Lk 22:70 - Testamente Ledrimpswha ni Mapsalma

⁷⁰ Hinkwavu vaku: Xake, u N'wana wa Xikwembu xana? Yesu aku ku vone: N'wihlayelamfuri, ni yene!

Lk 22:70 Mawu Ofanana

Mt 26:25

Kutani Yudasi lweyi afaka amuwonga, avutisa aku: Mudondrisi, xana angava mine? Yesu, amuyangula aku: Uhlaya swone.

Mt 26:64

Yesu ayangula aku ku yene: Uhlayi swone. Mfuri nan'wibyela leswaku, kusukela swoswi, n'witavona a N'wana wa Mhunu atrhami xineneni xa ntamu wa Xikwembu Nkulukumba, ata henhla ka matlavi ya tilo.

Mt 27:11

Yesu afa ayimi amahlweni ka mufuminyana, lweyi amuvutisiki aku: Xana wene u HOSI ya va-Yuda, xana? Yesu ayangula aku: Uhlaya swone.

Mt 27:43

Adumbi Xikwembu Nkulukumba, amuhuluxi swoswi, loko amurandra; hikusa ati: Ni N'wana wa Xikwembu Nkulukumba!

Mt 27:54

A ndruna ya dzana (100) dra mabutrhu ni mabutrhu lawa afaka malavelela Yesu, loko vavona kutrekatreka ka misava, ni leswi swihumeleliki, vatxhava ngopfu vaku: Ha kunene, lweyi afa ali N'wana wa Xikwembu Nkulukumba.

Mt 3:17

Kutani kutwala ritu dripfaka hi le Tilweni driku: Lweyi i N'wananga lweyi nimurandraka, lweyi nitrhavisiwaka ha yene.

Mt 4:3

A mudringi atrhindrekela ku Yene aku: Loko uli N'wana wa Xikwembu Nkulukumba, hlaya leswaku a maribye lawa amandruluki makati.

Marka 14:62

Yesu aku: Hi mine. Mfuri n'witavona a N'wana wa Mhunu na atrhami axineneni xa Xikwembu Nkulukumba wa mintamu hinkwayu, apfa hi le henhla ka matlavi ya tilo.

Marka 15:2

Kutani Pilatu amuvutisa aku: U Hosi ya va-Yuda, xana? Yesu amuyanguli aku: Uhlayelamfuri.

Lk 22:71

Vahangaku: Xana hahadjulela yini vumboni? Hikusa na hine hi swiyingeli hi nomu wakwe!

Lk 23:3

Pilato amuvutisa aku: Xana u Hosi ya va-Yuda xana? Yesu amuyanguli aku: Uhlaya swone.

Lk 4:41

Ni ku lava vanyingi afa kuhuma ni mademoni lawa afaka mabandlukana maku: Wene, u N'wana wa Xikwembu Nkulukumba! Kambe Yesu amakhwavela akuva mangakhaneli hikusa afa mamutiva leswaku i Kriste.

Yohana 1:34

Mine Yohana nimuvonile, kutani nibeki vumboni bya leswaku hi yene N'wana wa Xikwembu Nkulukumba.

Yohana 1:49

Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele.

Yohana 10:30

Mine na Tatana hi mun'we.

Yohana 10:36

xana n'wine, n'wihlaya ha yini n'wiku nisandra Xikwembu Nkulukumba, na kasi mine nihlawuliwi niva nirumiwa misaveni ha Yene, xana?

Yohana 18:37

Pilato aku ku yene: Xana u Hosi wene? Yesu ayangula, aku: Uhlaya swone, ni Hosi. Nipswaleliwi swone, niteli swone amisaveni leyi, akuva natatatiyisa xihlayelamfuri. Mun'wana-ni-mun'wana lweyi anga wa xihlayelamfuri, ayingiseta ritu dranga.

Yohana 19:7

A va-Yuda vamuyangula, vaku: Hine hini nawu, kutani hi nawu lowo afanela kufa, hikusa atiyentxi N'wana wa Xikwembu Nkulukumba.