Mpfuletelo 6:11 - Testamente Ledrimpswha ni Mapsalma

¹¹ Kutani vanyikiwa, mun'wana-ni-mun'wana a xiyambalu xa ntlhohe, vava vabyeliwa leswaku vawisa hi nkamanyana wutrongo, kukondra kutlhanganisiwa a nhlayo ya malandra-kulobye ni vamakwavu lava na vone afaka vatadlayiwa swanga ha vone.

Mpfuletelo 6:11 Mawu Ofanana

Mt 10:21

Na swone, a mhunu atanyiketa makwavu akudlayiweni, ni tatana atanyiketa n'wana; a vana vatapfukela a vapswali, kutani vatavadlaya.

Lk 15:22

Kambe a tatana wakwe aku ku malandra yake: Hangwesani n'wibuyisa a xiyambalu lexi xa kuxonga ngopfu, n'wiva n'wimuyambexa. Behelani xitlan'wana litihweni drakwe, ni swifambu aminkondrweni.

Yohana 16:2

Vatan'wihlongola amasinagogeni; na swone a nkama wata lowu mun'wana-ni-mun'wana lweyi atakan'widlaya atakapimisa leswaku atirela Xikwembu Nkulukumba.

Mintiro Ya Vapostola 20:24

Kambe anitihlayeli ntxhumu hi vutomi byanga, aniyanakanyi leswaku byini lisima ku mine; nitakota kuheta a mpfhuka wanga ni ntiro, lowu niwuyamukeliki ku Hosi Yesu, wa kuva ni hambela vumboni Ivangeli ya timpswalu ta Xikwembu Nkulukumba.

II Tsl 1:7

Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

II Tmt 4:7

Nilwile akulwa loku kunene, niheti akutrutruma kwanga, nibeki akupfumela kwanga.

Va-Heberu 11:40

hileswaku Xikwembu Nkulukumba afa ahidjuleli ntxhumu wa kuyampswa, akuva vone, vayentxiwa va kuhetiseka, na hingavanga kone kun'we na vone.

Va-Heberu 12:23

ni nhlengeletana ni Kereke dra mativula, leswitraliwiki a Matilweni, ni ku Xikwembu Nkulukumba, muyavanyisi wa vhanu hinkwavu, kun'we ni mimoya ya valulami lava vabasisiwiki,

Va-Heberu 4:10

Hikusa lweyi anhingeniki akuwiseni ka Xikwembu Nkulukumba, awisile na yene amintirweni yake, swanga ha Xikwembu Nkulukumba awisiki.

Mpfuletelo 10:6

yifunga hi lweyi ahanyaka hi madzana ni madzana ya malembe, lweyi angatumbuluxa a tilo ni leswi swinga ku drone; misava ni leswi swinga ku yone, ni likhulu ni leswi swinga ku drone, yiku: Akahana nkama;

Mpfuletelo 13:15

Xinyikiwi ntamu wa kunyika kuhefemula ku xifaniso xa xihari xa kulebya, akuva na xone xifaniso xa xihari xakulebya xikota kuvulavula, ni kuva xiyentxa leswaku kudlayiwa hinkwavu lava vanga gandrelangakiki a xifaniso xa xihari xa kulebya.

Mpfuletelo 14:13

Kutani ni yingela ritu dripfa tilweni na driku: Trala leswi: Kukateke vafi lava kusukela swoswi vafelaka Hosini! Ahina, kuhlaya Moya, akuva vata wisa mintirweni ya yavu, hikuva mintiro yavu mitavalandra.

Mpfuletelo 17:6

Kutani nivona lweyi wansati na apopswi hi ngati ya tinsasi ni ngati ya timboni ta Yesu; kutani loko nimuvona, nihlamala ngopfu hi kuhlamala lokukulu.

Mpfuletelo 7:14

Kutani mine niku ku yene: Hosi yanga, hi wene uswitivaka! Kutani yene aku ku mine: Lava, hi lava vapfaka hi le nhlomulweni lowukulu, vahlampswiki a swiyambalu swavu, vaswiyentxa swa ntlhohe angatini ya Hambana.

Mpfuletelo 7:9

Ntrhaku ka leswo, nivoni ntalu wukulu wa vhanu, lowu afaka kungali na lweyi angakotaka kuhlaya a ntrengo wa wone, vapfaka hi le ku matiko hinkwawu, tinxaka ni tindrimi hinkwatu. Vayimi mahlweni ka xitrhamu-xa-vufumi ni le mahlweni ka Hambana, na vayambali swiyambalu swa ntlhohe, na vani minkindru amavokweni yavu,