Va-Heberu 6:1 - Testamente Ledrimpswha ni Mapsalma

¹ Hikolahu, ahi trikeni tidondro ta masungulo ya Kriste, hi kongoma kuhetisekeni, hingavi beka kambe amasungulo ya kundruluka ku mintiro leyi mitifeliki, ni yakupfumela ku Xikwembu Nkulukumba,

Va-Heberu 6:1 Mawu Ofanana

Mt 21:29

Kambe yene ayangula aku: Nayala! Ntrhaku atilaya, afamba.

Mt 21:32

Hikusa Yohana ati ku n'wine hi ndlela ya vululami, kambe an'wipfumelanga ku yene. Kambe a vahlengisi ni vavasati va vumbuye vapfumelile. N'wine kambe nambi leswi n'wiswivoniki, an'windrulukanga akuva n'wipfumela ku yene.

Mt 3:2

Ndrulukani, hikusa a Mfumu wa Matilo wukusuhi!

Mt 4:17

Kusukela kolahu Yesu asungula a kurera aku: Ndrulukani, hikusa a Mfumu wa Matilo wu kusuhi!

Mt 5:48

Kolahu-ke, vanani lava vahetisekiki, swanga hi Tatana wenu lweyi anga Matilweni ahetisekiki.

Mt 7:25

Kutani kuna timpfula tinyingi, kukukumuka ni milambu, ni timheho tihunga, titataba a yindlu leyo; kambe ayiwanga, hikusa afa yiyakiwi aribyeni.

Marka 1:1

A kusungula ka Ivangeli ya Yesu Kriste, N'wana wa Xikwembu Nkulukumba,

Marka 6:12

Kutani a vadondrisiwa vafamba, vayakhongotela a vhanu leswaku vandruluka.

Lk 6:48

afana ni mhunu lweyi ayakiki a yindlu, akeliki aribyeni kuyeta swinene, abeka kone a masungulu ya yindlu. A ntita yi tlhasa, a nambu wukukumuka, a mavimbi maba a yindlu leyo hi ntamu, kambe amakotanga kuyitrekatrekisa hikusa afa yiyakiwi swinene.

Yohana 12:44

Kutani Yesu atlakuxa ritu, aku: Lweyi apfumelaka ku mine, angapfumeli ku mine kambe apfumela ku lweyi anirumiki.

Yohana 14:1

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Yohana 5:24

Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini.

Mintiro Ya Vapostola 11:18

Vone kambe, loko vayingeli timhaka leto, vahangarula, vadrumisa Xikwembu Nkulukumba, vaku: Kasi, Xikwembu Nkulukumba anyiki na vone va-Matiko akuva vandruluka vakuma vutomi!

Mintiro Ya Vapostola 17:30

Ke a minkama ya kukohleka loku, Xikwembu Nkulukumba amitrikile mikhaluta. Kambe swoswi, aleleta a vhanu hinkwavu amimbangwini hinkwayu leswaku vatlhelela ku Yene;

Mintiro Ya Vapostola 2:38

Petrosi avayangula aku: Ndrulukani, mun'wana-ni-mun'wana ababatisiwa avitweni dra Yesu Kriste, akuva n'witadrivaleliwa a swidoho swenu, kutani n'witayamukela nyiko ya Moya wa Kuxwenga.

Mintiro Ya Vapostola 20:21

na nitiyisa mahlweni ka va-Yuda ni le ku va-Girika a kundrulukela ku Xikwembu Nkulukumba ni kupfumela ku Hosi yeru Yesu Kriste.

Mintiro Ya Vapostola 26:20

kambe nirerela a ritu kusungula ku va-le-Damaseka, ni va-le-Yerusalema, ni tiko hinkwadru dra Yudeya, ni ku va-Matiko, akuva vandruluka, vatlhelela ku Xikwembu Nkulukumba, vatira a mintiro leyi mikombisaka kundruluka.

Mintiro Ya Vapostola 3:19

Hileswo-ke, tisolani n'windruluka, akuva swidoho swenu switimiwa,

I Kor 13:10

kambe loko kutatlhasa leswi swihetisekiki, hinkwaswu leswi swinga swone hi tlhelo ntsena switasuvisiwa.

