Mintiro Ya Vapostola 2:4 - Testamente Ledrimpswha ni Mapsalma

⁴ Vahangatala hinkwavu hi Moya wa Kuxwenga, vasungula kukhanela hi tindrimi tin'wana, swanga hi leswi a Moya afaka wuvanyika kuhlaya swone.

Mintiro Ya Vapostola 2:4 Mawu Ofanana

Mt 10:19

Kambe loko van'winyiketa ku vafumi n'wingakaratekeni hi leswi n'witakakhanelisa xiswone, nambi leswi n'witakaswihlaya, hikusa loko kutlhasa nkama wakuva n'wikhanela, Xikwembu Nkulukumba atan'winyika maritu.

Marka 16:17

Lava vatakavani kupfumela vatatibyiwa hi swikombiso leswi: Hi vito dranga vatahlongola mademoni, ni kukhanela tindrimi timpswha.

Lk 1:15

A n'wana atava nkulu amahlweni ka Xikwembu Nkulukumba. Angatinwa vhinyo nambi swakunwa swini ni swini swakubava loko apswaliwile, atava a tali hi Moya wa Kuxwenga.

Lk 1:41

Loko Elizabeta ayingela kulosa ka Maria, a n'wana atxhuka anyimbeni yake. Kutani Elizabeta atala hi Moya wa Kuxwenga.

Lk 1:67

Zakariya a tatana wa ntrongwana, atala hi Moya wa Kuxwenga aprofeta aku:

Lk 12:12

hikusa Moya wa Kuxwenga hi wone wutaka n'widondrisa, ankameni wolowu, leswi n'wifanekelaka kuhlaya swone.

Lk 21:15

hikusa mine nitan'winyika nomu ni vutlhari lebyi a valala venu hinkwavu vatakahluleka kubyikaneta ni kuyangula ntxhumu.

Lk 4:1

Yesu asuki anambyeni wa Yordana na atali hi Moya wa Kuxwenga. A Moya wumuyisi huleni,

Yohana 14:26

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Yohana 20:22

Loko ahlayi leswo, avahuhutela, aku ku vone: Yamukelanani Moya lowu wa kuxwenga.

Mintiro Ya Vapostola 1:5

Hikusa Yohana ababatisi hi mati, kambe andreni ka masikunyana n'wine n'witababatisiwa hi Moya wa Kuxwenga.

Mintiro Ya Vapostola 1:8

Ke, n'witanyikiwa ntamu loko a Moya wa Kuxwenga wutava wuxikeli ku n'wine, kutani n'witava timboni tanga la Yerusalema, ni le tikweni hinkwadru dra Yudeya, ni le Samariya, ni kuyatlhasa avugan'wini bya misava.

Mintiro Ya Vapostola 10:46

Hikusa afa vavayingela vakhanela hi tindrimi, vadrumisa Xikwembu Nkulukumba. Petrosi ahangavutisa aku:

Mintiro Ya Vapostola 10:47

Xana mhunu angasivela kuva vhanu lava vayamukeliki Moya wa Kuxwenga swanga ha hine, vababatisiwa?

Mintiro Ya Vapostola 11:15

Loko nisungula kukhanela, a Moya wa Kuxwenga wuxika henhla kwavu, swanga hi leswi wungaxikisa xiswone henhla kweru akusunguleni.

Mintiro Ya Vapostola 11:24

hikusa Barnabasi afa ali mhunu wa hombe, lweyi ataliki hi Moya wa Kuxwenga ni hi kupfumela. Kutani a vhanu vanyingi vatinyiketa ku Hosi.

Mintiro Ya Vapostola 13:52

Kolahu a vakriste va-le-Antiyokiya vatrhavi ngopfu ni kutala hi Moya wa Kuxwenga.

Mintiro Ya Vapostola 13:9

Kambe Saulo lweyi mfuri avitaniwaka Pawulosi, atala hi Moya wa kuxwenga, alavisisa Elima

Mintiro Ya Vapostola 15:8

Na swone, Xikwembu Nkulukumba lweyi ativaka timbilu ta hinkwavu akombisi vumbilu ku vone hi kuvanyika Moya wa Kuxwenga swanga hi leswi angahinyika na hine.

Mintiro Ya Vapostola 19:6

Kutani loko Pawulosi ava ntlhanteka mavoko, a Moya wa Kuxwenga wuxikela henhla kwavu, vahanga khanela hi tindrimi timbeni ni kuprofeta.

Mintiro Ya Vapostola 2:11

va-Yuda ni lava vandrulukeliki xiyudeni, vavitaniwaka hileswaku i va-Proselita, ni va-Kreta ni va-Arabiya, hinkweru hivayingela vakhanela hi tindrimi teru a amahlolana lawa makulu ya Xikwembu Nkulukumba.

Mintiro Ya Vapostola 2:3

Kolahu kuhumeleli tindrimi ta swanga i ndrilo, leti afaka tihangalaka na tixikela henhla ka mun'wana-ni-mun'wana wavu.

