I Yhn 2:15 - Testamente Ledrimpswha ni Mapsalma

¹⁵ N'wingarandreni misava nambi mili mintxhumu leyi minga ku yone. Loko mhunu arandra misava, a lirandru dra Tatana adri kone ku yene,

I Yhn 2:15 Mawu Ofanana

Mt 4:8

Diyavulosi atlhela mfuri amuyisa ku nhava ya kuleha ngopfu, amukomba a mimfumu hinkwayu ni kuphatima ka yone,

Mt 6:24

Angakone lweyi angakotaka kutirela a tihosi tibiri; hikusa kumbe atavenga yin'we arandra yin'wana, kumbe atanamarela yin'we adrela yin'wana. An'winakuswikota a kutirela Xikwembu Nkulukumba ni mali.

Lk 16:13

Akuna nandra lweyi angaswikotaka kutirela vinyi vabiri, hikusa kumbe atavenga mun'we arandra mun'wana, kumbe atanamarela ku mun'we adrela mun'wana. An'wina kuswikota kutirela Xikwembu Nkulukumba na Mamona (mali).

Yohana 15:19

Loko afa n'wi va misava, ana misava mirandri swa yone; kambe leswi n'wingeke va misava, ni leswi nin'wihlawuliki makari ka yone; hikolahu a misava man'wivenga.

Rm 12:2

N'winga hanyi hi kufambelana ni swihila swa nguva leyi, kambe tindrulutani, n'wikuma mayanakanyela lamampsha. Xi leswi, n'witayingelisisa leswaku hi kwini kurandra ka Xikwembu Nkulukumba, leswinga swinene, leswi trhavisaka ni leswi hetisekiki.

Gl 1:10

Swingava leswaku, mine swoswi, ni djula wupfuno bya vhanu kumbe bya Xikwembu Nkulukumba xana? N'wiyanakanya leswaku xana nidjula kunyoxisa vhanu xana? Loko ni djula leswo, afa ningativa nandra wa Kriste.

Ef 2:2

Leswi afaka n'wifamba ku swone khale, hi mafambela ya misava, hi mafambela ya mintamu ya minfumu ya le henhla mpfhukeni, wunga moya lowu wutiraka swoswi ku vana lava vakuka vangayingiseti.

I Tmt 6:10

Hikusa a kurandra ka mali i mutru wa hinkwaswu leswi swakubiha; van'we, hi kunavela koloko, vafulareli a kupfumela, kutani vatitlhavi timbilu tavu hi mahlomulu manyingi.

Yakobe 1:27

A vukhongoti bya xihlayelamfuri ni lebya kubasa, amahlweni ka Xikwembu Nkulukumba, Tatana weru, hi lebyi: kuvonelela swirombe ni mafelwa kunonon'hweliweni kwavu, ava lweyi waku kala kutinyamisa hi swa misava.

Yakobe 4:4

Vhanu lava vangadumbekikiki! An'wiswitivi leswaku avunakulobye ni misava i vunala ku Xikwembu Nkulukumba xana? Hileswo-ke, loko mhunu arandra kuva nakulobye wa misava, atiyentxa nala ku Xikwembu Nkulukumba.

I Yhn 3:17

Kambe loko mhunu ali xipfundri, kutani avona makwavu lweyi apfumalaka, amupfalela mbilu yake, swingakotekisa kuyini leswaku alirandru dra Xikwembu Nkulukumba dringatrhama ku yene xana?

I Yhn 4:5

Vone i va misava, hileswo-ke vavulavulisaka ximisava; kutani a misava mava yingiseta.

I Yhn 5:10

Lweyi apfumelaka ku N'wana wa Xikwembu Nkulukumba ani vumboni, lweyi angapfumelikiki ku Xikwembu Nkulukumba, amuyentxa amuhembi, hikusa angapfumelanga a vumboni lebyi Xikwembu Nkulukumba ahinyikaka hinkonta ya N'wana wakwe.