Va-Heberu 6:2 - Testamente Ledrimpswha ni Mapsalma

² a dondro ya kutrakamisa, ni ya kutlhanteka mavoko, ni ya kupfuxiwa ka vafi; ni ya kuyavanyisa loku kungahelikiki.

Va-Heberu 6:2 Mawu Ofanana

Mt 28:19

Hileswo-ke, fambani n'wiyadondrisa a matiko hinkwawu, n'wivababatisa hi vito dra Tatana ni dra N'wana ni dra Moya wa Kuxwenga,

Mt 3:14

Kambe Yohana ayala aku: Hi mine nifanekelaka kubabatisiwa ha wene, kasi wene uta ku mine?

Marka 16:16

Lweyi apfumelaka, ava ababatisiwa, atahuluka, kambe lweyi angapfumelikiki, atayavanyisiwa.

Marka 7:4

Nakone loko vapfa kuxaveni avadi na vangahlambisisanga a mandla. Mfuri i swinyingi leswi vangaleletiwa leswaku vaswibekisa: swanga hi kunhlampswa a mintrheko, ni makhuwana, ni swibya swa nsuku.

Marka 7:8

N'wine n'witrika a nawu wa Xikwembu Nkulukumba, mibekisa a tidondro ta vhanu.

Lk 11:38

Kambe lweyi wa mufarisi, loko amuvona, ahlamala hi leswi angarangangakiki a hlamba a mavoko na angasanganada.

Lk 12:50

Nini babatiso ledri nitaka babatisiwa ha drone, nivaviseka swakunhati a kukondra drihetiseka!

Lk 14:14

Utava ni ndjombo kolahu, hi leswi vatakapfumala a swakukutlhelisela, hikusa switatlheliseliwa ku wene hi Xikwembu Nkulukumba akupfukeni ka lava valulamiki.

Lk 3:16

Yohana avabyela hinkwavu aku: Mine nin'wibabatisa hi mati, kambe awata lweyi anitlulaka hi ntamu, lweyi ningafanelikiki kuntrhunxa a tingoti ta tintangu takwe. Hi yene atakan'wibabatisa hi Moya wa Kuxwenga ni hi ndrilo.

Yohana 1:33

Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Yohana 5:29

kutani vatahuma lava vayentxiki leswi swinene, vatapfuka vaya vuton'wini lebyi byingahelikiki, lava vayentxiki leswimfani vatapfukela kuyavanyisiweni.

Mintiro Ya Vapostola 10:47

Xana mhunu angasivela kuva vhanu lava vayamukeliki Moya wa Kuxwenga swanga ha hine, vababatisiwa?

Mintiro Ya Vapostola 13:3

Kolahu-ke, ntrhaku ka loko vatitroni, ni kukhongota, ni kuvantlhanteka mavoko, kutani vavatrika vafamba.

Mintiro Ya Vapostola 16:15

Loko ababatisiwile, yene ni va yindlu yake, ahikhongota aku: Loko n'wiyanakanya leswaku nadumbeka a Hosini, nhingenani andlwini yanga, n'witrhamisa kone. Ahisindrisela swone.

Mintiro Ya Vapostola 16:33

Kutani yene avateka hi nkama wolowo wa vusiku, avahlampswa swilondra, ava ababatisiwa xikan'we ni va ndangu wakwe hinkwavu.

Mintiro Ya Vapostola 17:18

Kutani van'we va tintlhari, vatxhuliwaka va-Epikuri ni va-Stoyiki vakhanelisana na yene, na van'we vaku: Xana a mukhaneli lweyi adjula kuhlaya yini? Van'we afa vaku: Ingi i muhlayi wa swikwembu swimbeni. Afa vahlaya leswi hikusa Pawulosi afa avativisa a ta Yesu ni ta kupfuxiwa ka vafi.

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mintiro Ya Vapostola 2:41

Vone-ke, vatiki vayamukela a ritu drakwe, vababatisiwa; A sikwini droledro kuyamukeliwa vhanu lava vadjulaka kuva makume mararu ya madzana (3000).

