Va-Heberu 4:11 - Testamente Ledrimpswha ni Mapsalma

¹¹ Ahikhinyeleni-ke, akunhingeneni ni kuwiseni koloko, leswaku kungavina mun'we lweyi atakawa, hi kulandra ndlela yakuka kuyingiseta.

Va-Heberu 4:11 Mawu Ofanana

Mt 11:12

Kambe kusukela amasikwini ya Yohana Mubabatisi kutlhasa swoswi, a Mfumu wa Matilo wukumiwa hiwuphangi, vawuwutla hi ntamu.

Mt 7:13

Nhingenani hi nyangwa leyi ya kukhuma! Hikusa a nyangwa ni ndlela leswi swiyisaka akulahlekeni swiyanami ngopfu, mfuri i vanyingi lava vanhingenaka ha kone;

Lk 13:24

Khinyelani kunhingena hi nyangwa leyi ya kukhuma hikusa nan'wibyela, lava vanyingi vatadjula kunhingena kambe vatahluleka.

Lk 16:16

A nawu wa Moxe ni dondro ya vaprofeta switirile kuya tlhasa nkameni wa Yohana Mubabatisi. Kolahu a Ivangeli ya Mfumu wa Xikwembu Nkulukumba yireriwa, mani na mani ayentxa hi ntamu kunhingena kone.

Yohana 6:27

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Mintiro Ya Vapostola 26:19

Hileswo-ke, we hosi Agripa, anahayalanga ku xivoniso xa Tilo,

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

Ef 5:6

N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

Va-le-Filipiya 2:12

Kolahu-ke vamakweru, swanga hi leswi n'wiyingisetiki minkama hinkwayu, na angali ntsena hi loko afa nili kone kolahu, kambe kutlula swoswi ningaliki kone, hi swoswo na kone n'witirela kuhuluka kwenu hi kutitrongohata ni kururumela;

Va-le-Kolosa 3:6

A mintxhumu leyo mipfuxa mahlundru ya Xikwembu Nkulukumba henhla ka lavo vangayingisetikiki.

Tito 1:16

Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Va-Heberu 3:12

Tivonelani vamakweru, leswaku kungavi na mhunu makari kwenu lweyi angani mbilu ya kubiha, ya kuka kupfumela, yitakafularela Xikwembu Nkulukumba lweyi ahanyaka

Va-Heberu 3:18

Hi vamani nangweso lava angafunga leswaku vanga nhingeni kuwiseni kwake, loko ange ku lava vangayingisetangakiki?

Va-Heberu 4:6

Swanga hi leswi kusaliki van'wana kuva vanhingena kone, na kasi lava vativisiwiki a Ivangeli kusunguleni avanhingenanga hikola ka kukala kuyingiseta,

Va-Heberu 6:11

Kambe hi navela leswaku mun'wana-ni-mun'wana wenu akombisa nkhinkhi leyinga yin'we, akuva a kulavisela kwenu kuva loku kutiyiki kutlhasa vugamu;

II Ptr 2:6

Amiti ya Sodoma na Gomora, amiyentxa nora, amiyavanyisela kusuvisiwa, akuva mitayentxa xikombiso ku vhanu lava vatakahumelela ntrhaku vahanya hivunfani.