiyingeli ha Mine.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Mintiro Ya Vapostola 11:16

Kolahu-ke nidrimuka a ritu dra Hosi loko yiti: Yohana yene ababatisi hi mati, kambe n'wine n'witababatisiwa hi Moya wa kuxwenga.

Mintiro Ya Vapostola 13:2

Siku drin'wana loko vone vagandrela Xikwembu Nkulukumba ni kutitrona, a Moya wa Kuxwenga wuku: Nibekelani Barnabasi na Saulo akuva vaya hetisa a ntiro lowu ni va vitaneliki wone.

Mintiro Ya Vapostola 13:4

Barnabasi na Saulo, hi kurumiwa hi Moya wa Kuxwenga, vafamba kukondra vayatlhasa mutini wa le Selukiya, vasuka kone vawelela xihlaleni xa Kipra.

Mintiro Ya Vapostola 15:28

Hikusa swi voneki swili swinene ku Moya wa Kuxwenga ni le ku hine leswaku, n'wingayengeseliwi kubindra loku kutlulisaka, handle ka leswi fanekeliki, swinga leswaku:

Mintiro Ya Vapostola 15:8

Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine.

Mintiro Ya Vapostola 16:6

Vone vatremakanya matikwana ya Frijiya na Galatiya, leswi vayaleliwiki hi Moya wa Kuxwenga a kudrungula a ritu dra Xikwembu Nkulukumba le Aziya,

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Mintiro Ya Vapostola 2:4

Vahangatala hinkwavu hi Moya wa Kuxwenga, vasungula kukhanela hi tindrimi tin'wana, swanga hi leswi a Moya afaka wuvanyika kuhlaya swone.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 20:35

Nin'wikombisi hi tindlela hinkwatu leswaku kudjuleka hipfunisa xiswoswo, hi kutira, lava vangani gome, na kudrimukiwa a maritu ya Hosi Yesu, hikusa Yene, hi ntshima yake ate: Kukateka ngopfu a kuhanana, kutlula a kuyamukela.

Mintiro Ya Vapostola 28:25

valela na vangayingelani, kutani Pawulosi ahlaya a ritu drin'we aku: A Moya wa Kuxwenga wu hlayelamfuri ku vatatana veru ha Ezaya muprofeta,

Mintiro Ya Vapostola 5:3

Kolahu-ke Petrosi aku: Ananiya, xana Sathana atatisi kuyini a mbilu yaku akuva uhembela Moya wa Kuxwenga, ni kutipambulela a ntrengo wa nsimu, xana?

Mintiro Ya Vapostola 7:51

N'wine, va tinhamu ta kunonon'hwa, n'wingasokikiki a timbilu ni tindleve, n'wiyalela Moya wa Kuxwenga minkama hinkwayu! Swanga hi leswi a vatatana venu vaviki swone, na n'wine n'wi tanu.

Mintiro Ya Vapostola 7:55

Kambe yene, atala hi Moya wa Kuxwenga, alavisa Tilweni avona vumenyemenye bya Xikwembu Nkulukumba, na Yesu, ayimiki axineneni xakwe,

Rm 14:17

Hileswo-ke, a Mfumu wa Xikwembu Nkulukumba ahi mhaka ya swakuda ni swakunwa, kambe i mhaka ya kululama, kurula ni kutrhava loku pfaka ku Moya wa Kuhlawuleka.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

Rm 5:5

Swatwala, akulavisela akuvangi tingana, hikuva alirandru dra Xikwembu Nkulukumba dritxheleteliwile atimbilwini teru, hi Moya wa Kuxwenga lowu hinyikiwiki wone.

I Kor 12:3

Hileswo-ke nan'witivisa leswaku akuna mhunu lweyi avulavulaka hi Moya wa Xikwembu Nkulukumba, angahlayaka leswaku: Yesu i murukiwa. Nakone akuna mhunu lweyi anga kotaka kuhlaya leswaku: Yesu i Hosi, loko kungali hi Moya wa Kuxwenga.

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

II Kor 6:6

Ni hikubasa, ni kutiva, nihi kulehisa mbilu, ni vunene, nihi ka Moya wakuxwenga, hi lirandu na kungena kukanganyisa,

Ef 1:13

Ku lweyi nakone, antrhaku kakuva n'wiyingeli Ritu dra Xihlayelamfuri, a Ivangeli ya huluko drenu, loko na kone n'wipfumelile, n'wifungiwile hi Moya wa Kuxwenga, lowu angawudumbisa.

Ef 1:17

Akuva Xikwembu Nkulukumba wa Hosi yeru Yesu Kriste, Tatana wa kuphatima, an'winyiki akutiveni kwake, a moya wa vutivi ni wa kun'wipfuletela.

Ef 4:30

Minga hlundrukiseni Moya wa Xikwembu Nkulukumba, lowu n'wingafungiwa ha wone ku siku dra kutiruliwa.

I Tsl 4:8

Hikolahu, lweyi a drelaka leswi anga dreli mhunu, kambe a drela Xikwembu Nkulukumba, lweyi ahinyikaka nawone a Moya wakwe wa Kuxwenga.

II Tmt 1:14

Leswi swinene leswi swibekiwiki ku wene, swibekise hi Moya wa Kuxwenga lowu trhamaka ndreni kweru.

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,

Va-Heberu 10:15

Kambe na wone Moya wa Kuxwenga wu hi bekela vumboni bya swone loko wute:

Va-Heberu 2:4

Kutani Xikwembu Nkulukumba a seketeli vumboni byavu hi swikombiso ni swihlamaliso ni mahlolana, hi kuyavela tinyiko ta Moya wa Kuhlawuleka swanga hi kurandra kwake.

Va-Heberu 3:7

Hileswo-ke, swanga hi leswi Moya wa Kuxwenga wuhlayaka wuku: Namuhla loko n'wiyingela ritu drakwe,

Va-Heberu 9:8

A Moya wa Kuxwenga wu kombisa kolahu leswaku, a ndlela ya mbangu wa kuxwenga afa yinga si pfuliwa loko ntronga wa kusungula wuyimisiwile.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

II Ptr 1:21

Hikusa a kungiva ni vuprofeta ni byin'we byitivisiwiki hi kurandra ka vumhunu, kambe, a vhanu vakuhlawuleka vakhaneli na swipfa ku Xikwembu Nkulukumba, na vafambisiwa hi Moya wa Kuxwenga.

I Yhn 2:20

Kolahu-ke n'wine, n'wingani kutotiwa ka lweyi wa kuxwenga, na kone n'witiva hinkwaswu.

I Yhn 2:27

Ke, akutotiwa loku n'wikuyamukeliki ku Yene akutrhami ku n'wine, hikola ka leswo an'wina kuvilela ka leswaku mhunu a n'widondrisa. Kambe swanga hileswi akutotiwa loku kwake kutiyiki kungeke na madrimi, kutan'widondrisa henhla ka mintxhumu hinkwayu, swanga hileswi n'wingadondrisiwa swone, xiswoswo trhamani ku Yene.

I Yhn 5:7

Hikusa kuni vararu lava vanyikaka vumboni a Matilweni: Tatana, ni ritu, ni Moya wakuxwenga, kutani lava vararu i mun'we.

Yd 1:20

Kambe n'wine, varandriwa, tiyakani avupfumeleni byenu lebya kuhlawuleka, ngopfu na n'wikhongota hi kutlhangana ni Moya wa Kuxwenga.

Mpfuletelo 2:11

Lweyi angani tindleve ayingiseti leswi a Moya wuswibyelaka a makereke. A muhluli angatxuki akuma a kuvavisiwa hi lifu dra vubiri.