Yohana 11:33 - Testamente Ledrimpswha ni Mapsalma

³³ Loko Yesu amuvona na ali kari a ba nkosi adrila, ni loko avona va-Yuda lava vamuheketaka, na vone vaba nkosi vadrila, atlhaveka moyeni ni kutwa kuvaviseka kukulu.

Yohana 11:33 Mawu Ofanana

Marka 3:5

Yesu atiki avarala-rala hi mahlu na ahlundrukile, avaviseka hinkonta yakunonon'hwa ka timbilu tavu, aku ku nuna lweyo: Nalavuta a voko. Ahanga drinalavuta, dritlhela driwololoka.

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Yohana 11:19

A va-Yuda lavanyingi afa vati ku Marta na Maria akutata vatxhavelela hikola ka kufa ka makwavu.

Yohana 11:31

A va-Yuda lava afaka vahali ndlwini na Maria vali kari vamutxhavelela, loko vamuvona asekeleka ahuma hi kuhangwesa, vamulandra hi kuyanakanya leswaku aya xireni akuya drila kone.

Yohana 11:34

Kutani aku: N'wimulahli kwini xana? Vaku ku yene: Hosi, tana utatakuvona.

Yohana 11:35

Yesu adrila.

Yohana 11:38

Yesu atlhela atlhaveka moyeni, atrhindrekela kusuhi ni xira. A xira afa yi mhakwa, kambe a mhakwa leyo afa yi pfaliwi hi ribye.

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 13:21

Loko Yesu ahlayi timhaka leto, atxhuka hi kuvaviseka moyeni, kutani apaluxa mhaka, aku: Nihlayelamfuri, nili ku n'wine, a mun'we ku n'wine ataniwonga.

Rm 12:15

Trhavani ni lava vatrhaviki n'widrila ni lava vadrilaka.

Va-Heberu 4:15

Hikusa ahi na muprista lwenkulu, angaswikotikiki kuhitretrelela gome dreru, leswi angadringiwa na Yene ku hinkwaswu kufana na hine, kambe angana xidoho.