Va-Heberu 6:4 - Testamente Ledrimpswha ni Mapsalma

⁴ Hikusa swingeyentxeki, leswaku lava vasamiki vavaningiwa, vangadringa a nyiko ya le tilweni, vangayaveliwa ni Moya lowu wakuxwenga,

Va-Heberu 6:4 Mawu Ofanana

Mt 12:45

Kolahu wufamba wuyateka min'wana ya ntlhanu na mibiri ya kubiha kutlula wone, mifamba hinkwayu miyatrhama ku mhunu lweyo, hikolahu a matrhamela ya mhunu lweyo matabiha kutlula a ya kusungula. Hi swoleswi switakahumelela a vhanu lava vamfani.

Mt 5:13

N'wine n'wi munyu wa misava; kambe loko a munyu wupswhama, wunga ha nandrikisiwa hayini? Awa ha pfuni ntxhumu, loko kunge kutxukumetiwa a handle wukandreteliwa hi vhanu.

Yohana 15:6

Loko mhunu angatrhami ku mine, atatxukumetiwa swanga hi likambu; kutani drawoma vadrirola, vadritxukumeta ahandle, dripswha.

Yohana 3:27

Yohana ayangula, aku: A mhunu angaka angavina ntxhumu, loko angawunyikiwanga wupfa Tilweni.

Yohana 4:10

Yesu amuyangula aku: Loko afa utivi nyiko ya Xikwembu Nkulukumba ni leswaku i mani lweyi aliki nihanani ninwa, ana wene ukombeli ku yene, kutani yene afa atakunyika mati lawa mahanyaka

Yohana 6:32

Yesu avabyela aku: Nihlayelamfuri, nili ku n'wine: Moxe angan'winyikanga kati ledri drihumaka Tilweni, kambe Tatana wanga an'winyika kati ledri drihumaka Tilweni, ledri dringa drone.

Mintiro Ya Vapostola 10:45

A vapfumeli hinkwavu va va-Yuda lava vatiki na Petrosi, vahlamala ngopfu hi kuvona leswi a nyiko ya Moya wa Kuxwenga yitxeliwaka ka va-Matiko na vone.

Mintiro Ya Vapostola 11:17

Loko-ke Xikwembu Nkulukumba avanyiki nyiko leyi yinga yin'we ni yeru hi kupfumela ku Hosi Yesu Kriste, xana mine afa nili mani, akuva nikota kuphikisa Xikwembu Nkulukumba, xana?

Mintiro Ya Vapostola 15:8

Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine.

Mintiro Ya Vapostola 8:20

Petrosi aku ku yene: A mali yaku ayisuve kun'we na wene, leswi upimisiki kuxava a nyiko ya Xikwembu Nkulukumba hi mali.

Rm 1:11

Hikusa ninikunavela kun'wivona ni kun'witivisa swatinyiko ta Moya, leswaku n'witiyisiwa swinene.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 4:6

Hikusa Xikwembu Nkulukumba ati: A livaningo dritavaninga amunyameni. Hikusa Yene mfuri a vaningile timbilwini teru, akuva hi vaninga kutiveni ka lidrumu dra Xikwembu Nkulukumba, amombyeni wa Yesu Kriste.

Gl 3:2

Nidjula kutiva ntsena leswi: N'wiyamukeli Moya, hinkonta ya mintiro ya nawu, kumbe hi kuyingela ka kupfumela?

Gl 3:5

Lweyi an'wiyavelaka Moya, lweyi atiraka mintamu, xana aswiyentxi hi mintiro ya nawu, kumbe hi kuyingela ka kupfumela xana?

Ef 1:18

Akuvaningiwa ka miyanakanyu yenu, akuva n'witakota kutiva akulavisela akuvitaniweni kwenu, ni lifuyo dra kuphatima ka kulavisela ka tinsasi,

Ef 2:8

Hikusa hi timpswalu n'wihuluxiwile, hinkonta ya kupfumela; kutani leswo aswipfi ku hine, i nyiko ya Xikwembu Nkulukumba;

Ef 3:7

Hiyo Ivangeli leyi mine ningamutivisi wa yone, hi ndjombo ya kukari, leyi Xikwembu Nkulukumba hi ntamu wakwe ni masungulo aninyikiki.

Ef 4:7

A timpswalu tinyikiwi mun'wana-ni-mun'wana wa kweru, kuya hi mpimu wa nyiko ya Kriste.

I Tmt 4:14

Ungatrike a kubekisa a nyiko leyi yinga ku wene, leyi unyikiwiki yone hi vuprofeta ni hi kuntlhantekiwa mavoko hi nkulu wa kereke.

II Tmt 2:25

A dondrisa avakaneti vakwe hi kunabyala akuva kumbe xana Xikwembu Nkulukumba angavanyika kundruluka, vativa ni xihlayelamfuri,

II Tmt 4:14

Alixandre lweyi wa mufuli wa nsuku anihoxeli ngopfu; a Hosi yitamutlhelisela hi mintiro yake.

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

Va-Heberu 2:4

Kutani Xikwembu Nkulukumba a seketeli vumboni byavu hi swikombiso ni swihlamaliso ni mahlolana, hi kuyavela tinyiko ta Moya wa Kuhlawuleka swanga hi kurandra kwake.

I Yhn 5:16

Loko mhunu avona makwavu ayentxa xidoho, xidoho lexi xingayisiki kufeni, afanela kukhongota ku Xikwembu Nkulukumba, kutani Xikwembu Nkulukumba atanyika vutomi lava vangayentxiki xidoho lexi xiyisaka kufeni, kuni xidoho lexi xiyisaka kufeni, na kone, hi xidoho lexo, anihlayi leswaku afanela kukhongota.