Mintiro Ya Vapostola 13:2 - Testamente Ledrimpswha ni Mapsalma

² Siku drin'wana loko vone vagandrela Xikwembu Nkulukumba ni kutitrona, a Moya wa Kuxwenga wuku: Nibekelani Barnabasi na Saulo akuva vaya hetisa a ntiro lowu ni va vitaneliki wone.

Mintiro Ya Vapostola 13:2 Mawu Ofanana

Mt 17:21

Kambe a lixaka ledri dra mademoni, drihuma ntsena hi kukhongota ni kutitrona.]

Mt 6:16

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu.

Mt 9:38

Hileswo-ke, kombelani ku N'winyi wa ntrhovelo akuva aruma a vatiri akutrhoveleni kwake.

Lk 10:1

A ntrhaku ka swone, Hosi Yesu ahlawuli van'wana va ntlhanu wa makume na makume mabiri na vabiri (72), avaruma ha vabiri-vabiri amahlweni kwake, amitini hinkwayu ni le mimbangwini hinkwayu lomu atakafamba ha kone.

Lk 2:37

Kutani afaka ali mufelwa, wa malembe lawa madjulaka kuva ya ntlhanu wa makume na makume mararu na mune (84), afa angasuki aNdlwini ya Hosi, na atirela Hosi hi kutitrona ni kukhongota vusiku ni nhlikanhi.

Mintiro Ya Vapostola 10:19

Loko Petrosi ahayanakanya swa xivoniso, a Moya wuku ku yene: Lavisa, a vavanuna vararu vakudjula;

Mintiro Ya Vapostola 10:30

Korneliyo, ayangula aku: Kuhundri mune wa masiku, ankameni lowu, afa nili kola ndlwini kwanga na nititrona swakuda, nikhongota hi nkama wa vuntlhanu na mune (15h00), kakuhumelela wanuna amahlweni kwanga, ayambali swiyambalu swakuphatima,

Mintiro Ya Vapostola 13:3

Kolahu-ke, ntrhaku ka loko vatitroni, ni kukhongota, ni kuvantlhanteka mavoko, kutani vavatrika vafamba.

Mintiro Ya Vapostola 13:4

Barnabasi na Saulo, hi kurumiwa hi Moya wa Kuxwenga, vafamba kukondra vayatlhasa mutini wa le Selukiya, vasuka kone vawelela xihlaleni xa Kipra.

Mintiro Ya Vapostola 14:26

kutani vasuka kone vawelela a Antiyokiya, lomu afaka vabekiwi atimpswalwini ta Xikwembu Nkulukumba akuva vakhoma a ntiro lowu afaka vawuhetile.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

Mintiro Ya Vapostola 22:21

Kambe Yene aku ku mine: Famba, hikusa mine nitakuruma a kule, amakari ka va-Matiko.

Mintiro Ya Vapostola 4:36

Na yene Yosefa lweyi atxhuliwaka Barnabasi hi vapostola, hileswaku: N'wana wa kumiyeta, loko kutlhamuxeliwa, mulevi, abelekiwiki Kipra;

Mintiro Ya Vapostola 6:4

Hine, hitatiyisela akukhongoteni ni le ntirweni wa kuhlaya ritu dra Xikwembu Nkulukumba.

Mintiro Ya Vapostola 8:29

Kolahu a Moya wubyela Filipi: Trhindrekela kusuhi ni kalitxhi ledriya.

Mintiro Ya Vapostola 9:15

Kambe Hosi yiku ku Ananiya: Famba, hikusa yelweyo, ku mine i xibya xa kuhlawuliwa, xitakatwalisa a vito dranga amahlweni ka va-Matiko, ni ka vafumi, ni ka vana va Israyele.

Rm 1:1

Mine Pawulosi ningamutiri wa Yesu Kriste, nivitaniwiki nihlawuliwa akuva mupostola wa Ivangeli ya Xikwembu Nkulukumba,

Rm 10:15

Nakone vatarerisa kuyini loko vangarumiwanga? Swanga hi leswi kutraliwiki: ahikuxonga ka minenge leyi mitivisaka Ivangeli!

Rm 15:16

akuva mutireli wa Yesu Kriste amakari ka va-Matiko. A ntirweni wa kutivisa Ivangeli ya Xikwembu Nkulukumba, leswaku va-Matiko vata kombisiwa ku Hosi swanga mhamba leyi trhavisaka ni leyi basisiwiki hi Moya wa Kuhlawuleka.

I Kor 12:11

Kambe hinkwaswu leswo switiriwa hi Moya wolowu wa wun'we, wuyavela ku mun'wana-ni-mun'wana hi laha wurandraka ha kone.

I Kor 7:5

N'wingatronananeni, handle ka loko n'wiyingelanile hi nkamanyana, akuva n'witinyiketa akukhongoteni, kambe n'witatlhela n'wiva kun'we akuva Sathana angatxhuki an'widringa hi kuhluleka kwenu ka kutikhoma.

II Kor 11:27

ni vi mintirweni ni minkaralwini, hi minkama minyingi ni vi nivusiku bya kuyandra na ningayetleli, ni vi nindlala nipfumala swakuda, ni kutitrona, hi minkama minyingi ni vi nixirami ni pfumala swakuyambala.

II Kor 6:5

akubiweni, mabohelweni, ne timpfilumpfilwini, mintrhweni, vulaveleli ni kutitroneni.

Gl 1:15

Kambe loko lweyi anganihlawula na ningasina pswaliwa, anivitanile hi timpswalu;

Ef 3:7

Hiyo Ivangeli leyi mine ningamutivisi wa yone, hi ndjombo ya kukari, leyi Xikwembu Nkulukumba hi ntamu wakwe ni masungulo aninyikiki.

Va-le-Kolosa 4:17

Kutani hlayani leswo ku Arkipo n'wiku: djulisisa kuhetisisa swinene a ntiro lowu a uyamukeliki ku Hosi.

I Tmt 2:7

vumboni lebyi mine nibekiwiki swanga mureri, ni mupostola wa byone, nihlayelamfuri, anihembi, mine ni mudondrisi wa va-Matiko akupfumeleni ni le xihlayelamfurini.

II Tmt 1:11

leyi ni bekiwiki kuva mureri ni mupostola, ni mudondrisi wa yone.

II Tmt 2:2

Ni leswi uswiyingeliki ku mine amahlweni ka timboni letinyingi, swibeke ku vhanu lava kudumbeka, akuva vatadondrisa van'wana.

II Tmt 4:11

Luka a vuswake a kola na mine. Buyisa Marka; hikusa i mupfuni lweyi munene ku mine amintirweni.

II Tmt 4:5

Kambe wene hiteka atimhakeni hinkwatu, ukhinyela kuxanisekeni, uyentxa ntiro wa mureri wa Ivangeli, uhetisisa a vutireli byaku.

Va-Heberu 5:4

Akuna mhunu lweyi atitekelaka akukhenseka loku, loko ange lweyi avitaniwiki hi Xikwembu Nkulukumba, swanga hi laha swi humeleliki ku Aroni.