I Yhn 2:8 - Testamente Ledrimpswha ni Mapsalma

⁸ Nakone ni n'witralela nawu lowu wumpswha, lowu wunga xihlayelamfuri ku Kriste ni le ku n'wine, hikusa a munyama wuhundrile, alivaningo dra xihlayelamfuri dra vaninga kutani.

I Yhn 2:8 Mawu Ofanana

Mt 4:16

A tiko ledri afaka drifamba amunyameni drivoni a livaningo ledri drikulu! A livaningo ledri drivaningiki ku lava afaka vatrhama tikwanini dra munyama, ni ntrhuti wa lifu.

Lk 1:79

Kuphatima loko kutavaninga lava vahanyaka munyameni ni le ntrhutini wa lifu ni kufambisa a mikondro yeru andleleni ya kurula.

Yohana 1:9

A livaningo dra xihlayelamfuri, ledri drivaningelaka vhanu hinkwavu, dritile amisaveni. Ledri drivaningelaka vhanu hinkwavu, dritile amisaveni

Yohana 12:35

Yesu aku ku vone: A kuvaninga kahatava kone nkamanyana amakari kwenu. Fambani loko meheni kuvaninga, leswaku munyama wungatitxhuka wu n'wikuma; kasi lweyi afambaka munyameni angativi lomu ayaka kone.

Yohana 12:46

Mine ni kuvaninga, kutani nitile misaveni akuva mun'wana-ni-mun'wana lweyi apfumelaka ku mine, angatrhami munyameni.

Yohana 13:34

Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Mintiro Ya Vapostola 17:30

Ke a minkama ya kukohleka loku, Xikwembu Nkulukumba amitrikile mikhaluta. Kambe swoswi, aleleta a vhanu hinkwavu amimbangwini hinkwayu leswaku vatlhelela ku Yene;

Mintiro Ya Vapostola 26:18

akuva uyapfula mahlu yavu, vatasuka amunyameni vata alivaningweni, vatasuka antan'wini wa Sathana, vata ku Xikwembu Nkulukumba. Kolahu, ntrhaku ka kuvani kupfumela ku mine, vatayamukela a kudrivaleliwa ka swidoho swavu, ni kuda pfindla kun'we ni lava vaxwengisiwiki hi kupfumela ku mine.

Rm 13:12

A vusiku byihundrile, a vuxa byi kusuhi. Ahitrikeni mintiro ya munyama, ahi tiyambexeni hi matlhari ya livaningo.

II Kor 8:9

hikusa n'wine n'witiva swinene a lirandru dra Hosi yeru Yesu Kriste, lweyi nambi loko ali xipfundri kambe a tindruluti xisiwana hinkonta yenu akuva n'windruluka swipfundri hinkonta ya vusiwana byake.

Ef 5:8

Khale n'wine afa n'wimunyama, kambe swoswi n'wilivaningo a Hosini; Fambani swanga hi vana va livaningo.

II Tmt 1:10

a tivonekisiki swoswi, hi kuvoneka ka Muhuluxi weru Kriste Yesu, lweyi ahelisiki kufa, avonekisa vutomi ni kuhanya loku kungahelikiki hi Ivangeli,

I Ptr 1:21

n'wine ha Yene n'wipfumeliki ku Xikwembu Nkulukumba lweyi amupfuxiki ku lava vakufa amakari ka vafi, ava amunyika ni lidrumo, akuva a kupfumela kwenu ni kulavisela kwenu swiva ku Xikwembu Nkulukumba.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 4:11

Varandriwa, loko Xikwembu Nkulukumba ahirandrisi xileswi, na hine hinfanela hirandranana van'we-ku-van'wana.

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.