Yohana 14:21 - Testamente Ledrimpswha ni Mapsalma

²¹ Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.

Yohana 14:21 Mawu Ofanana

Lk 11:28

Kambe Yesu aku: Ngopfu vakatekile lava vayingelaka Ritu dra Xikwembu Nkulukumba vava vadribekisa.

Yohana 14:15

Loko n'winirandra, n'witabekisa milawu yanga.

Yohana 14:18

Ningan'witriki n'wiva swirombe; nitata ku n'wine.

Yohana 15:14

N'wi vanganu vanga loko n'wiyentxa leswi nin'wileletaka swone.

Yohana 16:14

Atanitwalisa, hikuva leswi atakan'witivisa swone, atava aswikumi ku mine.

Yohana 16:27

hikuva Tatana hi ntshima yake awan'wirandra hinkwenu hi leswi n'wine n'winirandriki, n'wiva n'wipfumela leswaku nipfi ku Xikwembu Nkulukumba.

Yohana 17:23

Mine ku vone na Wene ku mine, akuva lava vahetisekiki, vava mun'we, kutani misava mitativa leswaku hi Wene unirumiki, ni leswaku uvarandrile swanga hi leswi unirandrisiki xiswone.

Mintiro Ya Vapostola 22:18

Kutani lweyi afaka akhanela aku ku mine: Hangwesa uhuma Yerusalema, hikusa vangatiyamukela a vumboni byaku ha mine.

II Kor 12:8

Ha yone ni khongoti kuraru ku Hosi akuva misuka ku mine.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

II Tmt 4:22

Hosi ayi ve ni moya waku. A timpswalu a tive na n'wine.

I Yhn 2:5

Kambe lweyi a bekisaka ritu drakwe, a lirandru dra Xikwembu Nkulukumba drihetisekile ku yene; hilaha hiswitivaka ha kone leswaku hi le ku Yene.

I Yhn 3:1

Lavisani vukulu bya lirandru ledri Xikwembu Nkulukumba Tatana, ahi randriki ha drone, kukota hihlayiwa vana va Xikwembu Nkulukumba! Kutani hine hi vana ha kunene! Hiswoleswo a misava amihitivi, hi laha mingativikiki Xikwembu Nkulukumba.

I Yhn 5:3

Hikusa leswo hi drone lirandru dra Xikwembu Nkulukumba leswaku hibekisa a swileleto swake. Kutani a swileleto swake aswibindri,

II Yhn 1:6

Kutani a lirandru hi ledri: hileswaku hi famba hi swileleto swake. A leleto ledri, swanga hi leswi n'wingaswiyingela kusukela kusunguleni, hileswaku fambani alirandrwini droledro.

Mpfuletelo 2:17

Lweyi angani tindleve ayingiseti leswi Moya wuswibyelaka a makereke: A muhluli nitamunyika manna lawa mafihliwiki, na kone nitamunyika ni xiribyana xa ntlhohe, mfuri ku xiribyana lexo kutraliwi a vito drimpswha, ledri dringativiwiki ha mhunu, kambe ntsena lweyi adriyamukelaka.

Mpfuletelo 22:14

Kukatekile lava vabasisaka swiyambalu swavu angatini ya Hambana, hikuva xileswi vava ni mfanelo ya kuda mihandru ya nsinya wa vutomi, nhingenani mutini hi swipfalu.

Mpfuletelo 3:20

Vona, niyimi nyangweni, nagongondra; loko a mhunu ayingela ritu dranga ava anipfulela a xipfalu, nitanhingena andlwini yake, nitalalela na yene, na yene alalela na mine.