Va-Heberu 13:5 - Testamente Ledrimpswha ni Mapsalma

⁵ A mahanyeleni yenu n'wingavi pfumela kufumiwa hi lirandru dra mali, trhavani hi leswi n'winga naswu, hikusa Yene ate: Ningatikutrhika ni kutrongo, nambi kukusukela.

Va-Heberu 13:5 Mawu Ofanana

Mt 6:19

N'wingatihlengeleteleni nhlengwe lani misaveni, lomu a tinsumba ni kukura swihoneka, ni lomu a vayivi vanhingenaka vayiva;

Mt 6:25

Nan'wibyela nili: N'wingakaratekeni hileswaku n'witada yini, kumbe n'witanwa yini, ni leswaku amirini wenu, n'witayambala yini. Ke a vutomi abyitluli swakuda, ni miri amitluli swiyambalu xana?

Mt 6:34

Hileswo-ke n'wingakaratekeni hi siku dra mundruku, hikusa a siku ledro dritatidjulela swa drone. Hikusa a siku drin'wana ni drin'wana dridringana hi khombo dra drone.

Marka 7:22

ni kuwoswana, ni kunavela ka vukosi, ni mona, ni kukanganyisa, ni kutitrika, ni matrhoho, ni swisandru, ni kutikukumuxa, ni vusinge.

Lk 3:14

Nakone kuve ni masotxha lawa mamuvutisiki maku: Xana hine hitayentxa yini? Yohana ayanguli aku: N'wingayiveleni mhunu hi kutirisa a ntamu kumbe kurwexa nandru hi madrimi, kambe trhavelani leswi n'wiswikumaka.

Lk 8:14

A mbewu leyi yiweliki mitweni hi lava vadriyingeliki, kambe ha kutrongo-kutrongo vatrika kukhongota hi mihlatiyelo ya vutomi, ni vukosi, ni kutitrhavela hi swa vutomi kutani hi ndlela leyi vanganyiki mihandru.

Rm 1:29

Vataliki hi vusomboloki hinkwabyu, ni kunavela, ni vubihi, ni matrhoho, ni vudlayi, ni pfilumpfilu, ni madrimi, ni mona ni kuhleva.

I Kor 5:11

Kambe swoswi, nin'witralela akuva n'wingatipatri ni lweyi ahlayiwaka makwenu na kasi i wa vumbuye, kumbe munaveli wa vukosi bya misava leyi, kumbe mugandreli wa swikwembu swakuka-ndlela, kumbe mulumbeti, kumbe mpopswi, kumbe muyivi; a mhunu wa kufana ni lweyo, n'wingapatrani na yene, nambi kudeni.

I Kor 6:10

nambi vayivi, nambi vanaveli va vukosi bya misava, nambi timpopswi, nambi valumbeti, nambi vawutli, hinkwavu lavo vangatida a pfindla dra Mfumu wa Xikwembu Nkulukumba.

II Kor 4:9

haxanisiwa, kambe ahifulareliwi; hihelisiwa ntamu, kambe ahisuvi;

Ef 5:3

Kambe a vuwoswi ni kunyama hinkwaku, ni kunavela hinkwaku swinga hlayiwi ni kan'we amakari kwenu, swanga hi leswi swingafaneliki tinsasi.

Ef 5:5

Tivani leswi: akuna muwoswani nambi lweyi nfani, kumbe vakufelela, ni mugandreli wa swithombe, ataka fanela hi kuda pfindla aNfun'wini wa Kriste ni wa Xikwembu Nkulukumba.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

II Ptr 2:14

Amahlu yavu matali hi vuwoswi lawa mangatrikiki kudoha, vareya mimoya leyi mingatiyangakiki vani timbilu leti titaliki hikurandra vufuyi. I vhanu lava varuketeliwiki.

II Ptr 2:3

Kutani hikunavela kwavu, vatayentxa mabindru ha n'wine hi maritu ya kukanganyisa; kambe kusukela ka yavanyiso ledri vabekiseliwiki drone khale dringahlweli, ni kusuvisiwa kwavu kunga khutriyeli.

Yd 1:11

Yowee ku vone! Hikusa vafambi hi ndlela ya ka Kayim, hikunavela hakelo, vatrutrumeli xihonweni xa Balaami, vasuvi akukaneteni ka Kora.