I Kor 2:6

Nambi swilitanu, hivulavula hi vutlhari amakari ka vhanu lava vawupfiki, angaliki vutlhari bya nkama lowu kumbe bya varangeli va nkama lowu lava vasuvaka,

II Kor 7:1

Leswi hinga ni swidumbiso leswo varandriwa, Ahi tibasiseni swidoho sweru ku hinkwaswu, swingava swa nyama, kumbe swa moya, hi hetiseka avululameni byeru, ni kutxhava Xikwembu Nkulukumba.

II Kor 7:10

Hikusa akuvaviseka loku kurandriwaka hi Xikwembu Nkulukumba kuvanga akutisola loku kuyisaka akuhulukeni; loku mhunu angaka angatisoli ha kone, kambe akuvaviseka ka xi misava ku vanga lifu.

Ef 2:1

An'winyiki vutomi hileswi khale afaka n'wifile, hikola ka milandru yenu ni swidoho swenu.

Ef 2:5

Na hine afa hi file a swihonweni sweru, a hinyiki vutomi kun'we na Kriste, hi timpswalu n'wine n'wihuluxiwile,

Ef 4:12

na arandri kuhetisekisa tinsasi ku ntiro wa vutireli, ni kuvumba miri ya Kriste.

Va-le-Kolosa 1:28

lweyi hine himutivisaka, na hi luleka ni kudondrisa vhanu hinkwavu, hivutlhari hinkwabyu, leswaku hitayisa vhanu na vali lava vahetisekiki ku Kriste,

Va-le-Kolosa 3:14

A henhla ka hinkwaswu, vanani ni lirandru, xinga xitrimbo xa kuhetiseka.

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

I Tmt 6:19

vatihlengeletela vukosi byinene, lebyi byinga masungulo lawa matiyiki ya minkama leyi mitaka, leswaku vatakuma a vutomi lebyi byinene.

II Tmt 2:19

Nambi swilitanu, amasungulo lawa yakutiya ya Xikwembu Nkulukumba mahayimile, na mali ni nfungo lowu waku: a Hosi yitiva lava vanga va yone; ni leswaku lava vavitanaka vito dra Hosi, avatravukanisa ni leswakubiha.

Va-Heberu 11:6

Kambe a handle ka kupfumela, a swikoteki kutrhavisa Xikwembu Nkulukumba, hikusa swifanekela lweyi a trhindrekelaka ku Xikwembu Nkulukumba akholwa leswaku a kone, hi Yene ahakelaka lava vamudjulaka.

Va-Heberu 12:13

Nakone yentxelani minenge yenu atindlela leti takululama, akuva lweyi a khutaka angatitxhuka asuleka kambe aholisiwa.

Va-Heberu 7:11

Hileswo-ke, loko akuhetiseka afa kuvi ha vuprista bya ka Levi lweyi tiko dringa nyikiwa nawu henhla kwake, xana afa swahafanekela ha yini leswaku kupfuxiwa muprista mun'wana, hi nawu wa Melkisedeke, na angavitaniwanga hi nawu wa Aroni xana?

Va-Heberu 9:14

ngopfu-ngopfu a ngati ya Kriste, leyi Yene atinyiketiki ku Xikwembu Nkulukumba ha swake hi Moya lowu wungahelikiki, na ngeke na xisandru, yita hi basisa timpfalu teru a mintirweni leyi mitifeliki, akuva hitakota kutirela Xikwembu Nkulukumba lweyi a hanyaka.

Yakobe 1:4

Kambe akutiyisela akuve ni ntiro wa kuhetiseka, akuva n'wiva lava valulamiki hikuhetiseka na n'wingapfumali ntxhumu.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

I Yhn 4:12

Anga kone mhunu lweyi asamaka a vona Xikwembu Nkulukumba ni siku ni drin'we, loko hine hirandranana, van'we ku van'wana Xikwembu ale ku hine, kutani a lirandru drakwe driyentxa hikuhetiseka avutomi byeru.