Mintiro Ya Vapostola 4:31

Loko vakukhongotile, kutrekatreka a mbangu lowu afaka vahlengeletani ku wone; hinkwavu vatala hinkwavu hi Moya wa Kuxwenga, kutani vahaxa a ritu dra Xikwembu Nkulukumba hi kutiya.

Mintiro Ya Vapostola 4:8

Kolahu Petrosi na atali hi Moya wa Kuxwenga, avayangula aku: Vafumi va tiko na n'wine vakulu,

Mintiro Ya Vapostola 6:3

Ke, vamakweru, tihlawulelani a vavanuna amakari kwenu va ntlhanu na vabiri, lava va kudumbeka ni vutivi lava vataliki hi Moya wa Kuxwenga akuva hitavabeka valavisela ntiro lowu.

Mintiro Ya Vapostola 6:5

Hinkwavu vayingelana, kutani vahlawula Stefano, a wanuna lweyi ataliki hi kupfumela ni hi Moya wa Kuxwenga, na Filipi, na Prokoro, na Nikanori, na Timoni, na Permenasi, na Nikolawu lweyi wa muproselita wa le Antiyokiya.

Mintiro Ya Vapostola 6:8

Stefano, lweyi ataliki hi timpswalu ni ntamu, afa ayentxa mahlolana ni swikombiso amakari ka tiko.

Mintiro Ya Vapostola 7:55

Kambe yene, atala hi Moya wa Kuxwenga, alavisa Tilweni avona vumenyemenye bya Xikwembu Nkulukumba, na Yesu, ayimiki axineneni xakwe,

Mintiro Ya Vapostola 8:17

Kolanu-ke vavantlhanteka mavoko, kutani vayamukela Moya wa Kuxwenga.

Mintiro Ya Vapostola 9:17

Ananiya afamba, aya kaya ka Yuda, ayantlhanteka mavoko ku Saulo, aku ku yene: Saulo makweru, Hosi Yesu, lweyi atikombisiki ku wene andleleni, anirumi ku wene akuva utlhela uvona, ni kuva utala hi Moya wa Kuxwenga.

Rm 15:13

Ingi Xikwembu Nkulukumba, lweyi kulavisela kupfaka ku yene, aan'witate hi kutrhava ni kurula kupfumeleni kwenu, akuva n'wiva lava vayandriki akulaviseleni, hi ntamu wa Moya wa Kuxwenga.

I Kor 12:10

mun'wana mfuri a ntamu wa kuyentxa mahlolana, mun'wana a vuprofeta, mun'wana a kutivisisa a mimoya hi vuyentelelo, mun'wana a kukhanela tindrimi ta tinxaka-xaka, mun'wana a kutitlhamuxela.

I Kor 13:1

Nambi loko mine ningavulavula a tindrimi ta vhanu ni ta tintrumi, loko ningana lirandru, nifana ni nhumbu leyi yipfumaka, xinsimbana lexi xihambaka a mpfumawulu.

I Kor 13:8

A lirandru adrina vugamu hi la kungahelikiki. Kasi nambi kuni vuprofeta, byitahelisiwa; nambi tindrimi titahela; nambi a vutivi byitahelisiwa.

I Kor 14:18

Nikhensa Xikwembu Nkulukumba, hikusa nivulavula hi tindrimi timbeni kutlula n'wine.

I Kor 14:5

Afa nirandra leswaku n'wine hinkwenu n'wivulavula hi tindrimi, kambe ngopfu-ngopfu leswaku n'wiprofeta; hikusa lweyi aprofetaka atlula hi kuhundrisa lweyi avulavulaka hi tindrimi, handle ntsena loko akota ni kutitlhamuxela, akuva a kereke drikuma a kuyakiwa.

Ef 3:19

Akuva mitakota kutiva lirandru dra Kriste, nambi leswi yene atlulaka mintamu ya kukari ni kukoteka ka vutivi, akuva Xikwembu Nkulukumba an'witata hi nhlengwe yake hinkwayu.

Ef 5:18

N'winga popsweni hi vhinyo, hikusa drivanga timholova, kambe titatani hi Moya,

Ef 6:18

N'wikhongota minkama hinkwayu hi kukhongota hi kutitrongohata hi kutlhangana ni Moya wa Kuxwenga, n'wirindra hikutiyisela ni kutitrongohata ni hikukhongotela tinsasi hinkwatu.

I Ptr 1:12

Ku vone kupfuleteliwile leswaku afa vangatitireli, kambe afa vatirela n'wine ku mintxhumu leyi swoswi mitivisiwiki ku n'wine hi lava van'wirereliki a Ivangeli hi ntamu wa Moya wa Kuxwenga, lowu wurumeliwiki hi le Tilweni, a mintxhumu leyi nambi tintrumi tidjulisisaka kun'witiva.

II Ptr 1:21

Hikusa a kungiva ni vuprofeta ni byin'we byitivisiwiki hi kurandra ka vumhunu, kambe, a vhanu vakuhlawuleka vakhaneli na swipfa ku Xikwembu Nkulukumba, na vafambisiwa hi Moya wa Kuxwenga.