Mintiro Ya Vapostola 1:5 - Testamente Ledrimpswha ni Mapsalma

⁵ Hikusa Yohana ababatisi hi mati, kambe andreni ka masikunyana n'wine n'witababatisiwa hi Moya wa Kuxwenga.

Mintiro Ya Vapostola 1:5 Mawu Ofanana

Mt 3:11

Mine nin'wibabatisa hi mati, leswaku n'windruluka; kambe lweyi ataka ntrhaku kwanga, awanitlula hi ntamu, mine ningafanelikiki kurwala tintangu takwe; hi Yene lweyi atakan'wibabatisa hi Moya wa Kuxwenga ni hi ndrilo.

Mt 3:6

Afa vababatisiwa ha yene anambyeni wa Yordana, na vatihlaya swidoho swavu.

Marka 1:8

Mine, nin'wibabatisa hi mati, kambe yene atan'wibabatisa hi Moya wa Kuxwenga.

Lk 3:16

Yohana avabyela hinkwavu aku: Mine nin'wibabatisa hi mati, kambe awata lweyi anitlulaka hi ntamu, lweyi ningafanelikiki kuntrhunxa a tingoti ta tintangu takwe. Hi yene atakan'wibabatisa hi Moya wa Kuxwenga ni hi ndrilo.

Yohana 1:26

Yohana avayangula, aku: Mine nibabatisa hi mati; kambe amakari kwenu akone lweyi n'wine n'wingamutivikiki;

Yohana 1:31

Mine afa ningamutivi, kambe nitile na nili lweyi ababatisaka hi mati, leswaku atavonekisiwa ku vana va Israyele.

Yohana 1:33

Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga.

Mintiro Ya Vapostola 10:45

A vapfumeli hinkwavu va va-Yuda lava vatiki na Petrosi, vahlamala ngopfu hi kuvona leswi a nyiko ya Moya wa Kuxwenga yitxeliwaka ka va-Matiko na vone.

Mintiro Ya Vapostola 19:4

Kolahu Pawulosi aku ku vone: A babatiso dra Yohana afa drili dra kutisola, na abyela vhanu leswaku avapfumele ku lweyi ataka ntrhaku kwake, anga Yesu.

I Kor 12:13

Hileswo-ke, hinkweru hibabatisiwi ku Moya wolowu wa wun'we, akuva hiva miri wun'we, vangava va-Yuda kumbe va-Girika, swikarawa kumbe lava vantrhunxekiki. Nakone hinkweru hinwisiwi a Moya wun'we ntsena.

Tito 3:5

kungali hi mintiro ya vululami leyi hine himiyentxaka, kambe hi kulandra a lirere drakwe, ahihuluxi hi kuhlampswa loku kunyikaka a vutomi byimpswha, ni kuyentxiwa vampswha hi Moya wa Kuxwenga,