I Yhn 5:19 - Testamente Ledrimpswha ni Mapsalma

¹⁹ Haswitiva leswaku hi va Xikwembu Nkulukumba, ni leswaku a misava hinkwayu mifumiwa hi mubihi.

I Yhn 5:19 Mawu Ofanana

Lk 4:6

aku ku yene: Nitakunyika a ntamu lowu hinkwawu ni kuphatima ka matiko lawa, hikusa ninyikiwi swone, ninganyika lweyi nimurandraka.

Yohana 12:31

Swoswi a misava leyi mikari mayavanyisiwa, kutani mufumi wa misava leyi swoswi atahlongoliwa.

Yohana 14:30

Ni ngaha khaneli swakutala na n'wine, hikusa mufumi wa misava leyi awata. Kambe angana ntamu ahenhla kwanga.

Yohana 16:11

a kuyavanyisa, hikuva a mufumi wa misava leyi ayavanyisiwile.

Yohana 17:15

Anikombeli leswaku uvasusa misaveni, kambe leswaku uvaxirelela ku leswi swakubiha.

Rm 8:16

Hi wo Moya lowo wu dondrisaka a moya weru leswaku hine hi vana va Xikwembu Nkulukumba.

II Kor 1:12

Hikusa a lidrumo dreru drakuva vumboni bya lipfalu dreru, leswaku hi fambisiwi misaveni, hi vunene ni xihlayelamfuri xa Xikwembu Nkulukumba, akavanga hi vutivi bya vumhunu, kambe a timpswalwini ta Xikwembu Nkulukumba, mfuri ngopfu ku n'wine.

II Kor 4:4

Vone lava a swikwembu swa nkama lowu swidlayiki miyanakanyu yava kuka kupfumela, akuva vangati vaningeliwa hi Ivangeli ya kutwala ka Kriste, lweyi angaxifaniso xa Xikwembu Nkulukumba.

II Kor 5:1

Ha switiva leswaku loko a yindlu yeru ya laha misaveni, leyi yinga ntronganyana yihahluliwa, hini Yindlu ya Xikwembu Nkulukumba, leyi yinga yakiwangakiki hi mavoko, leyi ya kukala yingenakuhela a Matilweni.

Gl 1:4

Lweyi atinyiketiki ha swake, hinkonta ya swidoho sweru, akuva ahi kulula misaveni leyi minfani, leyi hinga ku yone, ahetisisa xileswi hikurandra ka Xikwembu Nkulukumba, Tatana weru.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

II Tmt 1:12

Hileswo-ke naxaniseka ha swone; kambe anina tingana hikusa nitiva lweyi nipfumeliki ku yene, nidumba leswaku ana ni ntamu wa kubekisa leswi nibekiki ku yene, kukota kutlhasa ledro siku.

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

I Yhn 3:14

Haswitiva hine leswaku ahikhaluti hi kulifu hiya vuton'wini, hikusa hi randra vamakweru. Lweyi akalaka angarandri makwavu aha file.

I Yhn 3:24

Lweyi abekisaka swileleto swake atrhama ku Xikwembu Nkulukumba, kutani Xikwembu Nkulukumba ku yene. Hiswoswo ha switivisa leswaku Yene atrhami ku hine hi Moya lowu hi nyikiki.

I Yhn 5:10

Lweyi apfumelaka ku N'wana wa Xikwembu Nkulukumba ani vumboni, lweyi angapfumelikiki ku Xikwembu Nkulukumba, amuyentxa amuhembi, hikusa angapfumelanga a vumboni lebyi Xikwembu Nkulukumba ahinyikaka hinkonta ya N'wana wakwe.

I Yhn 5:13

Ni n'witraleli mintxhumu leyi akuva n'witiva leswaku n'wini vutomi lebyi byingahelikiki, leswaku n'wipfumela ku Vito dra N'wana wa Xikwembu Nkulukumba.

I Yhn 5:15

Mfuri loko hiswitiva leswaku Yene awa hi yingela kuhinkwaswu leswi hikombelaka, hinikudumba ka leswaku hinihinkwaswu leswi hinga mukombelaka.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

Mpfuletelo 12:9

Kutani kakutxukumetiwa a dragoni ledrikulu, a nyoka leyi ya khale, leyi vitaniwaka Diyavulosi na Sathana, lweyi a kanganyisaka misava hinkwayu. Yene ni tintrumi takwe vatxukumeteliwi misaveni.

Mpfuletelo 20:3

Kolahu a ntrumi yimutxukumetela kheleni drakuyeta, kutani yimupfalela, yibeka xifungu henhla kwake, akuva angaha kanganyisi matiko, kuko kuhela khume dra madzana ya malembe (1000). Ntrhaku ka swone ata fanela kuntrhunxiwa hi nkamanyana.