Marka 12:29 - Testamente Ledrimpswha ni Mapsalma

²⁹ Yesu amuyangula aku: Lowu wukulu hi lowu: Yingela, Israyele! Hosi Xikwembu Nkulukumba weru i Hosi yin'we ntsena.

Marka 12:29 Mawu Ofanana

Mt 10:37

Lweyi arandraka a tatana wakwe kumbe mamana wakwe kutlula mine, anganifaneli; ni lweyi arandraka ngopfu a n'wanakwe wa xinuna kumbe wa xisati kutlula mine anganifaneli.

Mt 23:9

Mfuri n'wingatxhuleni mhunu Tatana wenu laha misaveni, hikusa Tatana wenu i mun'we ntsena, lweyi wa le Matilweni.

Lk 10:27

Ayangula aku: Utarandra Hosi Xikwembu Nkulukumba waku hi mbilu yaku hinkwayu, ni hi hika draku hinkwadru, ni hi ntamu waku hinkwawu, ni hi kuyanakanya kwaku hinkwaku. Urandra ni mhunukuloni swanga hi loko utirandra.

Rm 3:30

inga leswi swaku, Xikwembu Nkulukumba i mun'we ntsena, lweyi atakahlaya valulami lava vakusoka hi kupfumela, ni lava vangasokangakiki, hi kupfumela.

I Kor 8:4

Hileswo-ke, mayelanu ni kuda leswi swiphahleliwiki a swikwembu swakuka-ndlela, haswitiva leswaku a xikwembu xa kuka-ndlela ahi ntxhumu amisaveni hinkwayu, ni leswaku akuna Xikwembu Nkulukumba mun'wana handle ka lweyi wa mun'we ntsena.

Gl 3:20

Lavisa, a mutlhanganisi ahi wa mun'we, kasi Xikwembu Nkulukumba i mun'we.

I Tmt 1:5

Kambe a nkongometo wa leleto i lirandru, ledri dripfaka ambilwini leyi yibasiki, ni le lipfalwini ledri nene, ni le kupfumeleni loku kungalikina kukanganyisa,

I Tmt 2:5

Hikusa kuni Xikwembu Nkulukumba mun'we ni mutlhanganisi mun'we wa Xikwembu Nkulukumba ni vhanu, Kriste Yesu, mhunu,

Yakobe 2:19

Wene wa pfumela leswaku Xikwembu Nkulukumba i mun'we ntsena? I swinene! Kambe na wone mademoni mapfumela matlhela marurumela.

Yd 1:25

ku Xikwembu Nkulukumba lweyi anga mun'we, Muhuluxi weru, mahlweni ka Yesu Kriste, Hosi yeru, akuve lidrumu ni vukulu, ni ntamu ni vuhosi, na minkama hinkwayu minga sina tumbuluka, kusukela swoswi ni hi madzana-dzana ya malembe hinkwawu matakata. Amen!