Va-Heberu 5:12 - Testamente Ledrimpswha ni Mapsalma

¹² Nambi leswi swoswi afaka n'wifanekeli kuva vadondrisi. Kambe hikulandra minkama leyi mihundriki, mahadjula mhunu lweyi angadondrisaka, ha wumpswha aswileleto swa masungulu ya timhaka ta Xikwembu Nkulukumba, xileswo n'windruluki lava vadjulaka ntrwamba na kunge hi swakuda leswi switiyiki.

Va-Heberu 5:12 Mawu Ofanana

Mt 17:17

Yesu ayangula aku: Yowee lixaka ledri dringapfumelikiki ni dra kusomboloka. Xana nitava na n'wine kukondra kuva drini? Nitan'wilehisela mbilu kuyagama kwini? Mubuyisani kola ku mine.

Marka 9:19

Kambe Yene avayangula aku: Yoo! Lixaka ledri dringapfumelikiki! Xana nitava na n'wine kuyagama kwini? Xana nitan'wilehisela mbilu kuyagama kwini? Buyisani a mufana lweyo ku mine.

Mintiro Ya Vapostola 7:38

Hi yene lweyi angava kone anhlengeletanwini ya le huleni, kun'we ni ntrumi leyi afaka yivulavula na yene anhaveni ya Sinayi, kun'we ni vatatana veru; hi yene lweyi ayamukeliki a maritu ya vutomi akuva ahinyika wone.

Rm 3:2

I drikulu hi matlhelo hinkwawu. Hikusa kusunguleni Xikwembu Nkulukumba anyiketi Maritu yake ku va-Yuda hi kuvadumba.

I Kor 14:19

Kambe akerekeni, nirandra kuhlaya ntlhanu wa maritu ya kuyanakanya kwanga, akuva nidondrisa van'wana, kutlula a madzana-dzana ya maritu hi tindrimi timbeni.

I Kor 14:20

Vamakweru, n'wingavaneni switrongotwana amayanakanyeleni, vanani switrongotwana ku leswi swimfani; kambe amayanakanyeleni, vanani lava vawupfiki.

Gl 4:3

Hi swoswo na hine. A nkama afaka hili vatrongwana afa hili hansi ka mintamu ya misava leyi;

Va-le-Filipiya 3:1

Hi vugamu vamakweru, ni navela leswaku n'wiva ni kutrhava a Hosini. Ku mine aswi ni nonon'hweli a kupfuxeta leswi ni n'witraleliki, hikusa swin'wifanekelile n'wine.

Va-le-Kolosa 3:16

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu.

Va-Heberu 10:32

Drimukani-ke, masiku lawa makhalutiki, lawa ntrhaku kakuva n'wivaningeliwile, mitiyiselile kulweni lokukulu ni mahlomulo.

Va-Heberu 5:11

Amhakeni leyi, hi na swinyingi leswi hinga mihlayelaka; kambe swanonon'hwa kuswitlhamuxela, hikusa n'windruluki lava vangadjulikiki kuyingelisisa.

Va-Heberu 5:13

Hikusa mani na mani lweyi ahanyikiwaka hi ntrwamba ntsena, angawupfanga aritwini dra swakululama, hikusa i ntrongwana.

Va-Heberu 6:1

Hikolahu, ahi trikeni tidondro ta masungulo ya Kriste, hi kongoma kuhetisekeni, hingavi beka kambe amasungulo ya kundruluka ku mintiro leyi mitifeliki, ni yakupfumela ku Xikwembu Nkulukumba,

I Ptr 2:2

swanga swihlangi leswi swahaka kubelekiwa, navelani a ntrwamba lowu nene wa moya, akuva ha wone n'wikula akuhulukeni,

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.