Va-Heberu 12:3 - Testamente Ledrimpswha ni Mapsalma

³ Yanakanyani ha yene lweyi a tiyiseliki hi ndlela leyo, loko vadohi vamukaneta, akuva n'winga trani mahikeni yenu, nambi kuhela timbilu.

Va-Heberu 12:3 Mawu Ofanana

Mt 11:19

A N'wana wa Mhunu atile na ada, anwa, vaku i wa magolo ni mpopswi, i nakulobye wa vahlengisi ni vadohi. Kambe a vutlhari byikombisiwa a kululama ka byone hi mintiro ya byone.

Mt 12:24

Kambe a vafarisi loko vaswiyingelile, vaku: Lweyi a susa a mademoni hi ntamu wa Beelzebule, hosi ya mademoni.

Mt 15:2

Xana hayini a vadondrisiwa vaku vatlula a swihila swa va khale? Hikusa avahlambi mandla loko vadjula kuda.

Mt 21:23

Anhingeniki aTempeleni, a vaprista lava vakulu ni vakulu va tiko vatrhindrekela ku Yene na adondrisa, vamuvutisa vaku: I ntamu muni lowu uyentxaka leswi ha wone? Hi mani lweyi akunyikiki a ntamu wolowo?

Mt 21:46

Kutani vadjula kumukhoma, kambe afa vatxhava switrhungu hi leswi vanyingi afaka vaku i muprofeta.

Mt 22:15

Kutani a vafarisi vafamba vayakhanela kun'we vatamuphasisa kuyini amaritwini.

Lk 14:1

Kati loko Yesu anhingeni a kaya ka mun'we wa mufambisi wa vafarisi, hi Savata, a kuyada kone, a vafarisi vone afa valavisisa Yesu leswi atakaswiyentxa.

Lk 15:2

A Vafarisi ni vadondrisi va Nawu van'unun'utela vaku: Lweyi, ayamukela vadohi ada navu.

Lk 16:14

A Vafarisi vanga varandri va mali, afa vayingela hinkwaswu leswo, vahleka Yesu.

Lk 2:34

Kutani Simiyoni avatovokisa, ahangabyela Maria mamana wa Yesu aku: Lavisa, Maria, a ntrongwana lweyi atawisa ni kupfuxa lava va kutala a Israyeleni. Nikuva xikombiso lexi xitaka landruliwa hi lava vanyingi,

Lk 5:21

Kutani vadondrisi va Nawu ni vafarisi vasungula a kutipimisela vaku: Xana yelweyi i mani, lweyi ahlayaka xisandru ku Xikwembu Nkulukumba? I Xikwembu Nkulukumba ntsena lweyi akotaka kudrivalela swihono.

Yohana 10:20

Lava va kutala ku vone afa vaku: Ani demoni, ahungukile! Xana n'wimuyingisetela yini?

Yohana 18:22

Loko Yesu ahlayi leswo, a mun'we wa malandra, lweyi afaka ayimi kolahu, a ba Yesu hi mpama, aku: Xana uyangulisa xiswoswo a muprista lwenkulu?

Yohana 5:16

Hikola ka mhaka leyo, a va-Yuda vasungula kulandrelela Yesu, hikusa afa atiri leswo hi siku dra Savata.

Yohana 7:12

Afa kuni kun'unun'uta kunyingi axitrhungwini hi mhaka yake. A van'wana afa vaku: I mhunu munene! A van'wana vaku: Im'hi, akanganyisa xitrhungu.

Yohana 8:13

A vafarisi vahangaku ku yene: Wene utihambela vumboni ha vuswaku! A vumboni byaku abyitiyanga.

Yohana 8:52

A va-Yuda vaku ku yene: Swoswi haswitiva leswaku uni demoni, Abrahamu afile na vone vaprofeta vafile; kutani wene uli: Loko mhunu abekisa ritu dranga, angaka angafi hi la kungahelikiki.

Yohana 8:59

Kutani varola maribye akuva vamutxukumetela, kambe Yesu atumbela, kutani ahuma a Tempeleni.

Yohana 9:40

Vafarisi van'wana lava afaka vali na yene, vayingela maritu lawa, kutani vaku ku yene: Xana na hine hi va kufa mahlu ke?

I Kor 15:58

Hileswo-ke, vamakweru lava varandrekaka, tiyani n'wingatrekatreki, n'wivani nkhinkhi yikulu antirweni wa Hosi minkama hinkwayu, na n'witiva leswaku a ntiro wenu a Hosini ahi wa mahala.

II Kor 4:1

Hileswo-ke, leswi hingani vutireli lebyi, hikola ka lirere ledri hiyentxeliwiki drone, ahi heli timbilu.

II Kor 4:16

Hileswo-ke, ahiheli ntamu, ni kutrongo. Nambi loko avumhunu byeru bya le handle byibuna, avumhunu byeru bya le ndreni byipfuxiwa siku drin'wana ni drin'wana.

Gl 6:9

Hinga karaleni a kuyentxa leswi swinene, hikusa hitatrhovela hi nkama wa kone loko hingalolohi.

II Tsl 3:13

Vamakweru, n'wingatxhuki n'wikarala ni kutrongo a kutira leswinene.

Va-Heberu 12:2

Na hi lavisa ku Yesu hikutiya, amuvangi ni muhetisisi wa kupfumela, lweyi hi kunyoxa loku abekeliwiki kone atiyiseliki xihambanwini, adrela tingana ta xone, swoswi atrhami xineneni xa xiluvelo xa Xikwembu Nkulukumba.

Va-Heberu 12:5

Hi leswaku n'widrivalile a maritu ya mintratriyo, lawa ha wone n'wivitiwaka swanga vana? N'wananga, unga dreli kulaya ka Hosi. Unga heli ntamu, loko yone yi kusola.

Va-Heberu 3:1

Hileswo-ke, vamakweru lava vahlawulekiki, n'wine n'wingavahlengeli va kuvitaniwa ka le tilweni, yanakanyani Yesu Kriste, lweyi anga mupostola wa Xikwembu Nkulukumba, ni muprista lwe nkulu wa vupfumeli lebyi hi byihlayaka,

I Ptr 2:23

hikusa ni loko aruketeliwa, afa angayanguli hi swiruku, loko axanisiwa, afa angatxhaviseli mhunu, kambe afa anyiketa hinkwaswu amavokweni ya lweyi ayavanyisaka hi kululama;

Mpfuletelo 2:3

na kone uni kutiyisela, ubyatrhi kuvaviseka hinkonta ya vito dranga, kambe awukaralanga.