Mintiro Ya Vapostola 23:6

Pawulosi, loko ativi leswaku van'we i vasaduki, van'wana i vafarisi, abandlukana ahubyini aku: Vavanuna, vamakweru, ni mufarisi, n'wana wa vafarisi. Nitengisiwa hinkonta ya kudumba ni ya kupfuxiwa ka vafi!

Mintiro Ya Vapostola 24:15

ningani kulavisela loku na vone vanganaku, ku Xikwembu Nkulukumba, ka leswaku ku tava ni kupfuka ka hinkwavu a va kufa, valulami swanga hi lava vamfani.

Mintiro Ya Vapostola 24:21

loko dringali ritu drin'we, ledri ningahuwelela loko ni yimisiwi amakari kwavu, ledri dra ku: Niyavanyisiwa amahlweni kwenu namuhla hinkonta ya kupfumela ka kupfuka ka vafi.

Mintiro Ya Vapostola 24:25

Kambe loko Pawulosi aha mudrungulela swa vululami, kutikhoma, ni kuyavanyisa loku kutaka, Felikisi asungula kururumela, abyela Pawulosi aku: Tifambele kutani. Nitatlhela nikuvitana na kone, loko nikumi nkama.

Mintiro Ya Vapostola 26:8

Xana hayini n'wiyanakanya leswaku aswipfumeleki leswaku Xikwembu Nkulukumba angapfuxa a vafi?

Mintiro Ya Vapostola 4:2

na varon'wiki hi leswi Petrosi na Yohana afaka vadondrisa xitrhungu ni kutivisa kupfuxiwa ka vafi ha Yesu;

Mintiro Ya Vapostola 6:6

Vavabeka mahlweni ka vapostola; kuti loko vavakhongotile, vavantlhanteka mavoko.

Rm 2:16

Hi siku ledri Xikwembu Nkulukumba, hikola ka Kriste Yesu, atayavanyisa leswi swifihliwiki swa vhanu, swanga hileswi a Ivangeli leyi yinene yingahlayaka;

I Kor 10:2

hinkwavu vababatisiwi ku Moxe, atlavini ni le lwandle.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

II Kor 5:10

Hikusa swifanelile leswaku hinkweru hita ya tikombisa mahlweni ka huvu ya kuyavanyisa ya Kriste, leswaku mun'wana-ni-mun'wana ayamukela mayelana ni leswi nene kumbe leswakubiha aswiyentxiki, akuhanyeni kwake lani misaveni.

Va-le-Filipiya 3:21

Yene ataka ndruluta miri yeru ya kutrongahateka, akuva mifana ni miri yake ya kuphatima, hi ntamu lowu ha wone aswikotaka kubeka hinkwaswu hansi kwake.

Va-le-Kolosa 2:12

Hikusa n'wibabatisiwile, n'wilahliwi kun'we na Yene, n'wipfuxiwi kun'we na Yene, hikupfumela ku ntamu wa Xikwembu Nkulukumba, lweyi angamupfuxa ku lava ku fa.

II Tmt 2:18

Lava vahambukiki xihlayelamfurini, vahlaya leswaku akupfuka ka vakufa kuhundri khale, vadlaya kupfumela ka van'wana.

Va-Heberu 11:35

Hikupfumela, na vone vavasati vayamukelile a vafi vavu lava vapfuxiwiki kufeni; kambe a van'wana vaxanisiwile, vanga pfumeli kuntrhunxiwa, akuva vakuma kupfuka kufeni lokunene.

Va-Heberu 9:10

leswi kun'we ni swakuda, ni swakunwa, ni mahlambela ya tinxaka-xaka, minga ntsena milawu ya vumhunu leyi mibekiwiki kutlhasa a nkama switaka ndrulutiwa hinkwaswu.

II Ptr 3:7

Kambe hi ritu droledro a matilo ni misava swibekisiweli ndrilo, swibekisiweli a siku drakuyavanyisa ni kusuvisa vhanu vavabihi.