Yohana 12:49 - Testamente Ledrimpswha ni Mapsalma

⁴⁹ Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 12:49 Mawu Ofanana

Yohana 14:10

Xana awupfumeli leswaku ni le ku Tatana, ni leswaku Tatana ale ku mine xana? Leswi nin'wibyelaka swone, aniswihlayi ha vuswanga. Tatana lweyi anga ku mine hi yene atiraka mintiro.

Yohana 14:24

Lweyi anganirandrikiki, angabekisi maritu yanga; kutani a ritu ledri n'widriyingelaka, ahidranga, kambe i dra Tatana lweyi anirumiki.

Yohana 14:31

Kambe hileswaku misava mitiva leswaku nirandra Tatana, ni leswaku nitira swanga hi leswi Tatana anileletisiki xiswone. Sekelekani, ahifambeni hisuka la!

Yohana 15:15

Anahan'wihlayi malandra, hikusa a nandra angativi leswi n'winyi wakwe aswiyentxaka. Kambe nin'wihlayi vanakulori, hikusa nin'witivisi hinkwaswu leswi niswiyingeliki ku Tatana wanga.

Yohana 17:8

Hikusa a maritu lawa uninyikiki nivanyiki wone; vamayamukelile, kutani vaswitivile leswaku kunene nihumi ku wene, vapfumelile leswaku nirumiwi hi wene.

Yohana 3:11

Nihlayelamfuri nili ku wene, hine hi khanela hi leswi hiswitivaka, kutani hihamba vumboni bya leswi hiswivoniki; kambe an'widjuli kuyamukela leswi niswihlayaka.

Yohana 3:32

Ahlaya vumboni bya leswi aswivoniki ni kuswiyingela; kambe akuna lweyi ayamukelaka vumboni byake.

Yohana 5:19

Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo.

Yohana 5:30

Yesu aku: Ningaka ningatisunguleli niyentxa ntxhumu ha vuswanga. Niyavanyisa hi laha niswiyingelaka ha kone, kutani, akuyavanyisa kwanga kululamile, hikusa anidjuli kuyentxa kurandra kwanga, kambe kurandra ka lweyi anirumiki.

Yohana 6:68

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

Yohana 7:16

Yesu avayangula, aku: A dondro leyi niyidondrisaka, ahi yanga, kambe i ya lweyi anirumiki.

Yohana 8:26

Afa nini leswi swinyingi ningaswihlayaka ni kuswiyavanyisa ahenhla kwenu. Kambe lweyi anirumiki i xihlayelamfuri ha vuswake; kutani leswi niswiyingeliki ku yene, nitivisa misava.

Yohana 8:28

Hilahu Yesu angaku ku vone: Loko n'witava n'witlakuxi N'wana wa Mhunu, hi kone n'witakativa leswaku hi mine lweyi, kutani na swone n'witativa leswaku aniyentxi ntxhumu hi kurandra kwanga. Kambe nihlaya leswo hi laha Tatana anidondrisiki ha kone.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Mpfuletelo 1:1

Apfuletelo wa Yesu Kriste, lowu Xikwembu Nkulukumba amunyikiki, akuva akomba a malandra yake leswi switakahumelela ndreni ka nkamanyana, leswi aswitivisiki na arumeli hikola ka ntrumi yake, ku nandra wakwe Yohana,