I Kor 7:23 - Testamente Ledrimpswha ni Mapsalma

²³ N'wixaviwi hi ntrengo wukulu, n'wingaveneni swikarawa swa vhanu.

I Kor 7:23 Mawu Ofanana

Mt 6:24

Angakone lweyi angakotaka kutirela a tihosi tibiri; hikusa kumbe atavenga yin'we arandra yin'wana, kumbe atanamarela yin'we adrela yin'wana. An'winakuswikota a kutirela Xikwembu Nkulukumba ni mali.

Mintiro Ya Vapostola 20:28

Tivonelani n'wine, ni ntlhambi hinkwawu lowu Moya wa kuxwenga wun'wibekiki kuva vabixopo, akuva n'wibyisa a Kereke dra Xikwembu Nkulukumba, ledri angatixavela hi ngati yake.

I Kor 6:20

Ke leswi n'wixaviwiki hi ntrengo wa kukari, hikolahu-ke, twalisani Xikwembu Nkulukumba hi miri wenu.

Gl 2:4

leswo swavi hikola ka vamakweru va madrimi, afaka vanhingenile na hine hi kukanganyisa, akuva vata kambisisa avuntxhunxeki byeru lebyi hinga nabyu ku Yesu Kriste; akuva vahi yentxa nangweso swikarawa swa nawu.

Tito 2:14

lweyi atinyikeliki ha vuswake hi kola kweru, akuva ahitirula ku vusomboloki hinkwabyu, ava atibasisela a ntalu wa vhanu lava vanga vakwe ntsena, lava vakukhinyela ku mintiro leminene

I Ptr 3:18

Hikuva na yene Kriste axaniseki kan'we hinkonta ya swidoho, yene Mululami, hinkonta ya vasomboloki, akuva an'wiyisa ku Xikwembu Nkulukumba; yene hi tlhelo drin'we afiki anyameni, kambe hi tlhelo drin'wana ahanyisiwiki amoyeni;

Mpfuletelo 5:9

na kone afa vayimbelela lisimu drimpswha, vaku: Uni mfanelo ya kuyamukela buku ni kupfula a swifungu swa drone, hikusa udlayiwile uva uxavela Xikwembu Nkulukumba hi ngati yaku, a vhanu, va tinxaka hinkwatu, ni tindrimi hinkwatu ni va-Matiko hinkwawu;