Va-Heberu 5:9 - Testamente Ledrimpswha ni Mapsalma

⁹ Kuti loko ahetisekisiwile, andruluki Muvangi wa huluku ledri dringahelikiki ku hinkwavu lava vamuyingisetaka.

Va-Heberu 5:9 Mawu Ofanana

Mt 17:5

Kaku loko Petrosi ahakhanela, a tlavi dra kuphatima drihumelela drivafukumeta, atlavini kutwala ritu, ledri driliki: Lweyi hi N'wananga lweyi a randrekaka, lweyi nitrhavaka ha yene, muyingisetani.

Lk 13:32

Yesu aku ku vone: Fambani n'wiyabyela a buwana ledro, leswaku nihlongola mademoni, nahaholisa timbabyi namunhla ni mundruku, niva niheta hi siku dra vuraru.

Yohana 19:30

Loko Yesu anwi nhlowa lowo, aku: Swihetisekile. Kutani adjovota nhloko, anyiketa moya.

Mintiro Ya Vapostola 3:15

Hi ndlela leyo, n'widlayi Hosi ya vutomi, leyi Xikwembu Nkulukumba ayipfuxiki kufeni, kutani hine hi timboni ta swone.

Mintiro Ya Vapostola 4:12

Na swone, akuna kuhuluka ha mun'wana, hikuva akuna vito drimbeni a hansi ka tilo, ledri vhanu vadrinyikiwiki, ledri hingafanekelaka a kuhuluka ha drone

Mintiro Ya Vapostola 5:32

Hine hi timboni ta hinkwaswu kun'we ni Moya wa Kuxwenga, lowu Xikwembu Nkulukumba awunyikaka ku lava vamuyingisetaka.

Rm 1:5

Kuvi hikola kwake hi yamukeliki a timpswalu ni vurumiwa, kuyisela kuyingiseteni ka kupfumela, amakari ka vhanu va-Matiko hinkwawu hinkonta ya vito drakwe.

Rm 10:16

Kambe ahi hinkwavu lava yamukelaka Ivangeli. Ezaya ahlayisi xiswoswo aku: Tatana, i mani xana lweyi apfumelaka kuleswi afaka hi rera swone?

Rm 15:18

Hikusa mine anitiyi nhlana wa kukhanela loko kunge hi leswi Kriste aswi yentxiki ha mine akuva ni yisa va-Matiko kuyamukela Xikwembu Nkulukumba. Leswo swi yentxiwi hi maritu ni mintiho,

Rm 2:8

Kambe atavanyika xikhatiso lexakunono'wha lava vamupfukelaka ni lava vangamupfumelikiki hi xihlayelamfuri, kambe valandrelela vubihi.

Rm 6:17

Kambe, a kutlangeliwi Xikwembu Nkulukumba! N'wine lava n'wiviki swikarawa swaxidoho, kuhinkwaswu n'wivi nikuyingiseta hi mbilu amayentxela ya dondro dondrweni leyi n'wiyi nyikiwiki.

II Kor 10:5

ni kutikukumuxa hinkwaku loku kuhumelelaka akulwa ni vutivi bya Xikwembu Nkulukumba, Hiva hiyentxa miyanakanyu hinkwayu miyingiseta Kriste.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

II Tsl 1:8

Atata hi le makari ka malangavi ya ndrilo, a kutatakhatisa lava vayalaka Xikwembu Nkulukumba, ni lava vangayingisetikiki a Ivangeli ya Hosi Yesu Kriste.

II Tsl 2:16

Ingi a Hosi yeru Yesu Kriste ha swake ni Xikwembu Nkulukumba Tatana weru, lweyi ahirandriki hi timpswalu takwe, ahinyikiki xixixi xa kutiya ni kulavisela kukulu,

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

Va-Heberu 1:14

Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?

Va-Heberu 11:40

hileswaku Xikwembu Nkulukumba afa ahidjuleli ntxhumu wa kuyampswa, akuva vone, vayentxiwa va kuhetiseka, na hingavanga kone kun'we na vone.

Va-Heberu 11:8

Hi kupfumela Abrahamu ayingiseti loko avitaniwile akuva, kutani asuki atiyela atikweni ledri afaka atanyikiwa drone swanga pfindla. Asuki a famba na angakutivi lomu ayaka kone.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 2:10

Hikuva afa swifanelile leswaku a lweyi a mintxhumu hinkwayu miyentxeliweliki Yene, na kone swiyentxiwiki ha Yene, loko atisa vana vanyingi akuphatimeni, ahetisekisa hi kuxaniseka, amusunguli wa huluku dravu.

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Va-Heberu 9:12

Kunge ha ngati ya swiphongo ni marole, kambe kuvi hi ngati yake, anhingenile kan'we a mbangwini lowu wa kuxwenga, ahikumeliki kutiruliwa loku kungahelikiki.

Va-Heberu 9:15

Hileswo-ke, Yene i mutlhanganisi wa xipfumelelanu lexi ximpswha, akuva a kufa loko, kuhumeleli kutirula swidoho leswinga tumbuluka hansi ka xipfumelelanwini lexi xa kusungula, lava vitaniwiki vanyikiwa leswi xidumbiso xa kuda pfindla ledri dringahelikiki.

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Yd 1:21

Miya mahlweni hi kuhanya alirandrwini dra Xikwembu Nkulukumba, na n'wilavisela lirere dra Hosi yeru Yesu Kriste, driyisaka vuton'wini lebyi byingahelikiki.