Marka 6:14 - Testamente Ledrimpswha ni Mapsalma

¹⁴ A mufumi Heroda ayingeli swa Yesu, hikusa a vito drakwe afa dridrumile matlhelo hinkwawu, na van'we vaku: Yohana Mubabatisi apfukiki kufeni, hi swoswo-ke angani ntamu wa kuyentxa mahlolana.

Marka 6:14 Mawu Ofanana

Mt 9:31

Volavo kambe vaku vahuma, vamutwalisa atikweni hinkwadru.

Marka 1:28

A xidrumo xa Yesu xihatla xihangalaka atikweni hinkwadru dra Galileya.

Marka 1:45

Kambe a nuna lweyo, aku awasuka, asungula a kuhuwelela leswi swinyingi ni kudrungula leswi swimuhumeleliki, lakakuva Yesu angahaswikoti ni kunhingena amutini mun'we alivaleni. Kambe afa atitrhamela handle, amimbangwini ya mananga; kutani vaya ku yene, vapfa matlhelweni hinkwawu.

Marka 8:28

Vaku ku yene: Van'we vali u Yohana Mubabatisi, a van'wana vali u Eliya, a van'wana kambe vali u mun'we wa vaprofeta.

Lk 13:31

Ankameni wolowo kati vambeni va Vafarisi, vaku ku yene: Suka la ufamba, hikusa Heroda adjula kukudlaya.

Lk 3:1

Hi lembe dra vukhume na ntlhanu dra mfumu wa mufumi-nkulu Tiberiosi Khezari, loko Ponciu Pilato afuma Yudeya, na Heroda afuma Galileya, Filipi makwavu afuma Ituriya ni tiko dra Trakonita, na Lusaniya afuma Abilene.

Lk 7:17

A ritu ledro, ledri vahlayiki drone ha Yesu, dri twala Yudeya hinkwadru ni le matikweni lawa manga kusuhi na drone, vativa leswi swiyentxiwiki ha Yesu.

Lk 9:19

Vone vayangula vaku: Vambeni vali u Yohana Mubabatisi, avan'we vali u Eliya, avan'wana vali u muprofeta mun'wana wa khale lweyi apfukiki kufeni.

I Tsl 1:8

Hikusa, a Ritu dra Hosi drekutwala ha n'wine, kunge ntsena Makedoniya ni le Akaya, kambe ni le mimbangwini hinkwayu a kupfumela kwenu ku Xikwembu Nkulukumba kuhangalaki, lakakuva aswahadjuleki kuhlaya xa ntxhumu.

Va-Heberu 2:4

Kutani Xikwembu Nkulukumba a seketeli vumboni byavu hi swikombiso ni swihlamaliso ni mahlolana, hi kuyavela tinyiko ta Moya wa Kuhlawuleka swanga hi kurandra kwake.