Mt 26:55 - Testamente Ledrimpswha ni Mapsalma

⁵⁵ Ankameni wolowo Yesu abyela a switrhungu aku: N'wihumi ni timpanga ni tinhonga akutata nikhoma, swanga ni xiyivi? Afa nidondrisa masiku hinkwawu andlwini ya HOSI, kambe an'wanikhomanga.

Mt 26:55 Mawu Ofanana

Mt 21:23

Anhingeniki aTempeleni, a vaprista lava vakulu ni vakulu va tiko vatrhindrekela ku Yene na adondrisa, vamuvutisa vaku: I ntamu muni lowu uyentxaka leswi ha wone? Hi mani lweyi akunyikiki a ntamu wolowo?

Mt 26:47

Aku na ahavulavula, Yudasi mun'we wa lava va khume na vabiri, atlhasa na ali ni xitrhungu lexi xikulu, na xitameli tinhonga ni timpanga; xipfa hi le ku vaprista lava vakulu ni vakulu va tiko.

Marka 10:1

Loko Yesu asuki kolahu aya mintremanweni ya Yudeya halahaya ka nambu wa Yordana. A switrhungu switlhela swihlengelatana ku Yene, aswidondrisa tani hi laha atoloveliki ha kone.

Marka 12:35

Yesu, na adondrisa a Tempeleni, avutisi aku: Xana a vadondrisi va Nawu hayini vaku Kriste i n'wana Davida?

Lk 19:47

Yesu afa adondrisa hi siku drin'wana ni drin'wana andlwini ya Hosi, kambe a vaprista ni vadondrisi va Nawu ni vakulu va tiko afa vadjula kumudlaya.

Lk 20:1

Kati hi drin'wana siku, Yesu aku na adondrisa tiko a Tempeleni, avabyela Ivangeli, a vaprista ni vadondrisi va Nawu, kun'we ni vakulu va tiko,

Lk 4:20

Ntrhaku Yesu asongiki a buku adritlhelisela ku nandra, kutani atrhamisa. Hinkwavu lava afaka vali sinagogeni vamupondrolela mahlu.

Yohana 7:14

Loko nkhuvu wuli makari, hilaha Yesu angantlhantukela Tempeleni asungula kudondrisa.

Yohana 7:28

Loko Yesu ali kari adondrisa Tempeleni, atlakuxa ritu, aku: N'wanitiva, n'witiva ni lomu nihumaka kone! Anitanga ha swanga, kambe lweyi anirumiki hi yene swinene lweyi n'wine n'wingamutivikiki.

Yohana 8:2

Hi siku ledri landrelaka ampundrwini, atlhelela Ndlwini ya Hosi; a vhanu hinkwavu vata ku yene. Kolahu Yesu atrhama, asungula kuvadondrisa.

Yohana 8:20

Yesu ahlayi maritu lawa loko ali kari adondrisa a Tempeleni, ambangwini lowu afaka kubekiwa ku wone a swibya swa nhlengo. Kolahu akuvanga na mhunu lweyi angamukhoma, hikusa a nkama wakwe afa wungasinatlhasa.