Va-Heberu 13:1 - Testamente Ledrimpswha ni Mapsalma

¹ Yanani mahlweni n'wiva ni lirandru drawu kwavu.

Va-Heberu 13:1 Mawu Ofanana

Yohana 15:17

Leswi nin'wileletaka swone hileswaku n'wirandrana!

Mintiro Ya Vapostola 2:1

Loko kutlhasi a siku dra Pentekosta, afa vahlengeletani hinkwavu ku mbangu mun'we.

Mintiro Ya Vapostola 4:32

A vunyingi bya lava vapfumeliki afa vali mbilu yin'we ni moya mun'we. Mfuri afa kungena mun'we lweyi aliki a mintxhumu leyi anganayu i yake vuswake, kambe hinkwaswu ku vone afa swili swavu hinkwavu.

Gl 5:13

Hikusa n'wine vamakweru, n'wivitaneliwi kuntrhunxeka; hileswo ke, n'wingatxhuki n'witeka kuntrhunxeka n'wikuyentxa hi kurandra ka nyama, kambe fambani hi lirandru drin'wiyentxa leswaku n'witirelana van'we ni van'wana.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Ef 4:3

N'wikhinyela kubekisa vumun'we bya Moya hi kutrimbana ka kurula van'we ku van'wana:

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

Va-Heberu 10:24

Hiva hi yanakanyana van'we ku van'wana, hi kutxetelana lirandrwini ni le mintirweni leminene.

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

I Ptr 2:17

Vana ni xihluwa ku hinkwavu, randrani a vukwavu, txhavani Xikwembu Nkulukumba, n'wivani xihluwa ku mufumi.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Ptr 4:8

A henhla ka hinkwaswu, randrananani ngopfu van'we ku van'wana, hikusa a lirandru drifukumeta a vunyingi bya swidoho;

II Ptr 1:7

hi vukhongoti, n'wirandrana, hi kurandrana ka lirandru.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 4:20

Loko mhunu aku arandra Xikwembu Nkulukumba, nakasi ahambula makwavu, ani madrimi. Ha kunene, lweyi angarandrikiki makwavu, lweyi amuvonaka, anganakuswikota akurandra Xikwembu Nkulukumba, lweyi angamuvonikiki!

Mpfuletelo 2:4

Kambe nini lexi nixisolaka ku wene: hileswaku a lirandru draku dra kusungula udritrikile.