Marka 16:20 - Testamente Ledrimpswha ni Mapsalma

²⁰ A vadondrisiwa vasuki vayarera a Ivangeli amimbangwini hinkwayu. Na Hosi yivapfuna ni kutiyisa kurera kwavu hi swikombiso leswi afaka swilandrela a kurera kwavu.

Marka 16:20 Mawu Ofanana

Marka 16:19

Ntrhaku kakuva akhaneli ni vadrondrisiwa, Hosi Yesu atekeliwi atilweni, ayatrhamisa axineneni xa Xikwembu Nkulukumba.

Lk 1:1

Murandriwa Teofilo: Lava vanyingi vadringisile kudrungula matimu ya leswi swihumeleliki amakari kweru,

Lk 1:2

na vadondrisi va Nawu leswi hingativisiwa hi lava vangaswivona hinkwaswu kusukela akusunguleni, na vandruluki malandra ya ritu.

Mintiro Ya Vapostola 14:3

Kambe a vapostola vahangatrhama kone nkama wa kuleha, na vakhanela hi ntamu a Hosini. A Hosi afa yiseketela a ritu dra timpswalu ta Yone, yivanyika akuva hi mavoko yavu, kuyentxeka a swikombisu ni mahlolana.

Mintiro Ya Vapostola 4:30

unalavuta a voko draku, akuva kuhumelela a kuholisiwa ka vuvabyi, ni swikombiso ni mahlolana, hi vito dra Nandra wa kuxwenga, Yesu.

Mintiro Ya Vapostola 5:12

Afa kuyentxiwa swikombiso ni mahlolana manyingi hi mavoko ya vapostola amakari ka vhanu. A vapfumeli hinkwavu afa vatrhama vali mbilu yin'we, afa vatlhangana a Ligumbeni dra Salomoni;

Rm 15:19

hi mahlolana ni swikombiso, hi ntamu wa Moya wa Xikwembu Nkulukumba. Hi ndlela leyi na tivisa Ivangeli ya Kriste, kusukela Yerusalema ni hinkwawu matlhelo akuya tlhasa tikwaneni dra Ilirika.

II Kor 6:1

Swanga hi leswi hitirisanaka na yene, ha n'witratriya na kone leswaku n'wingayamukeli mahala a timpswalu ta Xikwembu Nkulukumba.

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;

Va-Heberu 2:4

Kutani Xikwembu Nkulukumba a seketeli vumboni byavu hi swikombiso ni swihlamaliso ni mahlolana, hi kuyavela tinyiko ta Moya wa Kuhlawuleka swanga hi kurandra kwake.