Marka 14:41 - Testamente Ledrimpswha ni Mapsalma

⁴¹ Loko atlheleli ku vone hi dra vuraru, aku ku vone: N'wahakhutriyela ni kuwisa? Swadringana! A nkama wutlhasile, lowu a N'wana wa Mhunu atakanyiketiwa ha wone a mavokweni ya vadohi.

Marka 14:41 Mawu Ofanana

Mt 26:2

N'waswitiva leswaku ntrhaku ka masiku mabiri a Paska dritava kone, kutani a N'wana wa Mhunu atanyiketiwa akuva avambiwa.

Marka 14:10

Yudasi Iskariyota, mun'we wa vadondrisiwa lava va khume na vabiri, ayikhanela ni vaprista lava vakulu akuva avanyiketa Yesu.

Marka 14:18

Vaku na vatrhami atafuleni vada, Yene aku: Nihlayelamfuri leswaku mun'we ku n'wine, adaka na mine ataniwonga.

Marka 14:35

Aya mahlweninyana, akinsama, akombela ngopfu ku Xikwembu Nkulukumba leswaku loko swingakoteka, angamuhuluxa ku nkama wa nhlomulo.

Marka 14:40

Atiki atlhelela ku vadondrisiwa, avakuma na vakhutriyela, hikusa a mahlu yavu afa mabindra. Kutani avativanga leswi vataka muyangula swone.

Marka 14:42

Sekelekani, ahifambeni. Awata swoswi lweyi aniwongaka.

Marka 7:9

Ayengeta aku ku vone: Xileswo n'widlaya a nawu wa Xikwembu Nkulukumba, akuva n'wibekisa xihena xenu.

Marka 9:31

Hikusa afa adondrisa a vadondrisiwa vakwe aku ku vone: A N'wana wa Mhunu atanyiketiwa amavokweni ya vhanu. Vatamudlaya, kambe atapfuka loko kuhundri masiku mararu.

Yohana 12:23

Yesu avayangula, aku: Ankama wutlhasile lowu N'wana wa Mhunu ataka twalisiwa ha wone.

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 17:1

Loko Yesu ahlayi leswo, atlakuxa mahlu, alavisa Tilweni, aku: Tatana, a nkama wutlhasile! Twalisa N'wanaku, akuva na yene N'wana akutwalisa;

Yohana 7:30

Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa.

Yohana 8:20

Yesu ahlayi maritu lawa loko ali kari adondrisa a Tempeleni, ambangwini lowu afaka kubekiwa ku wone a swibya swa nhlengo. Kolahu akuvanga na mhunu lweyi angamukhoma, hikusa a nkama wakwe afa wungasinatlhasa.

Mintiro Ya Vapostola 7:52

Amakari ka vaprofeta, hi wini lweyi wa kuka a vatatana venu vangamuxanisanga, xana? Vadlayi lava vativisiki khale, hi kuprofeta, a kuta ka Mululami, lweyi n'wine swoswi n'wingavawongi vakwe ni vadlayi vakwe,