Va-Heberu 13:7 - Testamente Ledrimpswha ni Mapsalma

⁷ Drimukani vafambisi venu, lava van'wibyeliki ritu dra Xikwembu Nkulukumba, kupfumela kwavu n'wiva n'wivayetisa, na n'wihlalela vugamu bya vutomi byavu.

Va-Heberu 13:7 Mawu Ofanana

Mt 24:45

Hi mani-ke a mutiri lweyi wa kudumbeka ni kutlhariha, lweyi a hosi yake yimubekiki a henhla ka ndangu wa yone, akuva awuyavela a swakuda hi nkama lowu wufanekelaka, xana?

Lk 12:42

Yesu aku: Hiwini a mulaviseli wa yindlu lweyi wa kudumbeka, ava atlhariha, lweyi a n'winyi wakwe ataka mubeka, alavisela vatiri vakwe, akuva atavayavela swakuda hi nkama lowu wufanekelaka?

Lk 5:1

Yesu afa ayimi nkingeni wa tiva dra Genizareta, na xitrhungu lexi afaka xidjula a kuyingela a ritu dra Xikwembu Nkulukumba ximukamanyeta.

Lk 8:11

A xifaniso lexi xidjula kuhlaya leswi: A mbewu i Ritu dra Xikwembu Nkulukumba.

Mintiro Ya Vapostola 13:46

Kutani Pawulosi na Barnabasi, vakhanela hi ntamu vaku ku vone: Afa kusindriseka leswaku a Ritu dra Xikwembu Nkulukumba drihlayiwa ku n'wine va-Yuda, kusungula. Kambe leswi n'widriyalaka, n'witipimisaka lava vangafanekeliki hi vutomi lebyi byingahelikiki, vonani hiya ku lava vangeke va-Yuda.

Mintiro Ya Vapostola 14:23

Na swone vahlawuli vakulu akerekeni drin'wana ni drin'wana. Ntrhaku ka kukhongota ni hi kutitrona swakuda, vakombeli akuva vaxireleliwa hi Hosi leyi vabekiki ku yone vupfumeli byavu.

Mintiro Ya Vapostola 4:31

Loko vakukhongotile, kutrekatreka a mbangu lowu afaka vahlengeletani ku wone; hinkwavu vatala hinkwavu hi Moya wa Kuxwenga, kutani vahaxa a ritu dra Xikwembu Nkulukumba hi kutiya.

Rm 10:17

Hileswo-ke a kupfumela kupfa kuyingeleni, kambe akuyingela kupfa aritwini dra Xikwembu Nkulukumba.

I Kor 10:13

An'wingihumeleliwa hi ndringo lowu wungafanekeliki vhanu; kambe Xikwembu Nkulukumba adumbekaka, angaka angapfumeti leswaku n'widringiwa kutlula a mintamu yenu; kambe, kun'we ni mindringo, atan'winyika a ndlela ya kuhuma ku mindringo, akuva n'wikota a kumibyatrha.

I Kor 11:1

Vanani vayetisi vanga, swanga ha mine ningamuyetisi wa Kriste.

I Kor 4:16

Hileswo-ke nan'witratriya leswaku n'wiva vayetisi vanga.

Va-le-Filipiya 3:17

Vamakweru, vanani valandreli va xikombiso xanga, yetisani lava hanyaka hi kutwanana ni xikombiso lexi ni n'winyikiki.

I Tsl 1:6

N'wine n'wiyentxeliwi vayetisi veru ni Hosi, n'wiyamukela Ritu ahlomulweni lowu wukulu, hi kutrhava loku pfaka ku Moya wa Kuxwenga,

I Tsl 2:13

Nakone ku leswo hi tlangela Xikwembu Nkulukumba, hikukhinyelela, hi kuva n'wiyamukeli ritu dra Xikwembu Nkulukumba hi kurera kweru, ledri driviki ritu ledri n'wiyamukeliki. Hikuva afaka dringe ritu dra vhanu, kambe afaka drili ritu dra xihlayelamfuri, ledri dritiraka ku n'wine vapfumeli.

II Tsl 3:7

N'wine ha byenu n'waswitiva swinene leswaku n'wifanekela kulandra xikombiso xeru. Kutani hine ahifamba-fambanga halanu na hinga yentxi ntxhumu,

II Tsl 3:9

Ahi leswaku afa hingena mfanelo ya kuyamukela xa ntxhumu xa kukari.

I Tmt 3:5

Hikusa loko a mhunu angaswikoti a kufuma a yindlu yake, xana angabekisisa kuyini a kereke dra Xikwembu Nkulukumba?

Va-Heberu 13:17

Yingisetani vafambisi venu, n'witibeka hansi kwavu, hikusa vone va hitekela mahika yenu, swanga lava vataka vutisiwa ha wone, akuva vaswitira hi kutrhava, na vanga konyi, hikusa afa swingatin'wipfuna leswo.

Va-Heberu 13:24

Drungulani a varangeli venu hinkwavu, ni vahlawuliwa hinkwavu. A va-le Italiya va n'widrungula na vone.

Va-Heberu 6:12

akuva n'wingavi lava valolohaka, kambe n'wiva lava vayetisaka lava vadiki pfindla dra xidumbiso hi kupfumela ni kulavisela.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.

Mpfuletelo 1:9

Mine Yohana, makwenu ni muhlengeli na n'wine akuxanisiweni, ni le Mfun'wini, ni le kutiyiseleni loku kunga ku Kriste, nivi axihlaleni lexi xitxhuliwaka Patimosi, hinkonta ya ritu dra Xikwembu Nkulukumba, ni vumboni bya Yesu.

Mpfuletelo 20:4

Nakone nivoni swiluvelo, ku swone afa kutrhami lava vone vanyikiwiki ntamu wa kutrema. Nahanga vona na kambe, amahika ya lava afaka vatremiwi tinhloko hinkonta ya vumboni lebyi vabyibekiki bya Yesu, ni hi kurera ritu dra Xikwembu Nkulukumba, hi lava vanga gandrelangakiki xihari xa kulebya, nambi xi xifaniso xa yone, nambi kuli kuva ni xifungo a mi mombyeni, kumbe mavokweni yavu. Kutani vahanya na Yesu, hi mpfhuka wa khume dra madzana ya malembe (1000).

Mpfuletelo 6:9

Loko a Hambana yipfuli a xifungu xa vuntlhanu, nivona, a hansi ka xiluvelo, a mahika ya lava vangadlayiwa hi mhaka ya ritu dra Xikwembu Nkulukumba, ni hi mhaka ya vumboni lebyi afaka vali nabyu.