I Yhn 2:29 - Testamente Ledrimpswha ni Mapsalma

²⁹ N'waswitiva n'wine leswaku Yene alulamile, ni leswaku lweyo ni lweyo lweyi alulamiki, apswaliwi ha Yene.

I Yhn 2:29 Mawu Ofanana

Yohana 1:13

lava vangapswaliwangakiki hi ngati, nambi kukurandra ka nyama, nambi kukurandra ka wanuna, kambe vapswaliwiki hi kurandra ka Xikwembu Nkulukumba.

Yohana 7:18

Lweyi ativulavulelaka a swake ntsena, atidjulela kutwalisiwa, kasi lweyi adjulaka kutwalisa lweyi amurumiki, yelweyi adumbekile, akuna kusomboloka ku yene.

Mintiro Ya Vapostola 10:35

Kambe a tikweni drin'wana ni drin'wana, lweyi amutxhavaka ni kutira swakululama, awayamukeleka ku Yene.

Mintiro Ya Vapostola 22:14

Kolahu yene aku: Xikwembu Nkulukumba wa vatatana veru akuhlawuleli kuva utiva kurandra kwake, uva uvona Mululami wakwe ni kuva uyingela a ritu dra nomo wakwe.

Mintiro Ya Vapostola 3:14

N'wiyali lweyi wa kuxwenga ni wa kululama, n'wavi n'wikombela kuva kuntrhunxiwa wanuna wa mudlayi.

II Kor 5:21

Lweyi afa angativi xidoho, kambe Yene amuyentxi xidoho ha hine; akuva ha Yene hiva vakululama ka Xikwembu Nkulukumba.

Va-Heberu 7:2

Kutani Abrahamu amupumbela vukhume bya hinkwaswu; na kone kusunguleni, vito dra Melkisedeki swihlaya leswaku Mufumi wa kululama, na kone mfuri, Mufumi wa Salema, kumbe leswaku Mufumi wa kurula.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

Yakobe 1:18

Hikuva hikurandra kwake, Yene ahibeleki hi ritu dra xihlayelamfuri, akuva hi va swirangana swa swivumbiwa swake.

I Ptr 1:23

n'wine n'wibelekiwi dra vubiri, kungali hi mbewu leyi yibolaka, kambe leyi yingabolikiki hikola ka Ritu dra Xikwembu Nkulukumba, ledri drihanyaka mfuri dringa kone minkama hinkwayu.

I Ptr 1:3

Akukhensiwe Xikwembu Nkulukumba, Tatana wa Hosi yeru Yesu Kriste, lweyi hikola ka lirere drakwe ledri drikulu ngopfu, ahitumbuluxiki ka vubiri, akuva hivani kulavisela loku kuhanyaka, hikola ka kupfuka ku lava vakufa ka Yesu Kriste amakari ka vafi,

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

II Ptr 1:4

Hikola ka leswo, ahinyiki aswidumbiso swake swalisima ledrikulu ngopfu swinene, akuva ha swone n'wiva ni vuhlengeli bya ntumbuluku wa kuhlawuleka wa le henhla-henhla, n'witrutruma ku swinavelo swakubiha swinga kone misaveni.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 3:5

Kutani n'wine n'wiswitiva ngopfu swinene leswaku Yene ativonekiseli kutata susa a swidoho sweru, kutani ku Yene akuna xidoho.

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

I Yhn 4:7

Varandriwa, ahirandraneni van'we ku van'wana, hikusa a lirandru dripfa ku Xikwembu Nkulukumba. Mun'wana-ni-mun'wana lweyi arandraka apswaliwi hi Xikwembu Nkulukumba, na swone ativa Xikwembu Nkulukumba.

I Yhn 5:1

Lweyo ni lweyo apfumelaka leswaku Yesu i Kriste, a pswaliwa hi Xikwembu Nkulukumba. Ni lweyo ni lweyo arandraka Tatana arandra ni lava vapswaliwiki ha Yene.

I Yhn 5:18

Haswitiva leswaku lweyo ni lweyo apswaliwiki hi Xikwembu Nkulukumba angadohi ni kan'we, kambe lweyi apswaliwiki ha Xikwembu Nkulukumba awa mubekisa; kutani a mubihi anganakuswikota kumukhumba.

I Yhn 5:4

hikusa lweyo ni lweyo lweyi apswaliwiki hi Xikwembu ahlula misava. Kutani akuhlula loku hi kone kunga henhla ka misava, inga kupfumela kweru.

III Yhn 1:11

Murandriwa, ungayetisi leswakubiha, kambe ina yetisa leswaku xonga. Lweyi a yentxaka leswakuxonga i wa Xikwembu Nkulukumba, kambe lweyi a yentxaka leswi swakubiha angativi Xikwembu Nkulukumba.