Marka 14:36 - Testamente Ledrimpswha ni Mapsalma

³⁶ Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Marka 14:36 Mawu Ofanana

Mt 26:39

Kutani aya kulenyana, awa a hansi hi liso, akhongota aku: Tatana wanga, loko swikoteka, a ntrheko lowu awuhundre kule na mine; kambe kungayentxiwe a kurandra kwanga, akuyentxiwe a kurandra kwaku.

Mt 26:42

Asukiki ka vubiri aya khongota aku: Tatana wanga, loko swingakoteki akuva a ntrheko lowu wuhundra ningawunwanga, akuyentxeke a kurandra kwaku.

Mt 6:9

Hileswo-ke n'wifanela kukhongotisa xileswi: Tatana weru lweyi anga Matilweni. A vito draku adrihlawuliwe,

Marka 10:27

Loko avalavisile, Yesu aku ku vone: Ku vhanu aswikoteki, kambe ku Xikwembu Nkulukumba, hinkwaswu swakoteka, hikusa Xikwembu Nkulukumba angahluliwi hi ntxhumu.

Marka 10:39

Vone vaku: Hingaswikota! Kambe Yesu aku ku vone: A ntrheko lowu ninwaka, n'witawunwa, na drone a babatiso ledri nibabatisiwaka ha drone, n'witababatisiwa ha drone na n'wine,

Marka 14:37

Ntrhaku atlhelela ku vadondrisiwa, kambe avakumi na vakhutriyela. Kolahu aku ku Petrosi: Simoni, wene wakhutriyela? Awuswikotanga kulavelela hi nkama mun'we xana?

Yohana 12:27

Swoswi a moya wanga wakarateka. Xana ningaku yini? Xana nitaku Tatana, nihuluxe ku nkama lowu! Kambe, niteli swone, kuvona nkama lowu.

Yohana 18:11

Yesu ahangaku ku Petrosi: Tlhoma lipanga ankotlotweni! Xana ningaka ninganwi a ntrheko lowu Tatana aninyikiki wone xana?

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 5:30

Yesu aku: Ningaka ningatisunguleli niyentxa ntxhumu ha vuswanga. Niyavanyisa hi laha niswiyingelaka ha kone, kutani, akuyavanyisa kwanga kululamile, hikusa anidjuli kuyentxa kurandra kwanga, kambe kurandra ka lweyi anirumiki.

Gl 4:6

Hikusa n'wine n'wi vana, Xikwembu Nkulukumba arumi Moya wa N'wana wakwe atimbilwini teru, lowo wu bandlukana: Abba, swidjulaka kuhlaya leswaku: Tatana!

Va-le-Filipiya 2:8

Kutani, leswi akumekiki na a fana ni mhunu, atitrongohata ha vuswake, ayingiseta akuyatlhasa kufeni, ni lifu dra xihambano.

II Tmt 2:13

Loko hingapfumeli, yene atatrhama na adumbekile, hikuva angaswikoti kutilandrula Yene.

Tito 1:2

akulaviseleni ka vutomi lebyingahelikiki, lebyi Xikwembu Nkulukumba lweyi angahembiki abyidumbisiki na minkama mingasinava kone,

Va-Heberu 6:18

akuva hi kuhangwesa, leti tibiri tingeke na kuhela, inga leti swingakotekiki leswaku Xikwembu Nkulukumba ahemba ha tone, hi ndlela leyi hine hikumiki xitiyiso lexi xa ntamu, hi fanela kukhoma kulavisela loku bekiwiki mahlweni kweru;