Va-Heberu 2:10 - Testamente Ledrimpswha ni Mapsalma

¹⁰ Hikuva afa swifanelile leswaku a lweyi a mintxhumu hinkwayu miyentxeliweliki Yene, na kone swiyentxiwiki ha Yene, loko atisa vana vanyingi akuphatimeni, ahetisekisa hi kuxaniseka, amusunguli wa huluku dravu.

Va-Heberu 2:10 Mawu Ofanana

Lk 13:32

Yesu aku ku vone: Fambani n'wiyabyela a buwana ledro, leswaku nihlongola mademoni, nahaholisa timbabyi namunhla ni mundruku, niva niheta hi siku dra vuraru.

Lk 2:14

A kutwala akuve ku Xikwembu Nkulukumba a Matilweni ya le henhla-henhla, ni kurula amisaveni ku vhanu lava atitrhavelaka ha vone.

Lk 24:26

Xake, afa swingafanekeli Kriste atwa kuvaviseka, ava anhingena kuphatimeni kwake?

Lk 24:46

aku ku vone: Switralisiwi xiswoswo, leswaku Kriste atatwa kuvaviseka, apfuka makari ka lava vakufa hi siku dra vuraru,

Yohana 11:52

Na swone kunge kufela tiko ntsena, kambe ni kukota kuhlengeleta vana va Xikwembu Nkulukumba lava vahangalakiki, avayentxa van'we.

Yohana 19:30

Loko Yesu anwi nhlowa lowo, aku: Swihetisekile. Kutani adjovota nhloko, anyiketa moya.

Mintiro Ya Vapostola 3:15

Hi ndlela leyo, n'widlayi Hosi ya vutomi, leyi Xikwembu Nkulukumba ayipfuxiki kufeni, kutani hine hi timboni ta swone.

Mintiro Ya Vapostola 5:31

Kambe yelweyo, Xikwembu Nkulukumba amutlakuxelile axineneni xakwe, ava Hosi ni Muhuluxi, atanyika Israyele akuva andruluka ava adrivaleliwa swidoho swake.

Rm 11:36

Hi leswaku hinkwaswu swipfi ku Xikwembu Nkulukumba ni hinkwaswu swi kone ha Yene na i swake. Ku Xikwembu Nkulukumba akuve lidrumo hi minkama. Ni minkama Amen.

Rm 9:23

akuva xiswoswo, akombisa mahlolana ya lifuyo dra kutwala kwake ku swibya swa lilondro drakwe, leswi aswibekisiki akuva switakuma lidrumo na swone,

I Kor 2:7

kambe hivulavula hi vutlhari bya Xikwembu Nkulukumba, anga xihundla lexi xifihlekiki, lebyi Xikwembu Nkulukumba abyibekiseliki a kutwala kweru na minkama mingasinava kone;

I Kor 8:6

Kambe ku hine kuni Xikwembu Nkulukumba mun'we ntsena, Tatana, lweyi hinkwaswu swinga swake, na hine mfuri hinga ku Yene; ni Hosi yin'we ntsena, Yesu Kriste, lweyi a mintxhumu hinkwayu minga kone ha Yene, na hine mfuri hinga kone hikola kwake.

II Kor 3:18

Kutani hine hinkweru va mimombo leyi mifukumuliwiki, hi vonekela swanga hi xivonivoni, xa kutwala ka Hosi; handrulutiwa akuphatimeni hinkwaku, axifanisweni xakwe, swanga hi kuyentxa ka moya wa Hosi.

II Kor 4:17

Hikusa a mahlomulo ya nkama lowu wa swoswi mavevuka, mahitisela lidrumo drakuphatima loku kungahelikiki, loku kungekena kupimanisiwa.

II Kor 5:18

Leswi i ntiro wa Xikwembu Nkulukumba lweyi a titlhanganisiki na hine hikola ka Kriste, kutani ahi vitani kutirisana ntirweni wa kubuyelelana.

II Kor 6:18

mine nitava tatana wenu, na n'wine n'witava vana vanga vava vanuna ni vavasati, kuhlaya Hosi ya ntamu hinkwayu.

Gl 3:26

Hileswo-ke n'wine hinkwenu n'wivana va Xikwembu Nkulukumba, hi kupfumela ku Kriste Yesu.

Ef 2:7

Akuva akombisa ku madzana-dzana ya malembe lawa mataka, a vukulu bya vupfundri bya timpswalu, ni vunene ku hine, ha Kriste Yesu.

Ef 3:10

Kambe swoswi nambi mintamu ni minfumu ya le tilweni n'wifanekela kutiva, hi tlhelo dra Kereke a kuyanama ka vutivi bya Xikwembu Nkulukumba.

Va-le-Kolosa 3:4

Loko Kriste inga vutomi byenu, ativonekisa, kutani na n'wine n'witavonekisiwa kun'we na yene a kuphatimeni kwake.

II Tmt 2:10

Hi swoswo ni tiyisela ku hinkwaswu hinkonta ya lava vahlawuliwiki, akuva na vone vakuma kuhuluka loku kunga ku Kriste Yesu, kun'we ni kuphatima loku kungahelikiki.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 6:20

lomu Yesu anganhingena hinkonta yeru, avamurangeli weru, lweyi atiyentxiki muprista lwenkulu hi laha kungahelikiki hi ndlela ya Melkisedeki.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

Va-Heberu 7:28

Hikusa a nawu wubeka vhanu lava vanga ni gome vava vaprista, kambe a ritu dra xifungu lexingahlayiwa antrhaku ka nawu, xibekiwi N'wana lweyi ahetisekiki hi la kungahelikiki.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

I Ptr 5:1

Nitratriya a vakulu-va-kereke lava vanga makari kwenu, mine swanga nkulu-wa-kereke kulobye, mfuri ninga mboni ya kuxaniseka ka Kriste, nakone ningani yavelo akuphatimeni loku kutaka pfuleteliwa, nili:

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.

Mpfuletelo 4:11

Uni mfanelo, we Hosi ni Xikwembu Nkulukumba weru, ya kuyamukela a lidrumu, ni xihluwa, na ntamu, hikusa utumbuluxi mintxhumu hinkwayu, hikola ka kurandra kwaku, minga kone, mfuri mivumbiwiki.

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,