I Kor 6:9 - Testamente Ledrimpswha ni Mapsalma

⁹ Kumbe xana an'wiswitivi leswaku a vayentxi va vubihi vangatida a pfindla dra Mfumu wa Xikwembu Nkulukumba? N'wingatikanganyiseni! Nambi vawoswani, nambi vagandreli va swikwembu swakuka-ndlela, nambi va vumbuye, nambi lava vatiyentxaka ingi i vavasati, nambi lava vatekanaka hi xinuna xavu kumbe hi xisati xavu,

I Kor 6:9 Mawu Ofanana

Mt 19:29

Mun'wana-ni-mun'wana lweyi atrikiki tiyindlu, vamakwavu va xinuna ni va xisati, ni tatana wakwe kumbe mamana wakwe, kumbe nsati ni vana, kumbe masimu hinkonta yanga, atayamukela hi ka dzana (100) ni kuhindra, ava ada pfindla dra vutomi lebyi byingahelikiki.

Mt 25:34

A HOSI yitabyela lava vanga xineneni xa yone: Tanani n'wine n'wikhensiwaka hi Tatana wanga; danani pfindla dra vuhosi lebyi n'wingabekiseliwa byone a misava mingasina tumbuluka.

Lk 21:8

Aku: Tivonani n'wingatikanganyisiwa. Hikusa vanyingi vatata hi vito dranga vaku: Himi Kriste; ni nkama wukusuhi! N'wingavalandreni!

Mintiro Ya Vapostola 20:32

Kutani nin'wibeka ku Xikwembu Nkulukumba ni le ritwini dra timpswalu takwe, lweyi akotaka kun'wiyakisa, ni kun'winyika a pfindla kun'we ni hinkwavu lava vahlawulekisiwaka.

Mintiro Ya Vapostola 24:25

Kambe loko Pawulosi aha mudrungulela swa vululami, kutikhoma, ni kuyavanyisa loku kutaka, Felikisi asungula kururumela, abyela Pawulosi aku: Tifambele kutani. Nitatlhela nikuvitana na kone, loko nikumi nkama.

Rm 1:18

Hikuva amahlundru ya Xikwembu Nkulukumba matikombisa Matilweni ahenhla ka swidoho hinkwaswu ni vubihi hinkwabyu lebyi byindrulutaka xihlayelamfuri hi vubihi.

I Kor 15:33

N'wingakanganyisekeni! A kutolovelana ni lava vamfani swibolisa a swihena leswi swinene.

I Kor 15:50

Kutani swoswi, vamakweru, nihlaya leswaku a nyama ni ngati aswina kuswikota a kuyamukela a pfindla dra Mfumu wa Xikwembu Nkulukumba, ni kubola, akuna kuswikota a kuyamukela a pfindla dra kuka-kubola.

I Kor 3:16

Xana an'wiswitivi leswaku n'wi Tempele dra Xikwembu Nkulukumba, ni leswaku a Moya wa Xikwembu Nkulukumba wutrhama amakari kwenu?

I Kor 5:1

Kuyingeliwa hinkwaku leswaku amakari kwenu kuni vuwoswi, vuwoswi lebyi byingagamikiki byiva kone nambi amakari ka va-Matiko, byitlhasiki ni lana kakuva kuni lweyi atekiki a nsati wa tatana wakwe

I Kor 5:10

anihlayi leswaku n'witravukana ni va vumbuye, kumbe lava vanavelaka a vukosi bya misava leyi, kumbe vayivi, kumbe vagandreli va swikwembu swakuka-ndlela; hikusa loko afa swilitano an'witasindriseka a kusuka amisaveni leyi.

I Kor 5:11

Kambe swoswi, nin'witralela akuva n'wingatipatri ni lweyi ahlayiwaka makwenu na kasi i wa vumbuye, kumbe munaveli wa vukosi bya misava leyi, kumbe mugandreli wa swikwembu swakuka-ndlela, kumbe mulumbeti, kumbe mpopswi, kumbe muyivi; a mhunu wa kufana ni lweyo, n'wingapatrani na yene, nambi kudeni.

I Kor 6:10

nambi vayivi, nambi vanaveli va vukosi bya misava, nambi timpopswi, nambi valumbeti, nambi vawutli, hinkwavu lavo vangatida a pfindla dra Mfumu wa Xikwembu Nkulukumba.

I Kor 6:18

Trutrumani, n'witxhava a vumbuye ni vuwoswi. A xidoho xin'wana-ni-xin'wana lexi a mhunu axiyentxaka xile handle ka miri; kambe lweyi ayentxaka a vumbuye kumbe vuwoswi, adohela a miri wakwe.

I Kor 6:19

Kumbe xana an'wiswitivi leswaku a miri wenu i tempele dra Moya wa Kuxwenga, lowu wunga ku n'wine, lowu wupfaka hi le ku Xikwembu Nkulukumba, ni leswaku n'wine an'witilumbi, xana?

I Kor 9:24

Xana an'wiswitivi leswaku lava vatrutrumaka alivaleni dra mpalisano, vatrutruma hinkwavu, kambe i mun'we ntsena atekaka a hakelo dra mpalisano? Hikolahu-ke, trutrumisani xi swoswo na n'wine, akuva n'witakuma a hakelo ledro.

II Kor 12:21

Ni leswaku, ni loko nitatlhela nita ku n'wine, Xikwembu Nkulukumba wanga angani trongohati amahlweni kwenu, nidrilela lava vanyingi vanga doha khale, vangandrulukangakiki akusombolokeni kwavu, vusinge ni vumbuye leswi afaka vahanya ku swone.

Gl 6:7

N'winga tikanganyisi: Xikwembu Nkulukumba angatlangisiwi; hikusa leswi mhunu aswibyaliki, atatrhovela swoleswo.

Va-le-Kolosa 3:5

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Va-Heberu 12:14

Djulani kurulisana ni hinkwavu, ni kutixwengisa, handle ka leswo, akuna mhunu angaswikotaka kuvona Hosi,

Va-Heberu 12:16

Kungavi kone makari kwenu vhanu va vumbuye, nambi musandri, kufana na Esawu, lweyi angaxavisa a vunhondrwa byake hi mbenga mun'we wa swakuda.

Va-Heberu 13:4

A vukati abyi bekeliwi xihluwa hi vhanu hinkwavu, na byone likuku byinga nyenyentsisiwi, kambe loko vali vayentxi va vumbuye ni vuwoswi, Xikwembu Nkulukumba ata vayavanyisa.

Yakobe 1:16

N'wingakanganyisekeni, vamakweru lava randrekaka:

I Yhn 3:7

Vana vanga, n'wingatitriki n'wikanganyisiwa hi mhunu! Lweyo ni lweyo ayentxaka kululama a lulamile, swanga ha Yene alulamiki.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.

Mpfuletelo 22:15

Kambe a handle kutrhama timbyana, ni vangoma, ni va vumbuye, ni vadlayi, ni lava vagandrelaka swifaniso ni hinkwavu lava varandraka kuyentxa madrimi hi maritu ni mintiro.