Va-Heberu 5:7 - Testamente Ledrimpswha ni Mapsalma

⁷ Yene Yesu, amasikwini ya kuhanya kwake anyameni, ahumexeli hi swidrilo kun'we ni minyembeti leyiminyingi, a swikhongoto ni mintratriyo ku lweyi afaka a kota kumuhuluxa ku lifu, avi ayingeliwa hinkonta ya kutxhava Xikwembu Nkulukumba.

Va-Heberu 5:7 Mawu Ofanana

Mt 27:46

Hi nkama wolowo Yesu abandlukana hi ntamu aku: Eli, Eli, lama sabaktani, hileswaku: Xikwembu Nkulukumba wanga, Xikwembu Nkulukumba wanga, xana unitrikeli yini?

Mt 27:50

Kutani Yesu kambe atlhela ayengesa abandlukana hi ntamu, anyiketa a moya wakwe, afa.

Marka 15:34

Kutani, hi nkama wolowo wa vuntlhanu na mune Yesu abandlukana hi ritu dra kutlakuka aku: Eloyi, Eloyi, lama Sabaktani? Loko switlhamuxeliwa hileswaku: Xikwembu Nkulukumba wanga, Xikwembu Nkulukumba wanga, xana unitrikeli yini?

Marka 15:37

Kambe Yesu abongosiki, anyiketa a moya, kutani afa.

Lk 23:46

Yesu abandlukaniki hi ritu dra kutlakuka, aku: Tatana, ninyiketa moya wanga mavokweni yaku. Atiki ahlaya leswo, afa.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 11:35

Yesu adrila.

Yohana 11:42

Mine niswitivile leswaku hinkwawu masiku waniyingela. Kambe nihlayi leswo hikola ka xitrhungu lexi xiyimiki kola, akuva xitapfumela leswaku hi wene unirumiki.

Yohana 17:1

Loko Yesu ahlayi leswo, atlakuxa mahlu, alavisa Tilweni, aku: Tatana, a nkama wutlhasile! Twalisa N'wanaku, akuva na yene N'wana akutwalisa;

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Va-Heberu 10:10

Hikusa akurandreni kwake koloko, hine ha xwengisiwile kan'we, hiku humexeliwa ka miri ya Yesu Kriste.

Va-Heberu 10:5

Hileswo-ke hi kuta misaveni leyi, ati: A wurandranga switlhavelo nambi swinyiko, kambe univumbi niva miri.

Va-Heberu 11:7

Hikupfumela, Nowa ali kutivisiwa hi Xikwembu Nkulukumba leti afaka tingasi voniwa, kutani a txhava ayaka ngalawa, akuva ata huluka yene ni yindlu yake ku yone, hi ndlela leyi a yavanyisa misava, kutani amuyentxi ava mudi wapfindla dra kululama hikola ka kupfumela.

Va-Heberu 12:28

Hileswo-ke, leswi hi yamukeliki mfumu lowu wungatrekatrekiki, hi fanekela kukhensa timpswalu, leti hitirelaka hi Xikwembu Nkulukumba ha tone, hi xitxhavu hinkwaxu;

Va-Heberu 13:20

Kutani-ke, Xikwembu Nkulukumba wa kurula lweyi hingati ya xipfumelelanu lexi xinga helikiki, abuyisiki hi le ku vafi Hosi yeru Yesu, mubyisi lwenkulu wa tihamba

Va-Heberu 2:14

Hi leswi-ke, a vana vaniyavelo drin'we dra ngati ni nyama, e kuyavelisiwa xiswoswo na Yene, akuva hi kufa kwake atahelisa lweyi afaka ani ntamu wa kufa, anga yene Diyavulosi.

I Yhn 4:3

Kambe, a moya mun'wana-ni-mun'wana lowu wukanetaka leswaku Yesu Kriste ati anyameni ahi wa Xikwembu Nkulukumba; lowu hiwo moya wa nala(antikriste) wa Kriste, lowu n'wiswiyingeliki kuhlayiwa leswaku wutava yene nala (antikriste), swoswi ke, akone a misaveni.

II Yhn 1:7

Hikusa kunivakanganyisi vanyingi vahangalakiki misaveni, lava vangakholwikiki leswaku Yesu Kriste atile hi nyama; lavo ivakanganyisi ni vakaneti va Kriste.