Marka 9:50 - Testamente Ledrimpswha ni Mapsalma

⁵⁰ A munyu i ntxhumu lowu wunene, kambe loko wone wupswhama, xana wutanandrikisa ha yini ke? Djulani, mun'wana-ni-mun'wana akulunga a vutomi byake, n'wihanya hi kurula hinkwenu van'we ni van'wana.

Marka 9:50 Mawu Ofanana

Mt 5:13

N'wine n'wi munyu wa misava; kambe loko a munyu wupswhama, wunga ha nandrikisiwa hayini? Awa ha pfuni ntxhumu, loko kunge kutxukumetiwa a handle wukandreteliwa hi vhanu.

Marka 9:34

Kambe vone vamiyela, hikusa andleleni afa vakanetani hileswaku lweyi anga nkulu hi mani.

Marka 9:49

Hikusa lweyo ni lweyo atalungiwa hi ndrilo, kufana ni loko a munyu wulunga a swakuda.

Rm 12:18

Loko swikotekaka hi tlhelo drenu, vanani ni kurula ni vhanu hinkwavu.

II Kor 13:11

Leswi swisaliki vamakweru, salani, djulisisani akuva lava hetisekiki, txhavelelanani van'we ni van'wana; n'wiva ni kuyanakanya kun'we, hanyani hi kurula, kutani Xikwembu Nkulukumba wa lirandru ni kurula atava na n'wine.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Ef 4:29

Kungavi huma a ritu ni drin'we ledri nfani amilon'wini yenu; kambe ntsena ledringadrinene driyakisaka hi mfanelo, xileswo, driyentxela leswinene ku lava vadriyingelaka.

Va-le-Filipiya 1:27

N'wifanela kutifambela hi vunene hi kulandra hi Ivangeli ya Kriste. Akuva nambi ni djula kuta, nita nitan'wivona, nambi ninge kone, niyingela timhaka tenu ta leswaku, n'wile moyeni mun'we, n'wilwa kun'we avupfumeleni bya Ivangeli.

Va-le-Kolosa 3:12

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

Va-le-Kolosa 4:6

Akukhanela kwenu akuve loku ka kunyoxisa minkama hinkwayu, na kulungiwile hi munyu, tivani kuyangula loku kufanekelaka mun'wana-ni-mun'wana.

I Tsl 5:13

Vatamelani hi xitxhavu hinkwaxu ni lirandru, hinkonta ya ntiro wavu. Na n'wili nikurula amakari kwenu.

II Tmt 2:22

Kambe trutrumela kule ni swinavelo swalava vampswha, ulandra kululama, ni kupfumela, ni lirandru, ni kurula, kun'we ni lava tivitanelaka Hosi hi timbilu leti ta kubasa.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Yakobe 1:20

Hikusa akuhlundruka ka mhunu akuyentxi kululama ka Xikwembu Nkulukumba.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,