Va-Heberu 2:9 - Testamente Ledrimpswha ni Mapsalma

⁹ Hivonile na kone, lweyi hi nkamanyana ayentxiwiki lweyi ntrongo ku tintrumi, anga Yesu, hi kuxaniseka hi lifu, a yambexiwile ngiyana ya kutwala ni xitxhavu, akuva hikola ka timpswalu ta Xikwembu Nkulukumba atwisiwa kufa hinkonta ya vhanu hinkwavu.

Va-Heberu 2:9 Mawu Ofanana

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Mt 6:28

Ni loko swi swiyambalu; xana n'wikaratekela yini? Lavisani magon'wa ya nhova leswi mamilisaka xi swone! Amatiri, amaluki!

Marka 9:1

Yesu atlhela aku ku vone: Nihlayelamfuri nan'wibyela: Van'we ku lava vayimiki kola vangakhumbiwi hi lifu vangasinavona a Mfumu wa Xikwembu Nkulukumba wuta hi ntamu.

Lk 9:27

Nihlayelamfuri nili ku n'wine: van'we lava vanga kola vangatifa, na vangasinavona a Mfumu wa Xikwembu Nkulukumba.

Yohana 1:29

A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava!

Yohana 10:17

Tatana awanirandra, hikusa nitiyimiseli kunyiketa vutomi byanga, akuva nitatlhela nibyikuma.

Yohana 12:32

Kambe mine, loko nitava nitlakuxiwi nisuka misaveni, nitatikokela vhanu hinkwavu ku mine.

Yohana 3:16

Hikusa Xikwembu Nkulukumba arandri misava swakunhati, ako anyika N'wanakwe lweyi apswaliwiki ali swake, leswaku mani na mani lweyi apfumelaka ku yene, angatxhuki alahleka, kambe akuma vutomi lebyi byingahelikiki.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Mintiro Ya Vapostola 2:33

Hileswo-ke atiki awatlakuxiwa axineneni xa Xikwembu Nkulukumba, ayamukeliki ni xidumbiso xa Moya wa Kuxwenga ku Tatana, atxheli ahenhla kweru leswi na n'wine n'wiswivonaka ni kuswiyingela.

Mintiro Ya Vapostola 3:13

Xikwembu Nkulukumba wa Abrahamu, ni wa Yisaki, ni wa Yakobe; Xikwembu Nkulukumba wa vatatana veru adrumisi nandra wakwe Yesu, lweyi n'wine n'wingamunyiketa Pilatu ni kumulandrula amahlweni kwake. Kasi Pilatu afa amuyavanyiseli kutrhunxiwa.

Rm 5:18

Xileswo, Swanga hileswi ha xidoho xin'we ntsena, xitisiki a tremo henhla ka vhanu hinkwavu akuva vayavanyisiwa, xiswoswo kambe, hinkonta ya xiyentxo xin'we xakululama kuxikile timpswalu henhla ka vhanu hinkwavu akuva vava ni kululama loku kunyikaka vutomi.

Rm 5:8

Kambe Xikwembu Nkulukumba akombisa lirandru drakwe ku hine, hi leswi Kriste ahifeliki, na hahali vadohi.

Rm 8:3

Hikusa leswi afaka swinga koteki ku nawu, hi leswi afaka wu hikola ka nyama, Xikwembu Nkulukumba a yentxile leswi hi ku rumela N'wana wakwe hiku fana ni nyama ya xidoho, xiswoswo, Xikwembu Nkulukumba a yavanyisile Xidoho a nyameni.

Rm 8:32

Yene lweyi angatretrelelangakiki a N'wana wakwe, kambe ahinyiketi yene hinkweru, xana angaka angahihanani hinkwaswu kun'we ni N'wana wakwe?

II Kor 5:15

Kutani yene a feli hinkwavu, leswaku lava hanyaka, vangaha tihanyeli ha swavu, kambe vahanyela lweyi ava feliki atlhela apfuka kufeni.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,

I Tmt 2:6

lweyi atinyiketiki, ava xitirulo hinkonta ya hinkwavu, byili vumboni aminkameni leyi mifanekeliki;

Va-Heberu 1:9

Urandra vululami, uvenga vusomboloki: Hikolahu-ke, Xikwembu Nkulukumba, Xikwembu Nkulukumba waku, akutotile hi mafura yakutrhava, kutlula vanakuloni.

Va-Heberu 10:5

Hileswo-ke hi kuta misaveni leyi, ati: A wurandranga switlhavelo nambi swinyiko, kambe univumbi niva miri.

Va-Heberu 11:5

Hikupfumela, Enoke a tekeliwi henhla akuva anga voni kufa. Kutani angaha kumiwanga, hikusa Xikwembu Nkulukumba afa amutekeli ku yene; hikusa loko anga sina tekeliwa henhla, akumi kuhlayeliwa vumboni bya leswaku atrhavise Xikwembu Nkulukumba.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 2:7

Umuyentxi ava ntrongo ku tintrumi, umuyambexa ngiyana ya lisima ni lidrumu, umubeki henhla ka mintiro ya mavoko yaku.

Va-Heberu 7:25

Hileswo-ke, vangaswikota kuhuluxa lava trhindrekelaka ku Xikwembu Nkulukumba, leswi ahanyaka hilaha kungahelikiki akuva ava khongotelela.

Va-Heberu 8:3

Hikusa a muprista lwenkulu wini ni wini abekiwa akuva ahumexa timhamba ni switlhavelo; hileswo-ke, afa swifanelile leswaku yelwi ava ni xantxhumu xa kuhumexa.

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Yhn 2:2

Hi yene anga mhamba ya kususa swidoho sweru; swinge sweru ntsena, kambe swakuva swa misava hinkwayu.

Mpfuletelo 19:12

A mahlu yake ma swanga hi langavi dra ndrilo; anhlokweni yake, kunitingiyana tinyingi. Kutraliwile vito ledri kungeke na mhunu lweyi adritivaka loko ange Yene ntsena.

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;