I Yhn 2:28 - Testamente Ledrimpswha ni Mapsalma

²⁸ Kutani swoswi ke vana vanga, trhamani ku Yene, akuva loko Yene ativonakalisa hita dumba, na hi ngavi lava vasoliwaka mahlweni kwake, akubuyeni kwake.

I Yhn 2:28 Mawu Ofanana

Mt 16:27

A N'wana wa Mhunu atata hi kuphatima ka Tatana wakwe, kun'we ni tintrumi takwe, kutani atatlhelisela mun'wana-ni-mun'wana kuya hi matirela yake.

Mt 16:28

Nihlayelamfuri nili ku n'wine, amakari ka lava vayimiki kola, vakone van'we lava vangatikifa na vangavonanga kutlhasa ka N'wana wa Mhunu akuphatimeni ka Mfumu wakwe.

Marka 8:38

A mhunu lweyi atakavani tingana ha mine ni maritu yanga amakari ka lixaka dra kusandra, ni dra kudoha, a N'wana wa Mhunu na yene atava ni tingana ha yene, a siku atakabuya hi kuphatima ka Tatana wakwe, kun'we ni swirun'wa leswi swakuxwenga.

Lk 17:30

switayentxisa xiswoswo hi siku ledri N'wana wa Mhunu ataka pfuleteleka ha drone.

Rm 9:33

swanga hi leswi kutraliwiki: Nibeka ribye a Siyoni ledri drikhunguvanyisaka ni kuwisana; Kambe lweyi a pfumelaka ku drone angavi na tingana.

I Kor 1:7

lana kakuva n'wingapfumali nyiko ni yin'we, na n'wirindrela kutikombekisa ka Hosi yeru Yesu Kriste,

I Kor 15:23

Kambe mun'wana-ni-mun'wana, hi nkama wakwe: Hi kusungula, Kriste swanga xirangana; hi kulandra, lava vanga va ka Kriste akubuyeni vakwe.

Ef 3:12

Kuvi hi kupfumela ku Kriste ni kutlhangana na yene loku hine hi twaka ntrhunxeko wa kuva hi tikombisa mahlweni ka Xikwembu Nkulukumba, na hitali hi kudumba.

Va-le-Kolosa 3:4

Loko Kriste inga vutomi byenu, ativonekisa, kutani na n'wine n'witavonekisiwa kun'we na yene a kuphatimeni kwake.

I Tsl 2:19

Hikusa i yini kudumba kweru, ni ngiyana yeru ya kutikutxa, xana a hi n'wine mfuri amahlweni ka Hosi yeru Yesu Kriste akubuyeni kwake?

I Tsl 3:13

Yita tiyisa timbilu tenu akuxwengeni ni kukota kutikombisa n'wihetisekile n'wingena nandru mahlweni ka Xikwembu Nkulukumba Tatana weru, akubuyeni ka Hosi yeru Yesu Kriste ni hinkwatu tinsasi.

I Tsl 5:23

Ke, Xikwembu Nkulukumba wa kurula an'wibasise kakuhinkwaswu, ne moyeni wenu ne hikeni ni mirini, n'wiva lava vabekisekaka hi mfanelo, n'wingave ni kusoleka akubuyeni ka Hosi yeru Yesu Kriste.

I Tmt 6:14

leswaku ubekisa a leleto drakuxwenga, uva lweyi angasolekiki kukondra kuvonekisiwa Hosi yeru Yesu Kriste,

II Tmt 4:8

Kutani swoswi nibekeliwa ngiyana ya kululama, leyi Hosi a muyavanyisi lweyi wa kululama, yitakaninyika asikwini ledro; a nge mine swanga vatahananiwa hinkwavu lava valaviselaka kubuya kwake.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 9:28

Hiswoswo ke, Kriste ahumexiwi kan'we kususa swidoho swa vhanu. Ntrhaku ata humelela nangweso, kunge ha kutata susa xidoho, kambe a kutata huluxa lava mulaviselaka.

I Ptr 1:7

akuva a ntshima ya vupfumeli byenu, lebyi byitlulaka hi lisima a gole, ledri drisuvaka, kambe dridringiwaka hi ndrilo, yifanekela hi kukhensiwa, ni kuphatima, ni xihluwa, akutikombekiseni ka Yesu Kriste;

I Ptr 5:4

kutani loko a mubyisi lwenkulu ku hinkwavu abuya, n'witayamukela a ngiyana ya kuphatima leyi yingabolikiki.

I Yhn 2:1

Vana vanga, nin'witralela timhaka leti, akuva n'wingatxhuki n'widoha. Kambe loko mhunu adohile hini mupfuni ku Tatana, anga Yesu Kriste lweyi wa kululama.

I Yhn 3:2

Varandriwa, swoswi hi vana va Xikwembu Nkulukumba, kambe leswi hitakava xiswone aswinakukombisiwa. Kambe haswitiva leswaku loko Yene ahumelela hita fana na Yene, hikusa hita muvona swanga hileswi anga swone.

I Yhn 3:21

Varandriwa, loko timbilu teru tinga hiyavanyisi, lahu hini kudumba kukulu amahlweni ka Xikwembu Nkulukumba,

I Yhn 4:17

Xileswo a lirandru drihetisekisiwa ku hine, akuva hi siku drakuyavanyisa hitava ni kudumba, swanga hi leswi Yene angaswone, na hine hixiswoswo amisaveni leyi.

I Yhn 5:14

Hikoloku, akudumba loku hinganaku ku Yene hileswaku: loko hikombela xa ntxhumu hikulandra kurandra kwake, kutani Yene awahiyingela.

Mpfuletelo 1:7

Vonani, awata hi le makari ka matlavi, a mahlu ya vhanu hinkwavu matamuvona, nambi lava vamutlhaviki, mfuri a vhanu va tinxaka hinkwatu ta misava vatamudrilela, im'na, Amen!